تذكير بمساهمة فاتح الموضوع :

اخواني أعضاء منتدي شباب برمبال القديمة والرياض
هنا سنقوم بعمل قاموس للالفاظ القديمة الدارجه مع التعريف بمعناها الحقيقي في اللغة العربيه وذلك لأن هناك الكثير من هذه الكلمات لم يعد يستخدمه احد الآن وحفاظا علي هذه الكلمات من الاندثار سنقوم بتجميعها هنا لأنها أيضا جزء من تاريخنا ومن هنا أود أن أتوجه بالشكر للأستاذ علي حسن داوود صاحب الفكره الاصليه منذ أكثر من خمسة عشر عاما والتي لم تري النور الا الآن لذلك نتمني أن يكون معنا في هذا العمل وتكونوا كلكم معنا ليخرج هذا القاموس الي النور باذن الله وياحبذا لو أدخلنا اللفظ في جملة حتي يكون سهل للجميع فهمه ساضرب مثالا
انهارده عندنا تصبين
بمعني أن اليوم سنقوم بغسيل الملابس

حامد علي خلف جنيدي

 

ده يا سيدى ابنى أحمد كبير اخواته ولما يجيلك بالبرويطه عبيله الجركنين واديله زمزميه كمان أصل الوعى دى شحه من حدانا شويه ومردوده لك فى الفرح

 

يا سلالالالام على صحفة سمك وانت بتراعية كدة وهو فى اللاحوئى يعنى صينية السمك

 

ياعم تامر احنا بنلف على ميه وكل واحد مراته مشيلاه سنوار وبيلف على ميه ولو ما جابش ميه مش حيصوب البيت وانت بتفكر فى صحفة سمك شكلك مش متجوز وما عندكش حكومه
وبعدين البحر الجديد اليومين دول لو نضحته كتيرك حتلاقى زعلوكين وحتلاقيهم متتطلقين

 

لمؤاخذه ياجماعة اتأخرت عليكم يامِه أصل أني كَتْ في راس البر ورجعت تخريمة من حدا الخوطريه وكان هناك حادسه جرار داخل في ماكنه توين وكانت الأدميه يامِه وساكين السكه هشان كده اتاخرت وانا اللي أؤلت لنفسي آجي تخريمة علي الخوطريه أسرع ما آجي من الزُراعيه وبعدين جيت لئيت الميه شاحه من البلد واللي بيشحت بالصفحيه وبالحله المأبيه ولاحوئي سمك والدنيا زيطه علي العموم أني هاعسِل شوية أصل أني لمؤاخذه مخستع شويه من المشوار وبعدين أحكيلكم علي راس البر

 

ايه يا دلعدى يا ابو حمزه مستيك يجى من يومين عشان تطمنا
وتحدتنا عن اللى جرى فى مشوار راس البر ده
وكنت مفكر انك حتحن على العيال بوقية مشبك
شكلك كده طلعت بخيل
طمنى يا ضنايا ايه اللى جرالك هناك

 

