| موضوع: يوميات السطوحى الغشيم ومراته محاسن .. الحلقة الثامنة السبت يناير 15, 2011 8:36 pm |
| بسم الله الرحمن الرحيم اخوتى واخواتى متابعى يوميات السطوحى الغشيم اليوم موعدكم مع الحلقه الثامنه من اليوميات ارجو ان تنال اعجابكم والان مع الحلقه رقم 8
عمكم السطوحى ربنا كرمه فى زرعة الربه وباعها عشان يجهز الارض لزرعة البصل وسدد تمن السخان وبقى معاه فلوس دلوقتى بقى مين قده بقى شوفو بقى ايه اللى حصل معاه
الوقت اللى احنا فيه ده وقت شتل البصل وعمكم السطوحى عنده فدان ومجهزه عشان يزرعه بصل وعشان اللى مايعرفش يعرف فى الوقت ده بتكون الانفار شحه فى كل مكان ومش ملاحقين وعشان تنبه على انفار تشتل عندك بصل لازم تنبه عليهم قبلها بيومين تلاته المهم عمكم السطوحى عايز انفار عشان يشتلو فدان البصل فهو قاعد دلوقتى على القهوه مع السيد ابو احمد وبيشاوره يعمل ايه ويجيب انفار منين ويروحلمين يجيبله انفار الا قولى يا حاج سيد ايوه ياسطوحى دلوقتى الفدان بتاعى ده حياخد كام نفر يشتلوه والله ياسطوحى هو ممكن يكفيه 10 انفار بس لو زودت نفر او نفرين يكون احسن ويظبطولك الارض طيب والنفر بكام دلوقتى اخر حاجه سمعتها 18 جنيه 18 جنيه !!!!!!! يعنى 12 نفر بكام يا حاج سيد طلع الحاج سيد محمول من جيب السديرى وفتحه وطبعا السطوحى استغرب وفتح الحاج سيد الاله الحابه وحسبها 18×12=216 يبقى ال12 نفر ب 216 جنيه ياسطوحى سيبك انت من الانفار دلوقتى ايه اللى فى ايدك ده حيكون ايه يعنى يا سطوحى ده محمول وجبته امته يا حاج سيد من اسبوع هو انا ما قلتلكش وللا ايه لا ما قلتليش ياسيدى يبقى ما جاش فرصه معلهش وايه اللى خلاك فكرت تجيبه مهو كل حاجه دلوقتى ياسطوحى بتتعمل بالمحمول انت يعنى مفكر انك لو حبيت تجيب انفار حتجيبهم ازاى يعنى ايه يعنى يا حاج سيد مهو يا اخى انت ما حتقدرش تلاقى حد فى بيته من اللى شغالين خولى انفار لازم ترتب معاه بالمحمول اسهل واسرع وغير كده اللى بيرش مبيدات للارض وسواق المجموعه عشان تروى كل ده بتعمله دلوقتى بالمحمول فعلا كلامك صح الدنيا اتغيرت يا حاج سيد بس ما قلتليش تليفونك ده نوعه ايه ده نوكيا 6610 وبكاميره كمان ايوه عقبال ما تشترى يا سطوحى والله انا بفكر وانت طبختها فى دماغى يا حاج سيد طيب اتوكل على الله طيب واجيبه منين والله انا ابو حمزه اتوسطلى عند نسايبه وخلاهم استلقطولى عده كويسه اه صحيح هم نسايبه فعلا فاتحين محل طيب اكلمه يتوسطلى عندهم مش ضرورى انت تروحلهم وقولهم انا جاى من طرف ابو حمزه انت عارف ايه اللى مخلينى ما جبتش محمول لحد دلوقتى ايه ممعاكش فلوس لا بس لو جبت لنفسى واحد حلاقى القضا المستعجل بتاعى بيقولى اشمعنى انا ههههههههههه محاسن وهو فى غيرها يعنى ياعم راضيها بكلمتين وكبر دماغك ولما تقدر تجيبلها ابقى هاتلها وقضوها رنات بقى هههههههههههه ههههههههههههههه رايق يا حاج سيد ياعم روق وفكها
