| | ···^v¯`×) (من اجل مصر احسن ... حط رأيك ) (ׯ`v^··· |    |
|
|
| كاتب الموضوع | محتوى الموضوع |
|---|
|  موضوع: ···^v¯`×) (من اجل مصر احسن ... حط رأيك ) (ׯ`v^···  الإثنين فبراير 07, 2011 12:31 pm |
| بسمـ الله الرحمنـ الرحيمـ
لانك مصري ,, من حقكك تعبر عن رأيك
سواء ضد او مع
النهردة باديك فرصة تطرح رأيك فيها ..
هتقلي دة مش شأني هقلك لا علشان انت مصري
يبقى الرأي كلو رأيك ,,
وده لأني شوفت ناس كتير
ضد او مع اولا مع حال البلد حاليا
وناس تانيه
ضد او مع رحييل سياده الرئيس
1- تغير حسني مبارك حالا و تعين غيره
2- الانتظار لحين تنفيذ كل وعوده و بعد انتهاء فترته يرحل
* الاستطلاع يحتوي على الرأي و الرأي الاخر فلا داعي للخروج عن الموضوع
تم عمل الموضوع دون استعمال اي مركبات تفخيم او تفضيل رأي على اخر
بغرص الوصول للشفافية تامة خالية من المجاملات لذا يرجى :
1- الالتزام باداب الحديث
2- انتقاء الفاظ و عدم اهانة اي شخص سواء مباشرة او دون قصد
3- النظر الى مستقبل مصر اولا قبل ابدأ الرأي
اختلاف الرأي دليل على التحضر ,,
|
|
 | |
| | موضوع: رد: ···^v¯`×) (من اجل مصر احسن ... حط رأيك ) (ׯ`v^··· الإثنين فبراير 07, 2011 4:24 pm |
| السلام عليكم ورحمة الله شكرا على الموضوع الرائع بس رائى هوه الاول يتشال ويتعين غيره عن طريق انتخابات نزيهه وياريت يكون عليها مراقبه دوليه كمان ليه بقى بصراحه انا شايفه ان الريس معملش حاجه لينا وان كان البعض حيقولى ليه طب وحرب اكتوبر حقول الفضل يرجع فى الاول لربنا والتانى السادات او الريس المؤمن وايه يعنى لما يكون صاحب الضربه الجويه الاولى عادى ما الحرب كان فيها ابطال كتير اشمعن هوه ثانيا انتم عاجبوا حال مصر النص فاحش الثراء والتانى فاحش فى الفقر وقيله الحيله حد يقولى ليه 40 مليون مصرى زى ما الاحصائيات بتقول مغتربين فى الخارج ليه الوزرا ورجال الاعمال واصحاب جمال وعلاد من اغنى الاغنياء ليه مبارك يعد من اغنى 10 على مستوى العالم تقدر ثروته 70 مليار دولار ليه جمال وعلاء يمتكلوا نص البلد على راى النكته الا بتقول ( مره واحد اجنبى راكب تاكسى لاقى صاحبه معلق صوره جمال عبد الناصر والسادات ومبارك ساله ده مين قاله وده مين قاله جه على مبارك وقاله ده مين قاله ده ابو شريكى فى التاكسى ) يعنى 70 مليار لو اتوزعوا على الشاب المصرى بس ربع مليون جنيه شوفوا كان مستقبلهم اتغير ازاى ولا احمد عز 60 مليار ولا نظيف الا سرق ارض فى الشيخ زويد بمليار 190 مليون انت بقى رايك ايه
|
|
| | |
| | موضوع: رد: ···^v¯`×) (من اجل مصر احسن ... حط رأيك ) (ׯ`v^··· الإثنين فبراير 07, 2011 6:17 pm |
| بداية زما قولت ان اختلاف الرأي دليل علي التحضر
انا هقولك علي حاجه
بسيطه جدا
الوقتي احنا سيبينه من 30 سنه
الوقتي جينا بس عشان كام شهر
بقي ده كلام معقول
ده يا اختي الفاضله تدبير خارجي ومن جماعات
عايزه تدمر مصر وقدرت بسهوله
تسيطر علي تفكير بعض الناس
بس ده عشان سبب بسيط هو الفقر
بس نرجع ونقول
ان مصر اتقدمت جدا في الفتره الي فاتت