يعني ياسي الاستاذ محمد يا أبوالسعيد متعرفش تطٌول بالك علينا حبتين أني مش آيلَك اني جاي من المشوار مخستع شويه ومش غادر أتحددت ومع ذلك ياسيدي هأولك علي اللي حصل أني ياسيدي صحيت ورا الفجر ووشي علي الزُراعيه عِدِل كان هناك اتوبيس بيحمل راس البر النفر بجوز جنيهات يوديك وبس المهم ركبنا وعلي راس البر وادلينا في حته اسمها 101 دي بأي بتاعت الفلاحين اللي جايين من الأرياف ولمؤاخذه خلعت الجلابيه والسديري وحطيتهم جنب نفر أمير زي حالاتك ده وأولتيله يبقي يراعي عليهم كل شويه واتدليت الميه بس عاديك علي اللي حصل طلعت مالحه وأني كَت مفكرها زي ميه البحر الجديد حاكِم دي أول مره أدلي راس البر والميه بأي ملدتش عليّ بس أولت يعني أروح وأني دافع جوز جنيهات دا علي جستي وفضلت ألبص في الميه لحد الدنيا ما غيمت وطلعت لمؤاخذه لبست الجلابيه والسديري وروحت أدور علي الأتوبيس يمكن ألائيه وارجع معاه ملائيتوش طبعا هتسألني وأعدت من الصبح للمغرب من غير أكل هاؤلك ليه هو احنا لمؤاخذه في رمضان أني كَت واخد معايا عُرْضْ وفيه جوز فطير وحتة جبنه وخياره وحتة حادئه وحطيتهم مع الجلابيه والسديري واتغديت بيهم ومنجهت نفسي أُمال تبقي فسحه ازاي لو الواحد مَبَرِش علي نفسه المهم ياسيدي لئيت أتوبيس بينادي اسكندريه الجديده أؤلت ماشي أني عارف اسكندريه الجديده وأعرف أدبر نفسي حاَكم احنا كنا بنروح نُضُم رز هناك المهم ادلينا اسكندرية الجديده وكان في عربيات بتنادي الجماليه بس أني أولت لنفسي وأني ايه اللي يوديني من علي الزُراعيه أني أخرم من علي الخوطريه وأسأط علي بلدنا من حدا عزبة الرمالي ولو ملائيتش ركوبه أخدها مشي ولئيتلك عربيه نص نئل رايحه نَوحينا واشعبطت في السندوء لحد كوبري الخوطريه واتدليت هناك المهم مشيت لحد عزبة البدري ولئيتلك وابور حرت مروح البلد الله يستره خدني معاه ويادوبك ملحأناش نمشي كتير لئينا حدا عزبة الطويل الحادسه بتاع الجرار مع المكنه التوين واتأخرنا مكناش عارفين نِنْفِد حاكَم الأدميه كانت يامه وفين وفين لما نِفِدنا وجينا وبعدين مشبك ايه يا أبوالسعيد بأولك أول مره أروح يعني لو منيش واخد عُرض الأكل معايا كَت مُت من الجوع علي سِفير يعني ان أني منيش عارف حاجه هناك

 

مفيش عد أورص سلف لما أمي تخبر ... قومي يا بنت اصلحي الفرن ... أنت رايح الكنيف


عاوزين حته حدقة ... امي بتقولك تعالي بططي معاهه عورضين قورص

وحياة الختمة علي عيني موضوع ظريف جدا

وعاوزين 6 أنفار نشتل رز و5 نكنش الفول

يا خراب الخراب عليكم

الجعور نزل التيرة

انا رايح ازين
زينه أرعه
أدعكي الحلل حلو

 

هما العورضين دول يا دلعدى هيكفم مين ولا مين دا أنتم حداكم انفار كتير فى الغيط عاوزين لهم شكاره دقيق فينو انا هشور عليك شوره احنا نخليهم يلفلفم النهارده ويبططم ويخبزم بكره علشان الهوا هيخلى العجين ينكت

 

بس خليهم يخلوا بالهم لا القرص تأدِّد او يسهو عليها في العرصة فيتحرق و يتدعمِم فميعرفوش ياكلوه علاولة

 

يا زهرة الزهرة علاده كلام ... يا حزن الحزن لو ابويه عرف حيضربني بالعوجة

اعمل حسابك يا بو حمزة احنا حنسرح من الفجر نربط الأت ونحمله علي الجرار ونطلعه الجرن علشان نعمل قرص وندرسه بالنورج

وابقي هات معاك الشرشرة علشان تبقي تجرد النزاز الي في دماغ الارض

وقال للسطوحي يخلي باله من شغله دايما جايبلنا المشاكل اتحاش في بنيئه

وان شاء الله عملك شوية كشري وطماطم محشية علي كيفك وبلحتين سود في الغداء

والله في شوية مسلوءة يا بو حمزة ويكون فيها حتتين عظم ملبسين

واعمل حسابك علشان حنفي الرز يوم الجمعة بعد الصلاة و احتمال نندري الرز بمكنه الدراوة لو خصلنا دراس بالنورج

كلمتين علي السريع
لما اروح البيت واطلع المستخبي

 

موضوع جميل علولي - حدالله- بااااااااالك-ياحيلي-بعدش-ياضنايا-حود -اناية -عرصة-بعوية-خولاية-شرد

 

