بعد أن اقدم الشكر الواجب للقائمين على المنتدى بأن خصصوا لى هذه النافذة كى أتشرف بالتواصل مع الأعضاء الكرام من خلالها .

أما هذا الموضوع عبارة عن نافذة يومية متجددة من خلالها أسجل إنطباعاتى اليومية فى لحظتها .
ربما تكون ببيت شعر وربما تكون عن شخص أو مقال أو جريدة أو أغنية أو لوحة أو غيرها
هذا الموضوع هو شخابيط وتسجيل إنطباعات لحظية ودفتر حضور وإنصراف لى .
هذا الموضوع متداخل ومتشابك ومتنافر ويحمل الكثير من الإختلاف ولذا إسمه شخابيط .
وأنتم بالطبع مدعون للتفاعل ولكم كامل الحرية فى تسجيل شخابيطكم مع شخابيطى .

 

بصراحة مفقوع ومتلخبط من موقف جهاز الشرطة المصرى
مش عارف إيه موقعه من الإعراب
الأيام الأولى للثورة والفراغ الأمنى اللى حصل خلاه يستحق لقب الجهاز الخائن خيانة عظمى عن جدارة واستحقاق وما رضيناش نقولها وقلنا بدالها إن الشرطة نظامهم بيحتم عليها إتباع الأوامر وكانوا مغلوبين على أمرهم وبلعنا كلمة خيانة اللى يستحقوها .
وقلنا سيبوهم لحد ما ترجع لهم ثقتهم فى نفسهم تانى لأنهم خايفين من الشعب .
وفات وقت كتير ولسه موقفهم هو هو ماتغيرش .
كنا منتظرين منهم إعتذار للشعب اللى سهر فى الشوارع يحمة نفسه وممتلكاته .
وإعتذار لأسر الشهداء .
وبردوا ماحصلش أى إعتذار الظاهر هما مستنين من الشعب إنه يعتذر ليهم ويحب على راسهم .
سؤال للمختصين
هو رجل الشرطة بيقبض مرتبه نظير إيه؟
إيه العمل اللى بيعمله علشان يستحق مرتبه ؟

 

مبارك ياأستاذ النافذة فأنت أهل لها
اسمح لي أشخبط
هي مصر راحة على فين ؟
عايز أسمع رأيك لأن كل شيئ حوالينا يقلق

 

 

 

منور بيتك يا أستاذ هانى
وسؤالك :
هى مصر رايحة على فيــــــــــن ؟
ده كان موضوع محاضرة للأستاذ
والأستاذ لقب يُطلق دائماً على شخص واحد وهو محمد حسنين هيكل
المحاضرة دى كانت تقريباً سنة2000 فى معرض القاهرة الدولى للكتاب وكنت من المتشرفين بحضورها وبعد كده نزلت فى كُتيب .

وطالما حضرتك طرحت السؤال ده فى موضوع شخابيط فى شخابيط فــ إسمح لى تكون إجاباتى عليه شخابيط

الأول قصدك مصر نهيه ؟
مصر الناس اللى كانوا فوق ولسه فوق ؟
ولا الناس اللى كانوا تحت ولسه تحت ؟
مصر الدولة ولا مصر الشعب ؟
فيه ناس بتقول إن مصر السلطة ودوائر صنع القرار فى التلاجة
ونفس الناس بيقولوا إن مصر الشعب داخلين النار الحامية

ناس بتقول إن الدنيا وردية وبكرة أحلى من النهاردة هو أصلاً النهارده حلو يا ولاد .....
ناس بتقول إن المجلس العسكرى بيعمل عملية تجميل ونيولوك وهيتقلب ويبقى مجلس رئاسى
الناس بتتكلم يا هانى يا خويا وأنا ف حالى
باسمع بس
بكرة ضباب واللى يقولك إنه شايف أى ملامح يبقى كداب والكداب بيروح النار ونناسى هتروح النار وهيفا( مع الإعتذار للأغنية الشهيرة فى قلة الذوق )

مصر يا رب تفضل واقفة مكانها وما ترجعش ورا أكتر من كده
مش عايزين مصر تروح أى حته دى الوقتى لأنها لو راحت هتروح فى .....
ومش منظور تروح لقدام
أملنا يجيلها شلل وتقف مكانها شويه لحد ما الناس اللى فوق ولسه فوق يشوف الصورة صح ويلحقوا ياخدوا كام كورس فى إدارة وحكم البلاد .
ولحد الناس اللى تحت ما تعرف إن الثورة ليها معانى كتيرة ومش من ضمنها الفوضـــــــــــــى

 

فاطمة كتب:

