السلام عليكم
احد الخرافات البرمبالية وهي تلك الخرافه التي خوفونا بها ونحن صغار وهي بيت عبده الخرزان وهذا البيت الكائن بحارة النعانعة في شارع الجنايده وكان ملك للاستاذ عبداللطيف جمال وكان بيتا كبيرا به جزء يسكنه اصحاب المنزل والجزء الاخر غير مستخدم وبالليل يكون مظلم وقالوا لنا ان الجزء المظلم هذا هو بيت عبده الخرزان وماسمعناه ان عبده الخرزان هو شخصية قصيرة تظهر في الليل فقط وتمسك بكل من يمر من امام البيت ويضربة بالخرزان لذلك كانوا يحذرونا من المرور امام البيت ليلا وعادة كان الاهالي يقولون لنا ذلك لكي نعود الي البيت مبكرا ولا نتاخر بالخارج ولكن هذه الشخصية ظلت عالقة بذهني فترة طويلة حتي اني عندما كبرت كنت اشعر بشعور غير مريح وانا امر من امام هذا البيت ولكن الحمد لله تم هدمه وبناؤه من جديد حتي تنتهي اسطورة عبد الخرزان

 

لا بص بقى كل كوم وعمك عبده كوم
اهو عمك عبده ده مسمعتش عنه حاجه
انا سمعت عن البيت انه مسكون اه
انما عمك عبده ابو خرزانه ده مكنش على ايامنا احنا
الظاهر انه باع العصايه واشترى رجل مسلوخه
وبقى ابو رجل مسلوخة

 

السلام عليكم
دي قصة قديمة نلحقها احنا ياابوخليل انما علي ايامك مكانش فيه الكلام ده دا احنا لحقنا الجنية وهي لسه بتظهر

 

 

أبوحمزه كتب:

السلام عليكم
احد الخرافات البرمبالية وهي تلك الخرافه التي خوفونا بها ونحن صغار وهي بيت عبده الخرزان وهذا البيت الكائن بحارة النعانعة في شارع الجنايده وكان ملك للاستاذ عبداللطيف جمال وكان بيتا كبيرا به جزء يسكنه اصحاب المنزل والجزء الاخر غير مستخدم وبالليل يكون مظلم وقالوا لنا ان الجزء المظلم هذا هو بيت عبده الخرزان وماسمعناه ان عبده الخرزان هو شخصية قصيرة تظهر في الليل فقط وتمسك بكل من يمر من امام البيت ويضربة بالخرزان لذلك كانوا يحزرونا من المرور امام البيت ليلا وعادة كان الاهالي يقولون لنا ذلك لكي نعود الي البيت مبكرا ولا نتاخر بالخارج ولكن هذه الشخصية ظلت عالقة بذهني فترة طويلة حتي اني عندما كبرت كنت اشعر بشعور غير مريح وانا امر من امام هذا البيت ولكن الحمد لله تم هدمه وبناؤه من جديد حتي تنتهي اسطورة عبد الخرزان

السلام عليكم
عبده الخرزان .. never die
[ندعوك للتسجيل في المنتدى أو التعريف بنفسك لمعاينة هذه الصورة]

 

هههههههههههههههههههههههههههههههههههه
لا من ده كتير لازم فى كل حاره تلاقى فيها قصه غريبه من دى
علشان يخوفونا ونروح بدرى ومنلعبش فى الشارع لفتره طويله
بالنسبه ليا انا كان ومازال الشيخ على الى بيمسك العيال الصغيره ويخنوقها
ولما كبرت اكتشفت انا لاشيخ ولا حاجه مجرد واحد مريض ربنا يشفيه
بس لاسف مازلت فيه رهبه من ناحيته


احنا الان فى عصر الكمبيوتر والانترنت والافلام الرعب ومعتش فيه حد بيخاف
من الحجات دى[ندعوك للتسجيل في المنتدى أو التعريف بنفسك لمعاينة هذه الصورة]

 

أحمد مجدى كتب:

هههههههههههههههههههههههههههههههههههه
لا من ده كتير لازم فى كل حاره تلاقى فيها قصه غريبه من دى
علشان يخوفونا ونروح بدرى ومنلعبش فى الشارع لفتره طويله
بالنسبه ليا انا كان ومازال الشيخ على الى بيمسك العيال الصغيره ويخنوقها
ولما كبرت اكتشفت انا لاشيخ ولا حاجه مجرد واحد مريض ربنا يشفيه
بس لاسف مازلت فيه رهبه من ناحيته


احنا الان فى عصر الكمبيوتر والانترنت والافلام الرعب ومعتش فيه حد بيخاف
من الحجات دى[ندعوك للتسجيل في المنتدى أو التعريف بنفسك لمعاينة هذه الصورة]

متفكرنيش بالشيخ علي
كنت بترعب منه والله العظيم
لدرجه اني كنت مواعد واحد صاحبي هعدي عليه الفجر علشان رايحين مشوار
وهو ساكن في منطقة الشيخ علي
وماشي وكل همي اني هقابل الشيخ علي
وبالفعل بلف الشارع لقيت الشيخ علي في وشي مفيش بيني وبينه متر واحد
وجري ولف من شارع ثورت النجار
وجري لما وصلت لبيت صاحبي
ههههههههههههههههههههههههههههههههه

 

