شريان الخير في أرضناقول لي يا كاتب بالإرادة
ملاحم الصبر العســــير
وابتسامتك حيرت شيء يسمى المستحيل
إزاي بإيدك تشق صخر ويستجيب ؟!
يخضع لك العاصي ويستعجب غريب !
معقول تحفر في سنة كم اللي عانيته في سنين ؟!
دا شيء يحير فكرنا ! دا يبقى معجز وشيء خطير !
رد وقال لي :
لمين بيوهب ربنا جايزة العمل الكبير ؟
للمؤمنين الكادحين المخلصين
ودا مش كتير
إوعى تنسى إننا أقدم حضي نارة في التاريخ
اسأل منارات العلوم اللي نشرها شعبنا
للكل مدينا الأيادي
والحب كان واضح صريح
واسأل الهرم اللي عمره اتعدى آلاف السنين
والمعابد والتسامح والريادة.. تبقى مين ؟
واحنا نور الحق ولسان الضمير
واحنا حراس اليقين
ما يصعب علينا الصخر في لهب الهجير
قال لنا القائد شقوا قناتنا
بسم الله رحمن رحيم
خرجت جبال الرمل بتكبر
وفي إيديها صكوك الكادحين
مين زينا يقدر ؟
طب قول لي مين ؟!
لما شعبنا بيقوم وقرر
يلغي كلمة مستحيل
ويبقى طعم المر يحليه الضمير
وبعزيمة الحب تنضغط السنين !
مين يقدر يخبي شمينا ؟!
طب قول لي مين ؟!
وفي سنة ضحك الممر وقال لنا :
لما الإرادة تبقى صافية وتبقى عافية
وتبقى درب المخلصين
يخضع الصخر في إيديكوا
وينبجس اليقين
ومن قاموس الصعب يهرب
معنى كلمة عاجزين !!!
________________________
محمود البسيوني ... 6 أغسطس 2015
-