أخى الفاضل فارس الكلمة
أولاً مرة أخرى أهنأ نفسى وأعضاء المنتدى على تلك الاضافة المتميزة
لنافذة أطلت علينا لنرى من خلالها بساتين ورود مختلفة الأنواع
بين شعر بأنواعه ومقال وأدب وحوار و....شـــخـــابــــيــــط
ثانياً معك فيما قلت بعض من جهاز الشرطة خانوا وما زالوا
وهم أنفسهم القابعين حالياً على مكاتبهم بلا عمل فأصبح جهاز
الشرطة عاطل مع مرتبة الشرف
ولكن ليس كل الجهاز،تسألنى عن الباقيين منهم أين هم؟
متواجدون اخى الفاضل ولكن نظراً للتخبط الحاصل فى
مشاعر الشعب تجاه كل الأشياء،وأولهم بالطبع جهاز الشرطة والأمن
لما لقاه هذا الشعب البائس سنين طوال على أيدى تلك الأجهزة
أقول نظراً لحالة التخبط تلك لم يستطع إلى الأن المواطن العادى
تحديد موقفه من جهاز الشرطة بعد التعديل،أعتقد أن الأمر الأن
بدرجة كبيرة ليس تقصيراً من جهاز الشرطة،ولكنه بسبب التخوف
من رد الفعل من التواجد مرة أخرى بالشارع،فلا يأمن جهاز الشرطة
حالياً من التواجد،قد يتعجب البعض ويسأل كيف هذا وهو جهاز أمنى؟
أقول ماذا لو ظهر الجهاز مرة اخرى بالشوارع مطارداً لأحد
المجرمين مثلا؟ ما رد فعل المواطن؟ سيتذكر ما كان منهم من
قسوة وظلم سابق،لن يقول المواطن أن الجهاز يدافع بل سيقول
أنه يهاجم،أنه ما زال بظلمه وقسوته،أنه عاد من الجديد لما
كان عليه(فالطبع يغلب التطبع)،أرى سيدى السؤال الحالى هو
ما مدى تقبل الشعب لجهاز الشرطة حالياً؟
هل المواطن العادى سيترك جهاز الشرطة يؤدى دوره الجديد فى ظل التغييرات وما بعد الثورة؟
ما مدى اقتناع الشعب بجهاز الشرطة حالياً؟
ما أود قوله سيدى الفاضل أننا بحاجة ماسة لتغيير الأفكار
والاعتقادات والمفاهيم،تغيير كلى لما كان بداخلنا والكلام
على جميع المستويات(مواطن أو حاكم)،بالطبع نفتقد الجهاز
الأمنى حالياً فهل لنا أن نترك له الفرصة للتواجد مرة أخرى؟
لاحظ سيدى الفاضل اختلاف العقليات فى المجتمع المصرى
فالسؤال ليس موجهاً لشخصية مثقفة واعية ولكن طبقات
شعب محدودة التفكير وهم أنفسهم فى أشد الحاجة لهذا الجهاز
فهل تلك الفئة-عذراً فى التصنيف-قادرة على استيعاب التواجد
الأمنى مرة أخرى؟ أشك فى ذلك
أتمنى أن يكون الحوار واضحاً والا لنا عودة والشرف لى
*مرحباً بشخابيطك الممتعة أكثر الله منها*
خالص دعواتى الطيبة

[ندعوك للتسجيل في المنتدى أو التعريف بنفسك لمعاينة هذه الصورة]

كل كلامك على راسى من فوق
بس أنا ماليش دعوة يا ختى
أنا عايز البنات ماتتخطفش ف عز الضهر
ولا الناس تتسرق بالإكراه جوا بيوتها
ولا عايز كل عزية تقطع الطريق العام
أنا مالـــــــــــــــى
أنا مواطن وعايز أحس إنى فى أمان
أو إيه رأيك لما نسرح جهاز الشرطة وكل واحد مننا يكون مسؤول عن حماية نفسه ؟

سيما أوانطــــــــــــة هاتوا فلوسنــــــــــــــــــا

 

على فكرة أنا سألت السؤال ده للأستاذة فاطمة قبل كده
وبسأله لناس كتير معايا في السعودية يمكن حد يطمنا لكن لأسف إن المعظم قلقان بل مرعوب وحضرتك كمان واضح إنك قلقان
بالرغم من كل القلق اللي جوه وبره بس برضه عشمي في ربنا كبير انه يعديها عل خير
يالا ربنا يستر

 

هافف عليا قوى يا هانى ويافاطمة ( أعذرانى فى شيل الألقاب ) أقرا فؤاد حداد بصوت الشيخ سيد مكاوى يا ريت تسمعوها أو تقروها معايا
المسحراتـــــــــــــــــــى