انا البرمبالى د محمود الخراشى
سعيد جدا بالموقع و بالفكرة و بالمشرفين عليها و سعيد بروائح تراب برمبال و ايام زمان على فكرة انا اول سنين حياتى كانت فى حارة النؤرة عارفينها حد يرد على عايزين كلنا نقول اصل اسم حارته

 

أهلا أهلا أهلا
صديقي وحبيبي دكتور محمود الخراشي
منور المنتدى وشرفته
يا أخوانا يا أعضاء ترحيب يليق بهذا الرجل
إيه الجمال ده يا أبو أحمد
وكيف حال أحمد وأكرم؟؟
أبعث لك ولهم مليون تحية
أنا حارتي السعودية 1
محمد موسى

 

ازيك يا محمد أخبارك ؟ أقولك يا أبو ايه الوقت و الله انت لسه ؟ انا قصدى يا محمد مش تذكر اسم الحارة فقط و لكن تقول ايه حكاية اسم الحارة ده يعنى مثلا انا معاك الان فى حارة السعودية 1 حكايته ان أول نشأ هذا الشارع كان كل الناس فيه بيروحوا السعودية عايزين أصول أسماء الحارات

 

عبده الخرزان موجود قبل البت ميتهدم انا كنت بخاف خوم لمه اعدى هوه امام بيتنا

 

الاحمدي ديبو كتب:

هههههههههههههه

طيب وطبعا كنت تخافون من اصحاب البيت
الوقتي العيال هي اللي عدت بتخ وف الجناني

الزيك ياشيخ احمدى
اخبار الازهر معاك ايه
انا محمد السادات صاحب طارق وهانى
ابقى سلملى على طارق كتير

 

 

السلام عليكم اخوكم مجاهد عادل =ازيك ياستاذ حامد يارب تكون بخير

كان فيه حقيقي عبده الخرزان رجل صغير ويمسك عصا في يده حكا عنه ابي وعمامي هما كانو اكتر ناس يشفوه لانهم كان البيت مقابل بيت عبه الخرزان وهم كانو يشفوه دائما

 

ما شاء الله ابو حمزة انك فاكر قصه زى دى بالاسم كمان
بس بصراحه الذكريات دى الواحد بيحب يسمعها
ربنا يكرمك يا استاذ حامد

 

الاخ مجاهد عادل مجاهد أيوب
مرحبا بك في منتدي شباب برمبال والرياض وشكرا لمشاركتك في الموضوع التي تعتبر من أولي مشاركاتك في المنتدي وعبده الخرزان حتي الآن لا نعرف اذا كان حقيقه أم أساطير حيث أن أيام زمان في عدم وجود الكهرباء كان من السهل علي الناس توهم أشياء كثيره
كما اشكر الأخ أحمد غربة علي المشاركه ونتمني أن نسمع حكاياتكم عن برمبال والرياض

 

ههههههههههههههههههههه طيب لحقتوا الجنية و يا ترى بقى عندها سنان و لا لأ
أصل جدتي كانت بتقولى نامي عشان فيه جنيه بتمشى بالليل و بتاخد سنان العيال الصغيرين
و مش عارفة بقى لحد دلوقتي هي أنهى جنية و هي عندها سنان و لا لأ

 

عندنا هنا في الصوابر 3 جناني
ايه رائيك تيجي تنئي بنفسك
ههههههههههههههههههههههههه

 

خلاص أوكي موافقة بس يا ترى ال3 جنيات دول هيقابلوني
فين بالظبط؟؟؟؟؟؟؟؟؟؟؟؟؟؟؟؟؟؟؟؟
عشان بس ابقى عاملة حسابي
هههههههههههههههههههههههههههههههههههههه

 

طب هيا تيجي ع ئد ال 3 جناني
ده احنا عندنا هنا بيوت فيها مواهب
ههههههههههههههه

 

ايه دا مواهب؟؟؟؟؟؟؟؟؟؟
دا احنا بلدنا على كده مش ناقصها الا السياح بس

 

عزيزى أبوحمزة 
عندك حق بيت المرحوم إبراهيم جمال وقبل وصول الكهرباء لبلدنا 
كان مخيف فعلا ، كنت أذاكر بالليل مع محمود ومحمد صلاح سويلم وكنت
أعود من هناك ، فى عز الضلمة وكان عمك على أبو جنيدى يبنى بيته ، قلبى
 كان يرتجف كلما أمر ليلا وكان هو الطريق الوحيد لأصل لبيتنا القديم فى حارة
الدوايدة طبعا الآن بعد دخول الكهرباء صار فيه أمان وقد نرى أن الشباب الجديد
قد نسى هذه الحكايات  ، على فكره نفس الخوف كان ينتابنى وأنا أمر فجرا عند
ذهابى للمدرسة عند منزل أبوعيوطى القديم ومش عارف ليه كنت برضه باروح من
هناك على أساس أنه تخريمة . أعرف أنك فى الصين فهل تعانى هناك من هذه الأشياء المخيفة ؟
تحياتى وكل عام وأنتم بخير بمناسبة شهر رمضان المبارك الذى تقيد وتسلسل فيه الجن والشياطين .

 

 أستاذنا الكبير سيد داود شكرا لكم علي الاضافه وبالنسبه للصين هي بلد آمن جدا ولكن هناك خرافات قديمه مازالت تعيش بينهم ولا زالوا يتفاعلون معها مثل تزويج الميت الذي لم يتزوج في حياته بميته أيضا لم تتزوج في حياتها حتي تؤنس وحدته والا سيأتي ليأخذ أرواح العائله لكي يؤنسوا هم وحدته في القبر