عدى الوقت وراح عمكم السطوحى لنسايب ابو حمزه 2 فى المحل يشوف ايه اللى ممكن يناسبه من المحل وقابل هناك محمد واخوه احمد التمساح السلام عليكم وعليكم السلام ورحمة الله وبركاته اؤمر ياحاج انا جايلكم من طرف ابو حمزه تشرف ياعم طلباتك واحنا تحت امرك عشان خاطر ابو حمزه بس يبقى ابو الواد حمزه الله يكرمكم انا كنت عايز تليفون نص عمر كده وميتك ايه يعنى 300 350جنيه حاجه زى كده طيب فى بالك حاجه معينه انا عايز حاجه بمومرى وابيع الmb3وخلاص ويبقى حاجه واحده وخلاص طيب فى عندى عده n70 تمشى معاك انا ما اعرفش فيهم يا عم شوف ايه اللى يستحمل شغلى ويعيش طيب دى حتمشى معاك وجربها يومين مشت معاك خير ما مشتش نبقى نبدلهالك باى عدة تانيه طيب دى بكام دى ياسيدى ب 340 وعشان خاطرك نخليها 320 بس معاك خط لا دى اول مره اشيل محمول طيب ويبقى كمان 10 جنيه خط يبقى كله 330 جنيه وده عشان خاطر الواد حمزه بس ربنا يكرمك ويخليهولكم طيب انا معايا 300 جنيه بس دلوقتى تجيبها وابقى اعدى عليك بكرهاجيبلك الباقى مافيش مشكله ياعم طيب طلب بقى اخير اتفضل تملالى المومرى نغمات وقران وكده يعنى بسيطه دقيقتين بس لما اخلص الزبون ده وافضالك ماشى خلص عمكم السطوحى وروح وهو مش شايل هم حاجه غير هم محاسن واكيد عنده حق دلوقتى حتقوله اشمعنى انا مهو عزيزه بنتها مش حتجيبه من بعيد يللا روح ياعم السطوحى واستلقى وعدك يا حلو وتعرفو بقى ايه اللى حصل بينه وبينها ؟!!!!!!!!!!!!!!!!!! ده تعرفوه بكره ان شاء الله
|
|
| موضوع: رد: يوميات السطوحى الغشيم ومراته محاسن .. الحلقة الثامنة السبت يناير 15, 2011 9:04 pm |
| ايوه ماهي هيصة اعلان لنسايبك ببلاش واضح ان الحكومة بتراقب اليوميات براحتك ياعم ماانت صاحب الليلة
|
|
| موضوع: رد: يوميات السطوحى الغشيم ومراته محاسن .. الحلقة الثامنة الأحد يناير 16, 2011 7:54 am |
| هههههههههههههههههههههههههههههههههههههه
وحيات ربنا منا عارف أقولك اية ياأبو حمزة 2
غير والله انتة فلة وقشطة عليك
وانا هاروح للتمساح واقولة انى تبعك ياباشا
دمت مميز ومبدع من حورات تحدث داخل حياتنا ربنا يكرمك ياباشا
متحرمناش من ابداعاتك ياباشا
[ندعوك للتسجيل في المنتدى أو التعريف بنفسك لمعاينة هذه الصورة] أبو حمزة 2 [ندعوك للتسجيل في المنتدى أو التعريف بنفسك لمعاينة هذه الصورة]
|
|
| موضوع: رد: يوميات السطوحى الغشيم ومراته محاسن .. الحلقة الثامنة الأحد يناير 16, 2011 5:19 pm |
| - هاني البسطويسي كتب:
- ايوه ماهي هيصة
اعلان لنسايبك ببلاش واضح ان الحكومة بتراقب اليوميات براحتك ياعم ماانت صاحب الليلة ههههههههههههههههههههه ياعم مهو انت من اللى خافو ينضمو للجمعيه وبعدين انا متراقب ياعم وكمان انت مش حتنفعنى لما انزل مصر وملاقيش مكان انام فيه غير فى حضن العجل بتاع عمك السطوحى ههههههههههههههههههههههههههه
|
|
| موضوع: رد: يوميات السطوحى الغشيم ومراته محاسن .. الحلقة الثامنة الأحد يناير 16, 2011 5:24 pm |
| - SAAD.BASHA كتب:
هههههههههههههههههههههههههههههههههههههه
وحيات ربنا منا عارف أقولك اية ياأبو حمزة 2
غير والله انتة فلة وقشطة عليك
وانا هاروح للتمساح واقولة انى تبعك ياباشا
دمت مميز ومبدع من حورات تحدث داخل حياتنا ربنا يكرمك ياباشا
متحرمناش من ابداعاتك ياباشا
[ندعوك للتسجيل في المنتدى أو التعريف بنفسك لمعاينة هذه الصورة] أبو حمزة 2 [ندعوك للتسجيل في المنتدى أو التعريف بنفسك لمعاينة هذه الصورة] يبقى بتزن على خراب عشك شوف لو عايز تروح قولهم انا تبع حمزه احسن يابنى بدل ما يطردوك
ههههههههههههههههههههههههههههه
|
|