مسحراتى فى الطريق الصعب

منقراتى و كل دقه بقلب

إحنا الشعب

المصرى أول سيرة الإنسان

احنا من صخر العزيق والصبر

واحنا من طل وندى المواويل

زى ما اتعود علينا النيل

زى ما اتعود علينا العطش

يمكن خطأنا فى الزمان الطويل

كان من سبيل الرحمه والحنيه

يصعب علينا فى يوم نفارق عيالنا

وماجاش فى بالنا
زى العرق‏:‏ الدم يبنى البيوت

يا اللى الشقا من ست آلاف حبنا

اللى يزرع واللى يصنع خير بيعرف ربنا

واللى يعدل فى نصيب اليتيمه يعرف ربنا

واللى بينوّر طريق المدينه يعرف ربنا

واللى يضرب فى قلوب الأعادى يعرف ربنا

سجدت لله الكريم الهادى
والمشى طاب لى
والدق على طبلى
ناس كانوا قبلى
قالوا فى الأمثال:
"الرجل تدب مطـرح ماتحب"
وانا صنعتى مســحـراتى فى البلد جوال

حبيت ودبيت كما العاشق ليالى طوال

وكل شبر وحته من بلدى
حته من كبدى
حته من موال

 

 

هاني البسطويسي كتب:

على فكرة أنا سألت السؤال ده للأستاذة فاطمة قبل كده
وبسأله لناس كتير معايا في السعودية يمكن حد يطمنا لكن لأسف إن المعظم قلقان بل مرعوب وحضرتك كمان واضح إنك قلقان
بالرغم من كل القلق اللي جوه وبره بس برضه عشمي في ربنا كبير انه يعديها عل خير
يالا ربنا يستر

أميـــــــــــــــــــــــــــــــن

 

 

ألف ألف مليون مبروك يا أستاذ أشرف على هذه النافذه وهو إختيارا موفقا من الإدارة
فأنت تستحق ذلك

وموضوع شخابيط ده فكرة حلوة جدا منك لانها بصراحه هتخلى الباب ده من أكثر الأبواب نقاشا فى المنتدى
وأسمح لى ان أكون مشاركا فيه ولى الشرف بذلك فما أنا بمناطح لقلمك الرائعه ولا أقدر على ذلك
دائما استفيد منك
شكرا لك ولنا لقاء
إن شاء الله

 

تهنئة واجبة للأستاذ / أشرف على تخصيص هذه النافذة والتي أسأل الله تعالى أن تكون نافذة معرفية يستفيد منها الجميع ..

 

 

اسمى آيات التهانى والتبريكات نرفعها للاستاذ الفاضل
أشرف عبد العزيز على نافذته الجديده والتى من المؤكد
انها ستكون نافذة ثرية بالابداع والتميز ،، فهكذا عهدناه
وننتظر منه أكثر من ذلك

 

اولا احب اهنيك استاذ اشرف على النافذه الخاصه بيك
بس يارب متكونش النافذه دى حدودك وتحرمنا من مشاركاتك فى باقى اقسام المنتدى
وبالنسبه موضوع شخابيط فلى عوده ان شاء الله

الف مبروك[ندعوك للتسجيل في المنتدى أو التعريف بنفسك لمعاينة هذه الصورة]

 

آل نافذة آل
انت عايزة قعدة و فرشيحة يا امبراطور و تلم الناس حواليك و الشاطر بجد اللي يفهم انت بتقول ايه
انت اخترت اسم شخابيط , مع ان الشخابيط دي هي اللي بيكون فيها الدسم و السم و العسل و المعسل برده
واضح جدا يا امبراطور ان عشقك للمحاماة ابدي حتي في شخابيطك

 

نبيه نبيه طه كتب:

ألف ألف مليون مبروك يا أستاذ أشرف على هذه النافذه وهو إختيارا موفقا من الإدارة
فأنت تستحق ذلك

وموضوع شخابيط ده فكرة حلوة جدا منك لانها بصراحه هتخلى الباب ده من أكثر الأبواب نقاشا فى المنتدى
وأسمح لى ان أكون مشاركا فيه ولى الشرف بذلك فما أنا بمناطح لقلمك الرائعه ولا أقدر على ذلك
دائما استفيد منك
شكرا لك ولنا لقاء
إن شاء الله

العزيز نبيه البرىء
دايماً سباق وصاحب واجب
أما بالنسبة لقلمك طول مافيه حبر
ما تخافش عليه وبيطور نفسه بنفسه ولوحده رغم إنه حالياً من مبشر ومش محتاج تطوير ولكن السعى للكمال يا صديقى

 

أبو عمار كتب:

تهنئة واجبة للأستاذ / أشرف على تخصيص هذه النافذة والتي أسأل الله تعالى أن تكون نافذة معرفية يستفيد منها الجميع ..

