عـــــــــــــــــــــــــــاد بــــــــــعــــــــــــــد غــــــــــيــــــــــــــــاب
كانت كلمات ثاقبة ؛ دخلت القلب خاطفة ؛ فرحت لها ؛ اشتقت لها ؛ واتضح لى انها خائنة ؛ موضوعى هو عاد بعد غياب .. قرات هذا العنوان فى منشور علق لاحد الاسر فى الكلية والتى خاضت انتخابات اتحاد الطلاب ؛ فاعجبى هذا العنوان ؛ واخذ يتردد كثيرا فى ذهنى وعندما ظهرت نتيجة الانتخابات ؛ احسست وان الحرية بدئت تعيش وتنمو بيننا من جديد ولكن (( الحلو ميكملش )) وقفت متحدثا الى احد الدكاترة بالكلية فى مكتبة استفسر منه عن شى بخصوص مادته ؛ وفى وسط الحديث تناولنا موضوع ( من هو الرئيس القادم ) وكانت الصدمة كبيرة . فهذا الدكتور محل ثقة كبيرة بالنسبة لى فعندما قلت له من هو الرئيس القادم على حسب توقعاتك من الاشخاص الحاليين على الساحة .. فضحك وقال (( ولا واحد من دول هينجح )) فتعجبت وقلت له ولكن لهم شعبيات كثيرة ولهم قبول كبير فى الشارع المصرى فرد قائلا ( انا لو متاكد انى هنجح بنسبة 1% كنت رشحت نفسى ) فتعجبت وقولت له كيف ذالك السنا فى عصر الحرية فقال لى (( مش انت بتحب التاريخ وقرائت زى ماقولتلى قبل كدا فى تاريخ حكام مصر )) فقلت نعم .. فقال لى ((ألم تلاحظ شيئا )) فقولت من اى جهة بالاخص . فقال لى (( بالنسبة للى قعدوا على كرسى الرئاسة )) فقولت ( نعم جميعهم كانو حكام عسكريين ) فقال لى هنا اللغز فقال (( انت تعلم وكثير من الشعب يعلم ان الظباط الاحرار عندما مسكو بزمام الامور ووضعو منهم الرئيس محمد نجيب رئيسا لمصر مؤقتا حتى يتم تسليم الحكم مدنى الى الشعب )) فقلت نعم فقال لى (( الم تلاحظ قصر حكم محمد نجيب )) فقلت هناك شى مبهم بالنسبة لى فى هذا الامر فقال (( عشان محمد نجيب كان بيحب مصر وكان رافض سياسة الظباط الاحرار وكان عاوز يوفى بوعده للشعب بانه يسلم الحكم مدنى ادوله الصابونة وطار )) هنا فهمت ان هناك امر غير طبيعى وقال لى ((جاء عبد الناصر وماتت مسموما )) ودى ورقة من تحت الطربيزة وكان عسكرى (( وجه السادات وكان عسكرى )) وتم اغتيالة وطبعا اتفرجت على فيديوهات اغتيالة وازاى كانت العملية مدبرة من اقرب الناس له ... فقلت نعم (( عرفت ذالك منذ فترة ليست بكبيرة )) وقالى لى جاء الطيار (( حكم عسكرى )) وطغى علينا 30 سنة قولتله والشعب قام بالثورة وحققنا حلمنا ... فقال فعلا الحلم اتحقق لكن للاسف يابنى هناك طربيزة تدبر شئون مصر ؛ وتقوم بتحديد مصير كرسى الحكم بعيدا عن الشعب عندها ادركت اننا لسنا سوى ((دمية )) فى ايديهم واننا مثل الطائر الاسير فى قفص الشياطين .... ثم قلت له اذن من هو الرئيس القادم فقال لى (( لسا مااعلنش ترشيحه؛؛ وهيظهر فى الوقت المناسب ؛؛ وهيكون عسكرى بردك)) هنا احسست بغيوبة لم اشعر بنفسى وقولت فى نفسى (( اهذا فى صالح مصر ام ضدها )) ومتى سنختار رئيسنا بارادتنا ويعود لنا هذا الكرسى بعد طول هذا الغياب .............................
أحمد ابراهيم البيلى
كلية التجارة _جامعة الازهر

 

بسم الله

أخى أحمد البيلى ...مع إحترامى الشديد ليك وللدكتور الفاضل ...كل كلامة مش مقنع وإوعى تصدق حرف منة وبكرة تشوف إرادة الشعب القوى دا هتودية فين

وإنة الزاى فى الفترة اللى جاية هيقدر يختار رئيسة مظبوط وما علينا إلا الدعاء بأن يولى الله أمورنا من خير لإدائها والله المستعان

تقبل مرورى على موضوعكم المميز

 

تحياتي أخ أحمد وتحياتي أبوحمزة
بصراحة كلام الدكتور منطقي جدا واللعبة فيها توزنات شديدة والدليل جمعة الغضب الثانية ومن قبلها التعديلات الدستورية واللجنة التي تم اختيارها لتعديل الدستور من الواضح جدا ان هناك تربيطات واتفقات والأيام اللي جاية هتوضح هل هذه الرؤى سليمة أم أنها مجرد ظنون
وتوقعاتي الشخصية نفس ماتحدث عنه دكتورك المحترم

 

