اخوتى الاعزاء اعضاء منتدانا الغالى
السلام عليكم ورحمة الله وبركاته

اتيتكم اليوم بفكره بسيطه وعلى كل شخص ان يخرج روح الابداع لديه بالطريقه التى تناسبه
وارجو التفاعل معى واليكم الفكره

تخيل نفسك متظاهر وامامك فرد من الامن المركزى يمنعك من التظاهر فما هو الحوار اللذى تتخيل انه قد يدور بينكما
وسابدا بنفسى وانتم عليكم المتابعه وكل شخص يبدى رايه بطريقته ووضع الحوار من وجهة نظره
وليس ضروريا ابدا ان يكون باللغه العربيه الفصحى اكتب بالعاميه

وهذا هو حوارى

لما ضاق بيا الامر وحبيت اتظاهر ولقيت فى ناس زيى كتير لقيت الناس ما صدقت واتجمعنا وعملنا مظاهره مش عايزين الا اننا ننفس عن اللى جوانا مش عايزين تخريب لاى شئ
بس عايزين نطلع صوتنا جايز حد يسمعنا ويراعى الله فينا
وصل الخبر للمركز وبعت كام عربية امن مركزى وسدو علينا الطريق ونزل منهم افراد الامن بالدروع والعصى
ولما قربنا منهم لقينا العصيان اشتغلت ضرب وما بتفرقش بين شاب وشايب
او مريض او فتى
المهم ربنا الهمنى وشديت اللى قريبين منى فى المظاهر لورى وشاورت لافراد الامن انا وفى ناس تانيه برده معايا
وقلنالهم خلاص خلاص
طولو بالكم بس
رد واحد منهم وقال يللا من هنا كل واحد يروح عند بيته
رديت عليه وقلت ياعم انت شايفنا يعنى شايلين سلاح وللا حتى فى حد فى اديه طوبه وللا حد مد اديه عليكم
قال انا ماليش دعوه بكل الكلام دهانا عندى اوامر بنفذها
قلتله طيب ياسيدى الاوامر بتاعتكم دى بتقولكم تضربو الناس زى الحيوانات كده
انا عندى اوامر بفض التظاهر باى طريقه بالضرب بالاعتقال باى طريقه حتى لو وصلت لضرب النار
وليه كل ده يعنى امال لو كنا مجرمين كنتم عملتم فينا ايه
انا قلتلك ده مش شغلى انا عندى اوامر
طيب يا اخى انا عايز اسالك سؤال بسيط
اللهم طولك ياروح انا ما فياش دماغ للمناهده بتاعتك دى
يا اخى صلى على النبى بس هو سؤال واحد
اسال ياسيدى مع انى عارف ان السؤال ده حيجر سؤال
دلوقتى لو انت بتضرب الناس بالطريقه دى وفجاه لقيت اخوك قدامك او ابوك وواحد زميلك بيضربه الضرب ده كنت حتعمل ايه
كنت حتقول اوامر
وللا حتحوش عنه
وللا حتقول لزميلك كتر خيرك انك بتنفذ الاوامر
قال يا عم الحاج سيبنى فى حالى وسيبنى اشوف شغلى
قلتله والله انا عارف انك مش حتجاوب
قالى ياعم عشان اريحك انا ولا اخويا يتاع مظاهرات وكمان ابويا ميت
طيب وامك عايشه
انت حتفتح معايا تحقيق
لا ياسيدى ولا تحقيق ولا حاجه بس خدنى على قد عقلى بس
ايوه ياسيدى عايشه عايز ايه بقى
ولا حاجه عايزك تشوف الست اللى قاعده هناك دى ومتعوره من ضربكم واتخيل كده انها امك والدم نازل منها كده كنت حتعمل ايه لما تشوفها
ياعم سيبنى فى حالى بقى انتم مش حاسين بينا
قولى ياعم جايز تلاقينى حاسس بيك او اى حد تانى يحس بيك
ياعم انت ترضالى الازيه
لا ما ارضاش لاى حد انه يتازى
اهو انا لو ما عملتش كده حتحول لمحاكمة عسكريه بتهمة عصيان الامر
وبعدين
شوف بقى المحاكمه العسكريه حتكم بكام سنه حبس وانت ما تعرفش ايه اللى بيحصل فى السجون العسكريه
انا بسمع
انت بتسمع لكن ماشفتش بعنيك انا بقى شفت وللا انت مفكر انى عاجبنى ضربى فى الناس
وللا تكون مفكر انى ما بتخيلش ان اللى بيتضرب ده اخويا او اللى بتتضرب دى اختى او امى لكن انا مجبور على كده
اعمل ايه
طيب احنا عايزين نعدى واوعدك ان مافيش حد حيعمل شغب احنا بس بنفك عن نفسنا وخلاص
طيب ما تعمل انت فيا جميله وترجعو من مكان ما جيتو وتوفر علينا وعليك الدم اللى بيسيل ده
وقبل ما ارد عليه لقيت الرد جاى من ورايا
لقيت كل المتظاهرين اللى كانو ورايا اخدم قرار انهم لازم يعدو الطريق ويخترقو جدار الامن ومن غير ما اشعر لقيت المعركه رجعت زى الاول واشرس

وساعتها اتاكدت اننا مجبرين اننا نسمع صوتنا للمسؤولين وان فرد الامن مجبر انه يضربنا
ويفضل الظالم فى مكتبه فى المكيف يخبط الناس فى بعض ويموتو بعض وهو بيشوف ايه اخر اخبار اسهمه فى البرصه

ولكن
(كان ده زمان)

 

 

SAAD.BASHA كتب:

تسلم ياابو حمزة والله كلامك مضبوط

تسلم دماغك دى اكيد من كتر شرب العصير القصب هههههههههههه


ربنا يجيب الايام الجية على خير يارب ياابو حمزة وتسلم مرة اخرى

دايما بتنورنى بمرورك يا سعد باشا
وربنا يتقبل منك وتكون الايام اللى جايه افضل باذن الله

 

 

مريم حبيبة الرحمن كتب:

هههههههههههههه

جمييييله تسلم يا أبو حمزه
ربنا يخليك وعلى طول كده
تضع لنا حجات من دى كتير
فى إنتظار المزيد

تسلمى يا اخت مريم
وشرفنى مرورك

 

مشكووووور يا أبو حمزة
بس المفروض المتظاهرين و العساكر اللي بيضربوا ينزلوا ضرب على المسئول
اللي مروق دماغه و قاعد ف المكيف
هو أخر روقان و الناس بره بتقطع في بعضها و دي أوامرمن سياته

 

nonacool كتب:

مشكووووور يا أبو حمزة
بس المفروض المتظاهرين و العساكر اللي بيضربوا ينزلوا ضرب على المسئول
اللي مروق دماغه و قاعد ف المكيف
هو أخر روقان و الناس بره بتقطع في بعضها و دي أوامرمن سياته

والله انا اتمنى ان الكلام ده ما عدش يحصل بعد كده والفتره القادمه تكون افضل ان شاء الله
اشكرك على مرورك اختى الفاضله