| الجنية التى تسكن فى البحر الجديد | |
|
|
كاتب الموضوع | محتوى الموضوع |
---|
| موضوع: الجنية التى تسكن فى البحر الجديد السبت أبريل 10, 2010 5:42 pm |
| ومن اساطيرنا التى كنا نموت منها رعبا الجنيه التى تسكن فى البحر الجديد وكانت كل سنه لازم تاخد شاب جميل فى مقتبل عمره وعندما كانت تخرج الجثه كانت للاساطير هنا دور فتجد من يقول لك ان فيه علامات زرقاء في الجثه يعنى ان الجنيه خبطته ويديها معلمة فى جسمه وحتى زمننا هذا وتلك الاسطوره تعيش بيننا ومفيش حد عارف يفك هذا اللغز
|
|
| |
| موضوع: رد: الجنية التى تسكن فى البحر الجديد الأحد أبريل 11, 2010 9:45 pm |
| فعلا هي حاجه محيره فعلا شكرا لك
|
|
| |
| موضوع: رد: الجنية التى تسكن فى البحر الجديد الثلاثاء أبريل 13, 2010 1:42 pm |
| شكرا حبيبى على مرورك بس كان نفسى ان اجد عندك حل اللغز الظاهر مكتوب علينا ان تبقى تلك الاسطور بيننا لنورثها للاجيال القادمه
|
|
| |
| موضوع: رد: الجنية التى تسكن فى البحر الجديد السبت أبريل 24, 2010 4:49 pm |
| مع انها خرافات مع انى احب اسمعها كحواديت
|
|
| |
| موضوع: رد: الجنية التى تسكن فى البحر الجديد السبت أبريل 24, 2010 7:18 pm |
| شكرا استاذه / هبه على مرورك ومنوره منتدانا الجميل واهلا بيكى
|
|
| |
| موضوع: رد: الجنية التى تسكن فى البحر الجديد الجمعة يونيو 11, 2010 12:24 am |
| فعلا هذا لغز كبير لابد من وجود حل لة علي ما أظن أنا هذا سر البوق بوق الذي نتكلم عنة ولو عرفت سر البوق يبقي علينا نوصل لحاجة [ندعوك للتسجيل في المنتدى أو التعريف بنفسك لمعاينة هذه الصورة]
|
|
| |
| موضوع: رد: الجنية التى تسكن فى البحر الجديد الإثنين يونيو 14, 2010 5:44 am |
| حكاية الجنية اللتى تسكن البحر الجديد دى انا اول مرة اسمعها بس ماعتقدش انها حقيقة دى مجرد كلام اتنقل من جيل ل جيل بس مافيش حاجة اسمها كده [ندعوك للتسجيل في المنتدى أو التعريف بنفسك لمعاينة هذه الصورة]مافيش حاجة اسمها الخالة نوسة ههههههههههههههههـ
|
|
| |
| موضوع: رد: الجنية التى تسكن فى البحر الجديد السبت يوليو 03, 2010 5:20 pm |
| طرح مميز يحمل استفهامات كثيره مشكور على الموضوع
|
|
| |
| موضوع: رد: الجنية التى تسكن فى البحر الجديد الثلاثاء أغسطس 24, 2010 3:53 am |
| شكرا اخوانى واخواتى على مروركم واهتمامكم ولكن سيظل اللغز فى حاجه لفك شفراته ولكن الظاهر انه سيكتب علينا ان ننقل تلك الاسطوره لمن هم ياتون بعدنا وهذا قدر كل جيل يسلم للاخر
|
|
| |
| موضوع: رد: الجنية التى تسكن فى البحر الجديد الثلاثاء أغسطس 24, 2010 7:48 am |
| والله الموضوع دة محير جدا وكل سنة علية الكلام فا مش عارف اية الحل
|
|
| |
| موضوع: رد: الجنية التى تسكن فى البحر الجديد الأحد سبتمبر 12, 2010 8:59 pm |
| مشكور قول للزمان ارجع يازمان
|
|
