السلام عليكم
لقد فضلت ان اكتب هذه القصه لتكون باكورة القصص حتي يتشجع كل من لديه قصه أو حدوته حدثت ليشارك بها هنا في منتدانا الجميل وقصتي هي كالتالي
هذه القصه حكاها لي والد احد اصدقائي وهي انهم عندما كانوا شباب صغار قام افراد عائلة ابوجنيدي والذي انتمي انا لهم بعمل نادي خاص بهم بعيدا عن نادي القرية وقاموا بعمل فريق كرة قدم من شباب العائلة ومعهم شباب من أصدقائهم من العائلات المجاورة وكانت لهم نشاطات منها كرة القدم وقاموا بعمل فريق كرة القدم وقرروا الانتشار واللعب خارج القرية وبالفعل نجحوا في الاتفاق علي اللعب مع فريق كفر علام وماحدث أن فريق كفر علام أعلن عن المباره عن طريق الميكروفونات في جميع انحاء القريه واعلن ان انه سيلعب فريق كفر علام مع فريق برمبال القديمه وهذه كانت الطامه الكبري حيث ان اهالي كفر علام استعدوا لمشاهدة المباراه حيث ان فريق برمبال في ذاك الوقت كان يتمتع بسمعه كرويه كبيره والغي الفلاحون عملهم بعد الظهيره من اجل المباره وكان ملعب المباره بجوار ترعه مزروع شاطئ هذه الترعه بالغاب وبالفعل بدات المباره وجاء الهدف الاول لكفر علام وتبعه الثاني والثالث والرابع والخامس وشعر اهالي كفر علام بالمقلب الكبير وحزن الفلاحون علي تاجيل عملهم بسبب مباره ضعيفه فقرروا الانتقام وعلي حد وصف الحاكي لي انهم فوجئوا بان شاطئ الغاب اخذ في التحرك تجاههم وفوجئوا ان كل واحد من الجمهور قد امسك بغابه واتجه لهم ومن استطاع منهم الهرب فلت من العقاب ومن لم يستطع نال جزاؤه واخذ علقه ساخنه عقابا علي لعبه مباره بهذا المستوي

 

حبيبي يا ابو حمزة


الحمد لله يا عم الغاب معدش موجود كتير الايام دي



وانت عارف كمان، أكيد الجماعة اللي راحوا يلعبوا دول أهاليهم مكنوش راضيين
"وادي جزات اللي ميسمعشي كلمة ماما تقولها"

:31:
[ندعوك للتسجيل في المنتدى أو التعريف بنفسك لمعاينة هذه الصورة]

 

هههههههههههههههههه
حلوه يابو حمزه
الحمد لله انك ماكنت معاهم

 

تحية كبيرة قوى لأبو حمزة

أنا لسه مستنى منك نوادر وحكايات كتيرة

متحرمناش من نوادرك يا أبو حمزة

 

الله عليكم ياجماعه

ياريت نسمع كل حكايات ايام زمان دى
بجد بترجعنا لورى وبتفكرنا بالايام الجميله
اللى عشناها زمان وعاشها اجدادنا من قبلنا

 

الحكايات والنوادر كتيرة

عاوزينكم تشجعوا أبو حمزة وتبعتوا نوادركم
إحنا فى انتظاركم

 

 

فعلا أى واحد عنده معلومة عن أصل كلمة برمبال يتفضل يقولها

 

الله عليكم يا جماعه
بصراحه ميه ميه
تسلمو

 

:16:

 

 

شكرا على القصه الجميله دى يا ابو حمزه

 

السلام عليكم
شكرا لكم جميعا علي قراءة القصة وردكم عليها

 

السلام عليكم
القصص كتير ياحج سعيد بس شوية صبر الزهايمر يخف شويه من عندي هشان افتكر ايام زمان ايام العدوان الثلاثي وحملة عرابي اللي كافحنها فيها سوا في حقرالباطن

 

أنت نسيت الكفاح ضد التتار والصليبيين ليه يا أستاذ / حامد

 

السلام عليكم
لا ياابوخالد انا مش هافشر انا مكنتش موجود ايام الصليبين والتتار

 

السلام عليكم
ياريت ياجماعة اللي عنده حكاية يحكيهالنا

 

والله قصة جميله وإحنا بطبعنا بنحب حكاوى زمان أوى وبنحب نقعد ونسمعها من أجدادنا وأكيد فىه نوادر كتيره ممكن تمتعنا فى الموقع
وياريت لو نعمل قسم لحكاوى زمان

 

ههههههههههههههههه حلوه

طب احنا دلوقتى المفروض ننفذ ده فى فريقنا اللى خسر الاسبوع اللى فات

 

Mahmoud Embaby كتب:

هههههههههه رائعة يأبو حمزة لكن مفيش حد يعرفنا الأول قصة اسم ( برمبال القديمة ) الصحيحة لأنى سمعت قبل كده أن الإسم يرجع لبئر مال موجود فى البلد تركه المستعمرون آنذاك....

 

انا فاكر ماتشات برمبال فى الصيف كان الناس بيهتموا بيها لكن دلوقتى ماعرفش ايه اللى حصل وفاكر لما لاعبنا المحله وشوقى غريب جه واتعادلنا معاهم4-4 وكمان فاكر كان فريق الكفر الجديد كانت ماتشاته معانا قويه جدا والناس كانو حافظين اساميهم كان الصيف بصراحه ليه طعم ياريت الايام دى ترجع

 

واللة قصة جميلة جدا يابو حمزة والحمد للة احنا الجيل بتعنى دة مفيش غاب فية سنج وسيوفة ههههههههههههههههه ربنا يكرمك وتمدنا بالقصص الجميلة بتعتك دى

 

والله انا مبشبعش من نوادر يا ابو حمزة ولا خفة دمك

كل يوم تطلع حاجه من مخزون زمان والله انت بترجعنا لايام رائعة لم يكن يشغل بالنا فيها شىء سوى اللعب والمتعة الصبيانية
وسماع القصص من الجدود
وذلك حينما كان جدى يجتمع بنا بعد العوده من الارض فى الشتاء حول راكيه النار
ويحكى لنا عن ذكرياته والله كانت ممتعه ياه

 

هههههههههههههههههههههههه الله عالعسل بجد حلوه أوي أمتعنا ياأبو حمزه "من حفر حفرة لأخيه وقع فيها ههههههههه"
يارب الروح الرياضيه ترجع تاني