| موضوع: حريق وسط البلد.. من وحي برمبال الثلاثاء أغسطس 25, 2009 4:20 pm |
| تذكير بمساهمة فاتح الموضوع :السلام عليكم ..بدأت الكلام مع عمي مجاهد المكوجي , و كان كعادته و اناقته منهمكا في كي احد القمصان و الذي يبدو انه لزبون فخم يعني الأُبيج هيكون عالي. استوقفته لثواني سائلا : ايه يا برنس .. كويت المنطلون و لاّ اقضيها بالشورت ؟ اجابني بنصف نظرة ساقطة من خلف نضارته : حاضر يا سي محمد اخلص الشغل اللي في ايدي و انا تحت امرك ما انت ابوك كان حبيبنا. هنا ضغطت عليه مستغلا حبه لوالدي و قلت له برزالة : طب بسرعة و النبي يا عم مجاهد ..ياسر مأمون مستنيني و بيستعجلني . رد عليّ كأنه بركان هائج : ابن مأمون ابن ال.. , و هنا قاطعته و قلت له ارجوك ماتشتمش ياسر ..قاللي انا مش هشتم ياسر انا هشتم اللي خلفوا ياسر ..ضحكت و قولت له ان كان كدا ماشي. فاجأني قائلاًَ : انا زعلان جدا ..روحت اشقر علي الجنينة النهاردة الصبح لقيت الزرع بايظ و كمان لقيت حريقة كبيرة ..روحت اطفي فيها بس للاسف كانت دمرت البيت . و هنا نظرت اليه و قلت : يا عم مجاهد هو ايه اللي اتحرق بالظبط ؟ و هنا صاح فيّ : الله يخرب بيتك انت و ابن مأمون ..قميص الراجل باااااااااااااااظ
|
|