| |
| موضوع: رد: الجنية التى تسكن فى البحر الجديد الثلاثاء أكتوبر 26, 2010 5:16 pm |
| حكايات لن تنهتى بس الحقيقه غير كدا تعودنا كل غريق فى البحر الجديد يقولو الجنيه بس كلها حكاوى وعشنها
|
|
| |
| موضوع: رد: الجنية التى تسكن فى البحر الجديد الثلاثاء أكتوبر 26, 2010 5:37 pm |
| اكيد دى اساطير مش حقيقه لكن الى خلاها قريبه من الحقيقه انها لقت فى بلدنا عقول تصدقها وتمشى على اساسها و اكيد الشبان الى ماتو دول انتهى عمرهم عند البحر الجديد لكن عقول بلدنا فسرتها انها جنيه بتمنى اساطير دى تختفى من بلدنا ونبدا نفكر تفكير صح مش نخلى حججنا الجنيه
مشكور على الموضوع الجميل دا
|
|
| |
| موضوع: رد: الجنية التى تسكن فى البحر الجديد السبت أكتوبر 30, 2010 7:45 pm |
| انا بدخل المنتدي من فتره طويله بس اول مره اخد بالي من موضوعك استاذ نهاد بس انا ليه تعليق بسيط بسبب الموضوع ده وخصوصا ان انا كنت في حادثه من هذا القيبل وكانت قدام عيني وهيا وفاه المروحوم محمود طاهر الله الامام يرحمه وياريت الي قرا كلامي بيقا يقرا ليه الفتحه وانا كنت انا ومعانا حوالي خمس شباب وكان محمود معانا وانا الوحيد الي منزلتش الميه لاني مبعرفشي اعوم ومكنشي معانا ولا واحد بيعرف يعوم الا مجاهد الحوته وهوا كان قاعد جنبي ومحمود كان جنبنا علي الشط وقريب مننا جدا وفجاه محمود غطس وطلع مره تانيه ورفع ايده انا قولت انه بيهرج وقولتيله بلاش تهريج ومره تانيه نزل لتحت في الوقت ده نط مجاهد الحوته في الميه والاتنين اختفوا وطلع مجاهد بعدها بثواني ومحمود خلاص راح في الميه ودي كانت اخر حاجه نشوفها فانا والله اعلم مش عارف اصدق الخرافات ولا اصدق ايه بس الي انا مصدقه عنيه وانه كان جنبي علي الشط ومكنشي واقف في مكان غريق وعليكم لو مفيش حد مصدق كلامي يسال خالد عبد العزيز او هاني عباس واسف جداااااااا علي الاطاله
|
|
| |
| موضوع: رد: الجنية التى تسكن فى البحر الجديد الأحد أكتوبر 31, 2010 2:36 am |
| شكرا حبيب قلبى محمد ومنور ولقد زادنى شرفا مرورك الكريم فانت حد جميل ومحترم ولكن يا محمد احب ازيد على كلامك فان العالم الاخر موجود ويسكن بالفعل تحت الماء وتحت الارض وكمان انت كنت شاهد عيان على حادث المرحوم باذن الله محود طاهر عليه رحمه الله واخيرا شكرا على مروركم جميعا اخوانى واخواتى الاعزاء ا نهاد القاسم سليم للتجاره والتوريدات السياحيه
|
|
| |
| موضوع: رد: الجنية التى تسكن فى البحر الجديد الإثنين نوفمبر 08, 2010 1:00 am |