جزاك الله كل خير يا أبا عمار وتقبل منك الدعاء
ورجائى الخاص جداً منك أن تكون مشاركاً أساسياً ومتفاعلاً فيها
وهذا أملى فيك فأنت بلا شك تعطى الزخم والمصداقية لكل ما تشارك فيه

 

حسين باشا كتب:

أنا شاب غلبان وفـــ حالي
باكل اللقمة وأنام طوّالي
أصحي أصلِّي وأسعيَ لرزقي
وأبدأ سفري وأشد رحالي ،
يوم والتاني بدأت أنا أفهم
إن الدنيا عايزانا نحلم
ما فيـــ مشكلة بتدوم علطول
بكره وبعده مفيش وأنا مالي ،
-----
شخبوطة علي قدّي ،،،
وأحتفل وأهنئ الأستاذ أشرف عبدالعزيز علي نافذته الجديدة مع الحاضرون وجعلها الله خطوة للأمام في عمق آداء الجميع وأعانه الله علي نفعنا من خلالها .

العزيز حسين أضم صوتى لصوت الفاضلة فاطمة بأن تُجهز لك نافذتك
والتى بلا شك ستضم الكثير مما حجبته أنت عنا سابقاً
وكأنك كنت منتظراً لحافز يستفزك ويستفز إبداعاتك التى بدأت تأخذ شكلها النهائى
فلا تُحجم ولا تقيد قلمك دعه يكتب ويشخبط
واستمر يا صديقى

 

ابراهيم نعينع كتب:

اسمى آيات التهانى والتبريكات نرفعها للاستاذ الفاضل
أشرف عبد العزيز على نافذته الجديده والتى من المؤكد
انها ستكون نافذة ثرية بالابداع والتميز ،، فهكذا عهدناه
وننتظر منه أكثر من ذلك

الأستاذ إبراهيم الهادىء الحكيم
والذى يكتب ما يريد بالضبط والذى لجم قلمه وعلمه عدم الثرثرة
يسعدنى تفاعلك جداً
ويجعلنى أدقق فيما أكتب لعلمى أن هناك راصد على وعى
دمت كما أنت واعياً وحكيماً

 

ابوحمزه الجمل كتب:

اولا احب اهنيك استاذ اشرف على النافذه الخاصه بيك
بس يارب متكونش النافذه دى حدودك وتحرمنا من مشاركاتك فى باقى اقسام المنتدى
وبالنسبه موضوع شخابيط فلى عوده ان شاء الله

الف مبروك[ندعوك للتسجيل في المنتدى أو التعريف بنفسك لمعاينة هذه الصورة]

بارك الله فيك يا أبو حمزة2
وأكيد يا أخى إن شاء الله دى مش نافذة علشان نستخبى فيها ونعتزل
المشاركة فى المنتدى بالعكس النافذة دى مكملة للأساس اللى هو المشاركة على العام
أشكرك وأشكر لك التأكيد على ذلك
دمت بكل خير

بالعكس دى مكملة للمشاركات فى المنتدى ومش بديل

 

M_sharkawy كتب:

آل نافذة آل
انت عايزة قعدة و فرشيحة يا امبراطور و تلم الناس حواليك و الشاطر بجد اللي يفهم انت بتقول ايه
انت اخترت اسم شخابيط , مع ان الشخابيط دي هي اللي بيكون فيها الدسم و السم و العسل و المعسل برده
واضح جدا يا امبراطور ان عشقك للمحاماة ابدي حتي في شخابيطك

يا برنسى العزيز
مين قالك إنى باعشق المحاماة ؟
طب بذمتك - وأنا راضى بحكمها مؤقتاً - ( ضحكة منى )
هى المحاماة تتعشق ؟
هى كانت نافذة قبل ما تشرفها يا برنس
ودى الوقتى أطالب الإدارة تخليها بلكونة أو فراندا أو فسحاية
طالما هيبقى فيها الحاجات اللى قلتها دى
وعشان اللى عايز يمدد يبقى براحته
بجد دخولك على أى موضوع لى بيدينى إحساس من نوع خاص ما بيتكررش
كلامى حاجة والعشا اللى عندك حاجة تانية يعمى ما تفكرش إنى نسيته

 

أحلى بلــــــــد بلدى

الجميـــــــــــــــل محمد قنديل

[ندعوك للتسجيل في المنتدى أو التعريف بنفسك لمعاينة هذا الرابط]