خلي السطوحي يطلع علي السطح يحدف قرصين حلاوة نقيد بهم الموؤدة

وخلي السطوحي يرح ياخد الجحش من الزريبة ويحط عليه العراقة وفوق العراقة المزبلة ويحمل نقلتين وحله من الزريبة .. وبقا فكره ياخد معاه المدره علشان حندري النهاردة

خلي بالك للجسر يهيل وانت بتروي ابقي ليسه حلو
وخلي السطوحي ياخد الحمار ويروح للمتولي الغجري يعمله تحنيكه علشان يعرف يكل حلو

وبعد ميخلص من عند المتولي يروح يشقفه عند البيطار قدام قهوة برهام

 

لكل الناس المهتمه بالسطوحى الغشيم يدخلو من على التشريده دى ويقولو رايهم
[ندعوك للتسجيل في المنتدى أو التعريف بنفسك لمعاينة هذا الرابط]
يارب تعجبكم

 

حتى الناس زمان لما كانم بيشاكلم مع بعض وحب واحد يشتم واحد كان بيقوله
عود سريس لما يلف على رقبتك شوفم حلاوه الشتيمه يعنى روعه فى البلاغه السريس لو لف على رقبة اى واحد فينا هيعمل فيها ايه ولا حاجه شوفم حلاوه الالفاظ الداركه
وايضا كان لهم شتايم بردك تزعل زى اتحش وسطك او توب نار يولع فى جدتك (جسمك يعنى)
وكانم لما يحبم يصبحم على بعض هصبحكم ازاى يعنى هيقولم كلام حلو وايه احلى حاجه ايمهم القشطه والزبده فكانم يقولم ياصباح القشطه اللف والزبده المكعبله ههههههههههههههه


موضوع جميل والله يابوحمزه فكرتنا بالناس اللى قلبهم ابيض

 

يا كاس الكاس علي الوحده ياولاد دا الوحده صعبه أكن سايبني لوحدي هنو ومحدش عايز يجبر بخاطري ويطل علي

 

ياظهره اللقه ياله اتقل همكم

 

موضوع جميل ودى بعض الكلملت حنك -فم/ حدالله بسبع حدود

 

انا برده اقدر اسيبك هنا لواهدك يا ابو حمزه دانت الغالى وابن الغالى
انا بس الواد السطوحى بتاعك ده هو اللى شاغلنى وعايز ارتبله مغرز يطلع من نفوخه
دعواتك معايا خلينا نجيب نافه

جديده نافه دى اكتبوها حتنفعكو
هههههههههههههه

 

وعهض الله ابو اربعة واربعين يمين ان اللظم دي لادد عليا خالص مالص ومن زمان يا دي الدنية وانا نفسي ومني عيني اعمل الموضوع ده بس كت مستأني المسامحة شنها فيها يومين راحة ويارب تعدلها علينا
سؤال : ما المناسبة التي قيلت فيها هذه العبارة ؟
عليك كم بلحة ؟ علي حسن داود
فاكرين يا ولاد لا يرمي ولا يترمرمر؟
هتشوفوا الفاظ عال بس قول يارب

 

شوفتوا صورتي وانا متأمسل ؟

 

رتب لعبة الموس من اول (............ز ) الي اخر لعبة ( رجله ) واللي يرتبها يبقي واد مدقرم ( ناصح )

 

يارب اللي اكتب يمره عليك قصدي يلد عليكم ياباااااااااااااااااااااااااااااااي يعجبكم بلا منحية
وجعتو كبايدي هههههههههههههههه مع انه كبد واحد هههههههههههههه

 

لمو اخذه ياجدعان والنبى مانى فاضى اليمين دول
وحد الحدود معرفت ان انتو قاعدين هنا اصل الدنيا كانت بترخ
والسطح نائع وكت بخيط الشكايروعملت مفرش وربنا ما يوريكوم
فرشته على السطح وطلعت اول رمروم اش وجيت اطلع التانى
اتكفيت على وشى وكانت ليله روبه

 

 

ليه يا سى الاستاذ مصطفى ده الكلام سهل خالص بس انت اتودك كده واتنحرش شويه وانت حتفهم كل حاجه