| انا بقي مصدق كل حكاية تطلع علي جنية البحر الجديد لأن الجن موجود في القران زي ما كلنا عارفين وبعدين ليه مبيحصلش حوادث وليه مش بيموت شباب الا في البحر او علي الطريق الملازم للبحر انا عن نفسي شوفت بعنيا شاب من سنة ونص وده كان اعز اصحابي الله يرحمه وكلنا عارفينه طبعا المرحوم محمد شلبي البسيوني ده كان ف حادثة بليل علي الكوبري التاني واللي كان ماشي معاه واحد صاحبنا برده وقال انه وقع لوحده محدش جه جمبه والسنة دي من حوالي شهرين وفي نفس المكان توفي الشاب محمد بروم واللي كان معاه بس علي موتوسيكل تاني قال والله وقع لوحده بس هما للأسف كانو بيسابقو دول اللي انا فاكرهم لوقتي بس وكمان هناك الحوادث كتيرة جدا ولازم كل سنة في نفس المكان واحد يتوفي ولو مكانش في نفس المكان عند بيت عائلة المكاوي يبقي بيغرق شاب في البحر حاجة من الاتنين بتحص كل سنة وكمان الاستاذ محمد حلاوه بيقول علي حكاية المرحوم محمود طاهر انا معرفوش بس سمعت عنه قبل كده علي فكرة يا جماعه لو كل واحد فينا قال علي حادثة هو عارفها في البحر او علي طريق البحر الجديد خصوصا الكوبري التاني اللي امام عائلة المكاوي .لو كل واحد فينا قال حاثة حصلت يبقي ده يأكد ان فيه شيئ هنااااااااااك فازاي بقي بتقولو ان دي خرافات انا بصراحة اتفق مع وجود شيئ في البحر الجديد
|
|
| |
| موضوع: رد: الجنية التى تسكن فى البحر الجديد الإثنين نوفمبر 08, 2010 5:26 pm |
| اخى العزيز / مش عارف اناديك ايه انا شرفت بمرورك وطبعا لا يوجد دخان من غير نار ولكن سيظل اللغز مشفر ونريد حل تلك الشفره ا / نهاد القاسم سليم للتجاره والتوريدات
|
|
| |
| موضوع: رد: الجنية التى تسكن فى البحر الجديد الإثنين نوفمبر 08, 2010 5:48 pm |
| مش عارف تناديلي بالأونطجي يا استاذ نهاد خلاص ممكن تقولي يا اسلام هههههههههههههه انا اسلام الشحات
|
|
| |
| موضوع: رد: الجنية التى تسكن فى البحر الجديد الثلاثاء نوفمبر 09, 2010 2:06 am |
| حبيب قلبى اسلام اخبارك حبيبى واحشنى جدا كم انا سعيد برأيك جدا لانه كان عن تجربه مررت انت بها وشكرا لمرورك الجميل ومنتظر منك كثير من الاسهامات ا / نهاد القاسم سليم للتجاره والتوريدات
|
|
| |
| موضوع: رد: الجنية التى تسكن فى البحر الجديد الأربعاء نوفمبر 10, 2010 4:47 pm |
| مين اللى قااال ان دى خرفات امال الناس اللى ماتت فى البحر ده ايه واثر الخبطات على جسمهم
|
|
| |
| موضوع: رد: الجنية التى تسكن فى البحر الجديد الثلاثاء نوفمبر 23, 2010 1:16 am |
| السلام عليكم ورحمة الله وبركاته ازيك يا استاذ نهاد يارب تكون بخير كل سنه وانت طيب المشاركه متأخره لكن الموضوع لفت نظري وحبيت اشارك برأيي في الموضوع مبدأيا ان الجن موجود وناس كتير شافت وحست ظواهر وجوده في معظم الاماكن البعيده عن السكن والعمار لكن في نقطة البحر الجديد دي لا اكاد اجزم ان فيه جنيه في البحر الجديد او غير موجوده لكن هنتكلم بطريقه منطقيه شويه عن حالات الغرق في البحر الجديد بالتحديد وحالات الغرق عموما اولا حالات الغرق بتكون ناتجه عن 1 الغريق لا يجيد السباحه او يجيد السباحه ولكن بصوره ضعيفه او غير قادر بدنيا علي ممارسه السباحه لفتره طويله في