الظاهر يا ابو حمزة كل موضوعاتك متعبة ومجهدة
كل ما أقرالك تستفزنى
شوف بقى يا سيدى
أول هام ( حلوة دى )
أول هام مين قالك إن اللى الموجودين ع الساحة فنانين ؟
زى ما فيه عالم إفتراضى موازى فيه كمان فن مصرى موازى
بمعنـــــــــــــــى
النظام اللى فات وف ديله سبع لفات
عوِّم على السطح كل حاجة عيــــــــــــرة
يعنى رجال أعمال عيرة - بيشتغلوا فى تسقيع العقارات والشيبسى واللبان -
رغم إن فيه رجال أعمال محترمين لكن مالهمشى مكان فبقوا رجال أعمال موازيين ( زى ممدوح حمزة كده )
و فى الفن بردو نفس الشىء جابولنا العيرة فوق السطح وعملوهم نجوم
والفنانون الحقيقيون فضلوا فى عالم موازى
مثلاً
الفن الحقيقى بيمثلوا ناس معظم المصريين ما سمعوش عنهم قبل كده ولو سمعوا عنهم بيبقى مجرد أسماءهم بس
يعنى مين يعرف وجيه عزيز والشيخ صلاح عيسى وحنان ماضى وعايدة الأيوبى وعلى سلامة
ومين يعرف فنانين مسارح مصر الجادة
مين يعرف نجوم الفن الشعبى الحقيقى .
يعنى إعلام النظام اللى فات جاب لنا الفنانين العيرة ولمعهم وطفى وطرد الفنانين الحقيقين .
دى واحدة
تانى هـــــــــــام
طول عمر الدنيا وفيها حاجين
أول حاجة العمل اللى هو الإنتاج
تانى حاجة الترفيه
والترفيه ده بقى بيندرج تحته
الكورة ( الرياضة عامة والفن بفروعه والقعاد ع القهوة )
كان زمان ومش من زمان قوى
الممثل إسمه المشخصاتى وكانت المحاكم ما بتدخدش بشهادته يعنى مالوش شهادة
وكانت العائلات المحترمة تتبرى من اللى يشتغل فى التمثيل من أفرادها ( زى يوسف وهبى كده )
جينا إحنا وخلينا الترفيه هو الأصـــــــــــل وخلينا الأصل اللى هو العمل تهريج وكأنه نرفيه .
يعنى يا صديقى
دول اللى بتشوفهم مش فنانين وبالتالى توقع منهم أى حاجة
وكمان العيب فى المجتمع مش فيهم هوفيه حد يلاقى دلع وما يتدلعش ده يبقى ......
لك تحياتى يا أباحمزة