فتره حكم مبارك
وبعدين هوا حمانا من 3 او 4 حروب
يبقي عايز امننا ولا لأ
؟
دي حاجه بسيطه جدا جدا جدا
اغلي من اننا ناكل ونشرب وننام
يعني مثلا لو كنا حاربنا وبقينا مثلا
زي بقيت الدول المحتله
فلسطين والعراق وكذا وكذا
كان ساعتها مال الدنيا ميساويش الامان
ده رأي بدون التدخل في اي حوارات
|
|
| | |
| | موضوع: رد: ···^v¯`×) (من اجل مصر احسن ... حط رأيك ) (ׯ`v^··· الإثنين فبراير 07, 2011 6:20 pm |
| طب هقولك علي حاجه ابسط
احنا كنا عايزين مبارك
يمشي الناس الي انتي اتكلمتي عنها
واهم مشم
الوقتي بقي عايزين مبارك الي يمشي
طب ايه التفكير الزكي الي فكر في الكلام ده
ازاي فهميني انتي
|
|
| | |
| | موضوع: رد: ···^v¯`×) (من اجل مصر احسن ... حط رأيك ) (ׯ`v^··· الإثنين فبراير 07, 2011 6:21 pm |
| باب الحوار مفتوح يا جماعه
الي عنده رأي يقوله
|
|
| | |
| | موضوع: رد: ···^v¯`×) (من اجل مصر احسن ... حط رأيك ) (ׯ`v^··· الإثنين فبراير 07, 2011 6:54 pm |
| تحياتي يامصطفى
انا مع ان الرئيس يكمل مدته وتنتقل السلطة بشكل سلمي لسببين من وجه نظري
1 ) حفاظ على استقرار مصر
2 ) اننا في مصر لانتفق على شيئ بمعنى ان الرئيس لو مشي الوقت دون اجراء انتخابات لن تتفق مصر على اشخاص وستجد جميع القوى السياسية المعارضة سوف تختلف على توزيع الغنائم وسوف تجد التربيطات من الداخل ومن الخارج لي وجهة نظر اخرى :- الثورة التي قام بها الشباب فضحت الكثير من كذابين الزفة والمنافقين وفضحت من لم نسمع لهم صوت قبل ذلك
ووجب علينا ان نخجل من انفسنا لاننا للاسف كنا نساق مثل ............................
اللهم احفظ مصر واجعلها امنة مطمئنة وادخل هؤلاء الشهداء جنتك بغير حساب ولاسابقة عذاب
اللهم اهلك الظالمين بالظالمين واخرجنا من بينهم سالمين
|
|
| | |
| | موضوع: رد: ···^v¯`×) (من اجل مصر احسن ... حط رأيك ) (ׯ`v^··· الإثنين فبراير 07, 2011 6:57 pm |
|
كل الشكر لك اخي الفاضل
ومع ذلك هذا رأيك
مستني اشوف بقيت الاراء
|
|
| | |
| | موضوع: رد: ···^v¯`×) (من اجل مصر احسن ... حط رأيك ) (ׯ`v^··· الإثنين فبراير 07, 2011 7:56 pm |
| اول كلامى بوجه الشكر والتقدير
الى اخى مصطفى
دايما بيبهرنا بتوبكاته الجميله والمفيده
والى بتخلى الشخص يطلع الى عنده ومن خلالها الكل يستطيع انة يشارك فيها
ثانيا....... بقدم تحية وتقدير للشعب المصرى خصوصا الشباب المصرى الذى اثبت للعالم ان
المصريين اذا ارادوا شىء فالابد ان يتحقق بأذن الله..
ثالث..اعتذرالى شباب ميدان التحرير اننا لم نشعر بحالتهم ولم اقدر شعورهم فى وجودهم داخل دولتهم..
التى كانوا يحلمواا بيها فالنظام الفاشل لم يحقق لهذا الشباب الدولة التى يريدونها ..
وفى فترة من ايام بنوا هولاء ا الشباب الدولة التى يحلموا بيها داخل الميدان ..!!
ولكن الاهم الدولة التى خارج الميدان (( مصر ))
. رابعاااا. رسالة الى شباب مصر .. هذه كانت مطالبنا يوم 25 يناير
والمشاركين كانوا شباب مصر الواعى باضافة الى بعض الاحزاب المحددوة..!!