انا من راى الدكتور والاخ هانى
وفى رايى يا غنيم ان الناس فعلا فيها قوه لكن عواطف الناس اقوى
وزى ما شفنا فى الفتره الاخيره كلمه قومت الناس وكلمة اقعدتم وده بالنسبه لموضوع كاميليا طبعا

وتخيل كده لو انت فى مسرح وبتتابع مسرحيه
لو واحد سقف تلاقى الباقى كلهم سقفو
طيب تخيل نفسك لو انت المنتج وهات واحد لحسابك يسقف عمال على بطال حتلاقى كل الناس بتسقف وراه ومن غير ما تفهم
وفى الاخر حيطلعو من المسرحيه مبسوطين واحساسهم انهم عملو اللى هما عايزينه
اهو المسرح ده دلوقتى هو الشارع المصرى
ومافيش اكتر من المنتجين فى زماننا ده
تقبل مرورى اخى احمد
واشكرك على المجهود الرائع

 

محمد غنيم كتب:

بسم الله

أخى أحمد البيلى ...مع إحترامى الشديد ليك وللدكتور الفاضل ...كل كلامة مش مقنع وإوعى تصدق حرف منة وبكرة تشوف إرادة الشعب القوى دا هتودية فين

وإنة الزاى فى الفترة اللى جاية هيقدر يختار رئيسة مظبوط وما علينا إلا الدعاء بأن يولى الله أمورنا من خير لإدائها والله المستعان

تقبل مرورى على موضوعكم المميز

محمد باشا غنيم سعدت جدا بوجودك فى موضوعى وصدقنى انا واثق ان الرئيس القادم عسكرى وياريت ننتظر بس صدقنى دا اللى هيحصل وافتكر انى قولت الكلام دا .. تقبل خالص تحياتى

 

هاني البسطويسي كتب:

تحياتي أخ أحمد وتحياتي أبوحمزة
بصراحة كلام الدكتور منطقي جدا واللعبة فيها توزنات شديدة والدليل جمعة الغضب الثانية ومن قبلها التعديلات الدستورية واللجنة التي تم اختيارها لتعديل الدستور من الواضح جدا ان هناك تربيطات واتفقات والأيام اللي جاية هتوضح هل هذه الرؤى سليمة أم أنها مجرد ظنون
وتوقعاتي الشخصية نفس ماتحدث عنه دكتورك المحترم

جميل جدا ان ارى عقولا فى بلدى تحلل الامور بجميع نواحيها .. تقبل خالص تحياتى استاذ هانى وسعدت بمرورك

 

ابوحمزه الجمل كتب:

انا من راى الدكتور والاخ هانى
وفى رايى يا غنيم ان الناس فعلا فيها قوه لكن عواطف الناس اقوى
وزى ما شفنا فى الفتره الاخيره كلمه قومت الناس وكلمة اقعدتم وده بالنسبه لموضوع كاميليا طبعا

وتخيل كده لو انت فى مسرح وبتتابع مسرحيه
لو واحد سقف تلاقى الباقى كلهم سقفو
طيب تخيل نفسك لو انت المنتج وهات واحد لحسابك يسقف عمال على بطال حتلاقى كل الناس بتسقف وراه ومن غير ما تفهم
وفى الاخر حيطلعو من المسرحيه مبسوطين واحساسهم انهم عملو اللى هما عايزينه
اهو المسرح ده دلوقتى هو الشارع المصرى
ومافيش اكتر من المنتجين فى زماننا ده
تقبل مرورى اخى احمد
واشكرك على المجهود الرائع

حبيبى ابو حمزة كلامك وتعلقياتك والتعبيرات جميلة جدا جدا .... فعلا الشعب بيتحرك من غير مابيحس بادين ناس تانية .. خالص تحياتى

 

ربنا يستر على مصر ربنا يستر على مصر

 

الاخ احمد البيلى سعدت كثيرا بهذا العرض للحادثة التى اذهلتك ، واخذت كثيرا من انتباهك ، ومن ثقة الدكتور صاحبك فى هذا التحليل التاريخى التسلسلى ، الذى قد يقنع البعض بقناعة الدكتور ،،،،،،

ولكن كل هؤلاء من ذكرهم الدكتور ومن يديرون الطاولة حسب ظنه وتقديره ، كلهم جميعا بشر ،، والجهة الاخرى المقابلة لهم هم من نفس البشر ،، و اعتقد ان الصورة المعروضة ليست بهذا الشكل ،، ومادامت قناعتى ان هؤلاء جميعهم بشر خلق من خلق الله ،و نحن جميعا خلق من خلقه ، ونملك مايملكون من اعمال للفكر ، وطلبا لاحقاق الحق ،،،، وبقى اخيرا ان لايوجد بشر يريد شيئا فى ملكوت الله الا بكينونته ،، انت تريد وانا اريد والله يفعل ما يشاء ويختار ، واعلم ان التاريخ قد رسم لنا فى الماضى وخطط له ، اما الان فحرى بنا ان نخطط لحاضرنا ومستقبلنا ، وليس بالهين ان نفقد ما اكتسبناه وانتزعناه نزعا ونزاعا مريرا طيلة سنوات طوال من اجل حريتنا وكرامتنا ،،،،،،،،، سعدت بتواصلى معكم وسعدت كثيرا بمشاركة الجميع ................