| يوميات السطوحى الغشيم ومراته محاسن .. الحلقة الأولى | |
|
كاتب الموضوع | محتوى الموضوع |
---|
| موضوع: يوميات السطوحى الغشيم ومراته محاسن .. الحلقة الأولى السبت يناير 08, 2011 5:42 pm |
| اخوتى الاعزاءاتيتكم اليوم بيوميات السطوحى الغشيم ومراته محاسن ولكن لدى تنويه (الشخصيات الموجوده فى اليوميات من وحى الخيال واى تطابق بين اى اسم او شخصيه يكون غير مقصود الا بعض الشخصيات اللتى ستكون من الواقع مثل ابو حمزه 1 وانا حيث ان فكرة الشخصيه فى الاصل من صنع ابو حمزه 1 ولكنى ادخلتها فى قصه خفيفه ارجو ان تنال اعجابكم )
اولا اعرفكم بالابطال الاساسيين فى اليوميات وحيث ان الايتيكيت يقول السيدات اولا فانا غير محب الايتيكيت وسابدا بشخصية السطوحى الغشيم السطوحى الغشيم شخص قد تراه فى اى مكان واى زمان معاه الاعداديه وسقط فى الصف الاول الزراعى 3 مرات تزوج زوجته محاسن بعد ان سافر ليبيا وكون نفسه عمله فلاح يملك حمار وجموسه
محاسن بنت عبده الفرارجى بتاع البيض تعليمها عالى تصورو معاها دبلوم تجاره بتحب زوجها لدرجة انها بتتمنى كل يوم انه يسح الغيط مايرجعش تانى
ونبدا اليوميات وساكتبها باللغه العاميه البرمباليه
اذن الديك الفجر واعلن ان انهارده بدا زغد عمك السطوحى الغشيم مراته وهى نايمه جنبه وقالها قومى يالا يا محاسن الفجر ادن قالتله واقوم دلوقتى اعمل ايه ياسطوحى انت غاوى وجع قلب قومى ياوليه جهزيلى الفطار وشدى على الحمار عشان الحق اسرح قبل النهار مايطلع عارفه موال كل يوم قايمه اهو ياخويا ربنا يتوب عليا بقى انت بتبرطمى على الصبح بتقولى ايه مابقولش ياخويا انا قمت خلاص اهو قام عمكم السطوحى اتوضى وصلى الفجر عما جهزتله محاسن الفطار وفطر كانت محاسن جهزتله الحمار والاكل وطلع عمكم السطوحى من البيت وعدى على صاحبه السيد ابو احمد عشان حيسرحو سوا وسرح عمكم السطوحى وساب محاسن قومت العيال وفطرتهم عشان يروحو مدارسهم وكان عنده بنتين وولد فاطمه الكبيره وعبده الوسطانى عزيزه الصغيره
فاطمه قالت لامها يااما انا عايزه مصاريف الكتب قالتلها امها روحى بس انهارده وبكره الاربع وابوك حيقبض من ابو حمزه 2 وحديلك المصاريف تاخديها معاك يوم الخميس فاطمه ياسلام مهو انت بتقولى كده كل اسبوع وما بشوفش حاجه انت حتمشى من وشى وللا تتضربى بالمقشه البلح حلاقيها منك وللا من ابوك ماشيه خلاص بس لو مشونى من المدرسه حجيلك ومش رايحه المدرسه الا لما تجيبى المصاريف
امشى يابنت ............على مدرستك
عبده وده بقى الرايق بتاع العيله اما انا عايز نص جنيه عشان اجيب قلم جاف والقلم اللى انت جابه من يومين راح فين يومين ايه ياما ده من الشهر اللى فات وايه يعنى لحق يخلص انت حتجيبى النص جنيه وللا والله ما اروح المدرسه انهارده طيب النص جنيه اهو انت يعنى حتجيب اللماضه دى من بعيد ابن الوز عوام
عزيزه ودى اخر العنقود وانا كمان عايزه اجيب قلم جاف انت فى اولى لسه حتحتاجى قلم جاف ليه واشمعنى عبده يعنى انا مالى انا عايزه قلم جاف انت شكلك كده نهارك مش فايت وشكلك كده حتاخدى على دماغك انهارده انا مش ناقصه دلع مرئ طيب والله ما انا عدت كاتبه الواجب يللا بقى هيه يللا يا بنت ........... امشى يللا مع اخواتك وللا لازم تصتبحى بالمقشه كل يوم طيب خلاص والله لما ييجى ابويا لقايلاله امشى ............................................................................. وطبعا ادتلها محاسن من المنقى واللى متعوده عليه عزيزه كل يوم
