بقلم وائل سويلم



جوايا ليكي احساس جميل بيتولد
ايوة لو معقول جمالك مكنش يبقى دا حالي
ولو سحر عينيكي طبيعي
كان يبقى سهل عليا نومي،
والأهم عندي تعرفي اني دايب فيكي،
لو قدري إني أحب مش ممكن يكون حد غيرك،
آه من عينيكي اللي توهوني،
بأسألك هو ممكن يكون بينا حب؟
وليه لأ!!
ما دام العيون هامت والقلوب اتلاقت،
ملاكي.... ممكن تكوني حكاية غرامي ...
انا سلمتك قلبي وعقلي، أنا سلمتك مدي ايديكي وخديني في احلامك،
أنا عايزك حب حقيقي... تعالي ياحكاية هتحكيها الايام...
صحي فيا كل اللي مات، تعالي ارويني من سحرك وهيامك،
خديني في حضنك دفيني، باوعدك لا هتفرقنا الاميال ولا هيقدر علينا الزمان
طول ما انا عاشق سحر عينيكي،
ولو حتى كنتي بعيدة، كفاية عليكي صحيتي اللي ضاع،
وكفاية رجعلي احساسي وشعوري،
تسمحيلي أشوفك تاني،
تسمحيلي أحلم بعينيكي


[ندعوك للتسجيل في المنتدى أو التعريف بنفسك لمعاينة هذا الرابط]

 

السلام عليكم
شكرا لك مشاركتك الجميلة يااستاذ حسن والي الامام ان شاء الله

 

 

السلام عليكم
المجاملات ياعبدالمنعم شئ جميل في حياتنا اذا لم تصل الي حد النفاق فبدون مجاملات بريئة تصبح العلاقات بين الناس كئيبة والكلام عن الحب يصلح طول السنة لان الحب ليس من المحرمات

 

يا ابو حمزة انت اخ عزيز والرجوع للحق فضيلة انت شايف الموضوع مناسب براحتك انا مش شايفه كده خاصة مع صور كل اللى داخل بيشوفها مره واتنين وتلاته وابسط حاجه النظره الاولى ليك والتانيه عليك دي بس ابسط حاجه وانت صايم

 

تحياتي يا ابوحمزة وليك يا اخ عبدالمنعم وكل عام وانتم جميعا بخير وشكرا على اهتمامكم وردكم وشكرا ليك يا اخ عبدالمنعم لملاحظتك بس ده منتدى كلام في الحب هنكتب ايه يعني فيه واعذرني انا كاتب الكلام ده من زمان وموجود على مدونتي الخاصة بس انا باحاول اشارك في المنتدى بأي شيء بالرغم من عدم تفرغي...

 

يا ابو حمزة اعتقد انا كنت واضع الكلام ده في منتدى الشعر كلمات في الحب فوجئت انه موجود في ابداعات برمبالية مش عارف الغلط منين.. ان شاء الله اشيل احزفها او انقلها لمكانها الصحيح وفي وقتها الصحيح شكرا يا ابوحمزة ... وليك يا عبدالمنعم

 

تسلم يا استاذ وائل كويس انك بتتقبل النقد فيه ناس كتير بتزعل من النقد

 

السلام عليكم
وشكرا لاهتمامك بالمنتدي يااستاذ حسن واحنا نقلنا الموضوع هنا لانه مخصص لابداعات ابناء برمبال فقط سواء كان شعر او قصة او اي نوع من انواع الابداع الفكري نرجو ان تتقبل ذلك منا ولو تلاحظ هتلاقي مواضعيك الاخري في مكانها ولكننا نقلنا هذا الموضوع تحديدا لانك انت كاتب الموضوع وانت من ابناء برمبال

 

شكرا يابو حمزة وسلامي للعائلة الكريمة وكل احبابنا بالصين وخصوصا محمد الشرقاوي
تحياتي لجميع اعضاء المنتدى..... وسعدت جدا بالتعرف على اشخاص افاضل في هذا المنتدى وشباب واعد له كل التحية ومنهم الاخ عبدالمنعم وأكيد سيكون هناك مجالا ووقتا للتعرف اكثر بينا
شكرا لكم وكل عام والجميع بخير

 

الله يكرمك يا استاذ وائل وشكرا ليك على حذف الصور او شكرا للاشراف

 

بيدي ياستاذ عبدالمنعم لا بيد الإشراف
كل سنة والجميع بخير ورمضان كريم

 

السلام عليكم
نشكركم ياأستاذ وائل علي هذه اللفته الطيبة

 

مرحبا يا اخ وائل
اية يا راجل الكلمات الممتازة دى والمشاعر الطاغية دى ههههههههه
بجد مش تهريج وانت عارفنى كويس

اتمنى انى اقرأليك حاجة تانية وتالتة ووفقك الله

اخوك محمــد غنيـــم

 

مرحبا يا اخ وائل
اية يا راجل الكلمات الممتازة دى والمشاعر الطاغية دى ههههههههه
بجد مش تهريج وانت عارفنى كويس

اتمنى انى اقرأليك حاجة تانية وتالتة ووفقك الله

اخوك محمــد غنيـــم
دبــى / الامارات

 

أستاذ حسن طبعا كلمات جميله ورائعه وأعجبنى خاصه هذا الموضوع بمدونتك وانا ليه مدونه أنا كمان منذ فتره كبيره جدا وهى [ندعوك للتسجيل في المنتدى أو التعريف بنفسك لمعاينة هذا الرابط] الموضوع هوه عباره عن سعادتك البالغة لإفتتاح منتدى لبلدك الحبيب
وانا شخصيا أحب أن أرحب بك كامل الترحيب وأرجوا التفاعل مع الموقع وإضافة موضوعات من الطبيعى أن تفيدنا بها
فأنت شخص على خلق وترفت بمعرفتك بالكويت من قبل
أنا أخوك نبيه كنت فى قصة شباب بدران وكان معايه مصطفى ثروت وهو بن خالى وانا متزوج أخته وهو جاركوا
وعموما سعدت بمعرفتك فأنت بصراحه لم تقصر معنا
ولك جزيل الشكر
أخوك نبيه
[ندعوك للتسجيل في المنتدى أو التعريف بنفسك لمعاينة هذا الرابط]

 

نتمنى المزيد الى الامام تقدم الينا بالمزيد(ابو ملك البرمبالى)