ما الذى تحقق .. وما الذى لم يتحقق من المطالب ..؟؟
تحقق من المطالب اكثر من المطلوب .. وهذا ليس منه من الرئيس بل هو حق مشروع منذ زمن
فالابد من التوقف حتى نغتنم هذه المكاسب حتى لا نخسر اكثر من ذلك نخسر انفسنا ونخسر الوطن..!!
1 - حد أدني للأجور 1200 جنية
2- ربط الأجور بالأسعار
3- إلغاء حالة الطوارئ
4- إقالة حبيب العادلي ومحاكمة الظباط الذين إرتكبوا جرائم ضد الشعب المصري
5-
لا تمنحوا بعض المنتهزين ان يسرقوا حلمكم وحلم المصريين ..!!!!!
أسف على الاطاله وتقبلوووووووووو مرورى
madoo
[ندعوك للتسجيل في المنتدى أو التعريف بنفسك لمعاينة هذه الصورة]
|
|
| | |
| | موضوع: رد: ···^v¯`×) (من اجل مصر احسن ... حط رأيك ) (ׯ`v^··· الإثنين فبراير 07, 2011 8:48 pm |
| بالامس اجتمع نائب الرئيس مع الاخوان المسلمين وبعض احزاب المعارضة
وخرجوا من هذا الاجتماع متفقين على بعض البنود منها
تعديل المواد 76 و 77 و 88 واى ماده تحتاج التعديل من مواد الدستور
انهاء حاله الطوارئ طبقا للظروف الامنيه وحاله انهاء التهديد الامني للمجتمع.
الافراج عن جميع المعتقلين ،، وعمل لجنة للتتحق فى اى معتقل ولم يخرج
عدم ملاحقة شباب الثورة امنية فيما بعد
تكليف اجهزه الرقابه القضائيه بمواصله ملاحقه الفاسدين والمسئولين عما
شهدته البلاد من انفلات امني خلال الاحداث الاخيره ومحاسبتهم.
الاغلبيه العظمى منا وانا منهم يرى ان هذه مكاسب لم يكن احد يتوقعها
وبالفعل هى مكاسب لم يكن احد يتوقعها نهائيا ،، ولكن النظام الحالى
جعل الشعب بجميع طوائفه يفقد الثقة فيه
فاصبح شباب الثورة غير راضيين تماما عما اتفقوا عليه
وبعدها اعلن الاخوان انهم مازالوا متمسكين بمطالب الشباب وعلى راسها
رحيل مبارك .
انا ارى ان مبارك لم يعد يستطع ان يتخلى عن مطالب الشعب ،، واعتقد
انه سيحاول بقدر الامكان ان يصلح من احوال البلاد خاصة وهو يعى جيدا
ان ايامه اصبحت معدوده فى الحياه وفى حكمه لمصر .
كما ان البند الاخير من الاتفاق ينص على تشكيل لجنه وطنيه للمتابعه، تضم
شخصيات عامه ومستقله من الخبراء والمتخصصين وممثلين عن الحركات الشبابيه،
تتولي متابعه التنفيذ الامين لكافه ماتم التوافق عليه، مع رفع تقاريرها
وتوصياتها
للسيد نائب رئيس الجمهوريه.
|
|
| | |
| | موضوع: رد: ···^v¯`×) (من اجل مصر احسن ... حط رأيك ) (ׯ`v^··· الثلاثاء فبراير 08, 2011 12:48 am |
| شكرا لك ياابراهيم جدا انتا ومادر
شكرا فعلا يا جماعه
مستني اشوف ايه رأي بقيت الناس
|
|
| | |
| | موضوع: رد: ···^v¯`×) (من اجل مصر احسن ... حط رأيك ) (ׯ`v^··· الثلاثاء فبراير 08, 2011 6:15 am |
| ياجماعة انا رأيي من رأي الأخ هاني البسطويسي وفية حاجة لازم اقولها بعد 30 سنة ظلم للشعب المصري أقدر أقول ان الرئيس لازم يكمل المدة بتاعتة علي الأقل علشان إستقرار البلد وفي الأول والأخر إحنا عايزين مصلحة مصر بس وأحب أفكركم ياجماعة بإن السبب في إنتصار مصر في 73 هو حسني مبارك بأن الرئيس أنور السادات بإجتماعة مع القادة قرروا الإنسحاب من المعركة جميعا إلا حسني مبارك صمم علي الرأي ورفض الإنسحاب فلازم نفتكر له علي الأقل دي وعلشان يمشي من السلطة لازم يمشي بكرامة ودة رأيي الشخصي وشكرا جزيلا يامصطفي علي طرح الموضوع
|
|
| | |
| | موضوع: رد: ···^v¯`×) (من اجل مصر احسن ... حط رأيك ) (ׯ`v^··· الثلاثاء فبراير 08, 2011 6:48 am |
| شكرا لك استاذي الفاضل حازم بهي
انا أؤيد رأيك بالكامل
|
|
| | |
| | موضوع: رد: ···^v¯`×) (من اجل مصر احسن ... حط رأيك ) (ׯ`v^··· الثلاثاء فبراير 08, 2011 7:09 am |
| أولا ياصاصا انا اشكرك على تلك التوبيك الذى
ينص على موضوع لا بد من الحوار فية
جاء الرئيس وقال انة سوف يتم مدتة وبعد ذلك لم يترشح مرة أخرى
هذة خطوة جيدة جدا منة الرئيس.