التيارت المائيه السريعه او فاجئته حاله عارضه كشد عضلي او ارتطام بعائق تحت الماء مما يسبب اغمائه ثم الغرق وبما ان البحر الجديد به تيارات مائيه سريعه جدا ومختلفة الاتجاهات ومتقلبه نظرا لطبيعة البحر والدورانات والاتساعات والمضائق الموجوده فيه وايضا نظرا لان عمق البحر غير متساوي وبالتالي بتكون فيه دوامات صغيره ولكن مع سرعة التيار بتكون عنيفه وقوه والكلام ده اخذته من غواص انقاذ كان بيشارك في البحث عن احد الغرقي منذ اكثر من 8 او 9 سنوات في البحر الجديد ودار بيني وبينه حوار عن اسباب الغرق وقالي ما مفاده ان البحر الجديد به 3 تيارات مائيه اشدهم واعنفهم هو التيار الاوسط وقال ان اللي بيعلق في التيار ده صعب يخرج لانه سريع جدا ومتقلب وقال ان سطح البحر من اسفل غير متساوي يعني لو واحد غطس غطسه قويه ممكن يرتطم الارض الطينيه وممكن يغرس فيها وميعرفش يخرج وده اللي حصل في حالت الغريق ده انهم لقوه متشبث بالطين في قاع البحر اما عن الاماكن الزرقاء الموجوده علي جسم الغريق فهي مش اثار ضرب من الجنيه ولا حاجه ظهور الاثار الزرقاء علي الجلد بتكون نتيجه تقص الاكسجين في الدم ودائما ما يلاحظ ممارسوا رياضه الغوص الحر وجود هذه العلامات علي اجسادهم تقبل تحياتي محمد المرسي المملكه العربيه السعوديه جده
|
|
| |
| موضوع: رد: الجنية التى تسكن فى البحر الجديد الثلاثاء نوفمبر 23, 2010 5:08 am |
| شكرا لك اخي الفاضل تحليل جميل بارك الله فيك وجزاك خيرا
|
|
| |
| موضوع: رد: الجنية التى تسكن فى البحر الجديد الخميس نوفمبر 25, 2010 2:23 am |
| اولا انا فخور جدا بمرورك الكريم ا / محمد المرسى على ما اظن محمد السيد المرسى صح وما يزيد من فخرى انك فعلا قمت بتحليل دقيق وجميل ومقنع الى حد ما لكن هذا لايمنع ايضا من وجود الجن تحت الماء فعلا انا سعيد جدا ا / محمد بهذه الاراء الجميله فتقبل شكرى وامتنانى ا / نهاد القاسم سليم للتجاره والتوريدات البحر الاحمر
|
|
| |
| موضوع: رد: الجنية التى تسكن فى البحر الجديد الخميس نوفمبر 25, 2010 11:36 am |
| تحليل جميل يحاج محمد انا عارف إنك غاوي الصيد في البحر الجديد بس أنت في الاجازة دي لم تهتم بالصيد ولكن إهتميت بالعروسة ، ربنا يوفأك ويارب الأجازة الجاية تكون مع العروسة أخوك :- أمين محمد أمين
|
|
| |
| موضوع: رد: الجنية التى تسكن فى البحر الجديد الخميس نوفمبر 25, 2010 11:43 am |
| السلام عليكم ورحمة الله وبركاتة أخبارك اية ياأستاذ نهاد يارب تكون بخير وبصحة جيدة
الجن موجود فعلا ولكن الشخص الذي يكون بقلبة إيمان لايري الجن ولا يطلعلة الجن فصق تمام الثقة ان الغنسان الذي يوجد بقلبة إيمان لايخشي في الله لومه لائم وشكرا 00000 جارك أ/ أمين محمد أمين
|
|
| |
| الجنية التى تسكن فى البحر الجديد | |
|
صفحة 1 من اصل 5 | انتقل الى الصفحة : 1, 2, 3, 4, 5 |
|