عدى الوقت ومحاسن بتطبخ كشرى وبتقلى برنجان وسمعت صوت اغانى من بعيد قالت المحروس وصل (اصلى ما قلتلكوش السطوحى الغشيم معاه mb3قارف اللى حواليه بيه وغاوى اغانى سيدة الغناء العربى كوكب الشرق السيده نانسى عجرم ) ولقيته بينادى عليها يامحاسن افتحى باب الزريبه خلينى ادخل الحمار اصلى محمله حشيش طيب يابعلى جايه اهو جهزيلى الحمام يللا يا محاسن وهو الحمام بتاعنا فيه ايه يتجهز الا مافيه غير حنفيه ودش وحتى ما فيش مكان احط فيه الغساله ايوه موال كل يوم بقى الموال اياه موال ايه يا عنيا مش كفايه انى وافقت اتجوز واحد ما كملش تعليمه وهو انت اللى فالحه يعنى وللا حتذلينا بالدبلون بتاعك ده حتى مش عارف تنطقها صح الطف بيا يارب خلصى يابنت عبده بتاع البيض اسم الله عليك يا بن بارم ديله خلصى انت طابخه ايه انهارده طابخه كشرى وبرنجان مقلى وهو كل يوم كشرى على قد فلوسك يا بعلى زودلى المصروف وانا اجيبلك لحمه كل يوم يادى الموال بتاع كل يوم اللى مش حنخلص منه قومى هاتى يللا انا جعان مش حتستنى العيال وللا العيال دى يعنى حتسيبنى كل يوم معاهم يحرقولى دمى يوووووووووووو يعنى كمان مش حعرف اكل فى جو هادى والله مش عاجبك اتجوز واحده تدلعك المهم العيال جم بدوشتهم واتغدو وقام عمكم السطوحى الغشيم يقيل ونبقى نشوف سوا ايه اللى حصل بعد ما يقوم من القيلوله بتاعته
استنونى مع باقى اليوميات مع السطوحى الغشيم ومراته محاسن
|
|
| |
| موضوع: رد: يوميات السطوحى الغشيم ومراته محاسن .. الحلقة الأولى السبت يناير 08, 2011 6:22 pm |
| هههههههههههههههههههه جميله يوميات السطوحى الغشيم انا متابعاك وفى انتظار الجديد
|
|
| |
| موضوع: رد: يوميات السطوحى الغشيم ومراته محاسن .. الحلقة الأولى السبت يناير 08, 2011 6:36 pm |
| هههههههههههههههههههههههه هههههههههههههه هههههههههه عسل والله يا ابو حمزه فى انتظار البقيه يا باشا بكل شوق تسلم الايادى يا غالى
|
|
| |
| موضوع: رد: يوميات السطوحى الغشيم ومراته محاسن .. الحلقة الأولى السبت يناير 08, 2011 7:17 pm |
| العنقاء اخى ابو تسنيم كم يسعدنى ان اليوميات قد حازت اعجابكم واتمنى ان تنال اعجاب جميع الاعضاء وياريت تزودونى باقتراحاتكم وتصوراتكم عما سيحدث فى اليوميات الباقيه ان شاء الله ربنا يكفيكم شر المرض ويكفيكم شر محاسن ههههههههههههههه
|
|
| |
| موضوع: رد: يوميات السطوحى الغشيم ومراته محاسن .. الحلقة الأولى السبت يناير 08, 2011 7:20 pm |
| خلي بالك يا بو حمزة السطوحي الغشيم حيدخل التاريخ من أوسع ابوابه بس شخصية ظريفة جدا
|
|
| |
| موضوع: رد: يوميات السطوحى الغشيم ومراته محاسن .. الحلقة الأولى السبت يناير 08, 2011 7:28 pm |
| - أبو أدهم كتب:
- خلي بالك يا بو حمزة السطوحي الغشيم حيدخل التاريخ من أوسع ابوابه
بس شخصية ظريفة جدا ربنا يجعلنا من بركاته جايز حد فى المنتدى يرشحنا حتى لجائزة نوفل وللا نجيب محظوظ احسن منى يعنى هههههههههههههههههههههه شرفنى مرورك ابو ادهم
|
|
| |
| موضوع: رد: يوميات السطوحى الغشيم ومراته محاسن .. الحلقة الأولى السبت يناير 08, 2011 7:33 pm |
| الفكرة اللى انا اتوقعتها فى القصه ان الست محاسن نكديه وماعندهاش رضا باللى ربنا قسمهولها ربنا يكفيك شر الست النكديه هههههههههههههههههه
|
|
| |
| موضوع: رد: يوميات السطوحى الغشيم ومراته محاسن .. الحلقة الأولى السبت يناير 08, 2011 9:14 pm |
| والله غريبه حتى أم نغه عايزه قلم جاف
|
|
| |
| موضوع: رد: يوميات السطوحى الغشيم ومراته محاسن .. الحلقة الأولى الأحد يناير 09, 2011 11:10 am |
| ههههههههههههه قشطه عليك ياباشا حلوه والهي عثل ياباشا
|
|
| |
| موضوع: رد: يوميات السطوحى الغشيم ومراته محاسن .. الحلقة الأولى الأحد يناير 09, 2011 5:21 pm |
| كم يسعدنى مروركم جميعا وحلوة ام نغه دى يا ابو احمد شكرا لمروركم
|
|
| |
| موضوع: يوميات السطوحى الغشيم ومراته محاسن 1 الأحد يناير 09, 2011 5:35 pm |
| هههههههههههههههههههههههههه ههههههههههههههههههههههههههههه ههههههههههههههههههههههههههههههههههههههههههههه
قشطة عليك ياأبو حمزة والله عسل ابقة شفلى السطوحى لو
بيبيع mb3 دة كدة هههههههههههههههههههههه
|
|
| |
| موضوع: رد: يوميات السطوحى الغشيم ومراته محاسن .. الحلقة الأولى الأربعاء يناير 26, 2011 8:43 pm |
| |
|
| |
| يوميات السطوحى الغشيم ومراته محاسن .. الحلقة الأولى | |
|
صفحة 1 من اصل 1 |
|