ثانيا الشعب الذى فى ميدان التحرير ... هذا اخرج طاقت ال 30 سنة الى ماضوا
فاهذا من كتر الفقر والظلم ... والخ بس أنا مش شايف ان دة الحل لان بهذا التظاهر
تخسر مصر شبابها ورجلها .. فاعليم الصبر ولقد حان وقت رحيل الرئيس بعد انتهاء مدتة
وبعد ذلك يتم عمل انتخابات نزيهة بااذن الله .
الى يهمنا مصر فى الاول والاخر فقط
عدل سابقا من قبل SAAD.BASHA في الثلاثاء فبراير 08, 2011 7:16 am عدل 2 مرات |
|
| | |
| | موضوع: رد: ···^v¯`×) (من اجل مصر احسن ... حط رأيك ) (ׯ`v^··· الثلاثاء فبراير 08, 2011 7:13 am |
| شكرا لك يا سعد علي مرورك الجميل
اعتقد لحد الان ان رأينا كله واحد
|
|
| | |
| | موضوع: رد: ···^v¯`×) (من اجل مصر احسن ... حط رأيك ) (ׯ`v^··· الثلاثاء فبراير 08, 2011 7:24 am |
| أولاً أنا من مؤيدي رحيل مبارك بالطريقة السلمية ومن مؤيدي إن الرئيس يفضل في مكانة لنهاية مدته ولايته لعدم إظهار الفوضي في مصر ويكفينا أننا لم نخوض أي حروب في عهده منذ عـــام 1973 الثورة إلي قام بيها الشعب كشفت ناس كتير كانو ناهبين البلد وفعلاً هم دول أصل الفساد في مصر وليس مبارك فلابد من الرحيل بشرف شكراً سيادة الرئيس ....................
|
|
| | |
| | موضوع: رد: ···^v¯`×) (من اجل مصر احسن ... حط رأيك ) (ׯ`v^··· الثلاثاء فبراير 08, 2011 7:27 am |
| مش فاهمك يعني انتي عايزه
يعدل الدستور ويمشي
ولا يسيب البلد تخرب
؟؟؟؟؟؟
|
|
| | |
| | موضوع: رد: ···^v¯`×) (من اجل مصر احسن ... حط رأيك ) (ׯ`v^··· الثلاثاء فبراير 08, 2011 8:10 am |
| لو قرأت الرد بتاعي ومن مؤيدي إن الرئيس يفضل في مكانة لنهاية مدته ولايتهأعتقد إن الكـــلام واضح جداً جداً ياريت تقرأه صح يامصطفي
|
|
| | |
| | موضوع: رد: ···^v¯`×) (من اجل مصر احسن ... حط رأيك ) (ׯ`v^··· الثلاثاء فبراير 08, 2011 9:35 am |
| أخوانى الأفاضل وكل من يردد عبارة ان مبارك حمانا من الحروب أذكركم جميعا بشهداء هذا النظام الفاسد المستبد شهداء البر والبحر والجو ، اقول لكم هل تتذكرون حادث قطار الصعيد وكل من قتلوا حرقا فيه ، هل تتذكرون عبارة السلام (معذرة فالسلام عند مبارك معناه الموت) ولذا اقول هل تتذكرون عبارة الموت والذين قتلوا غرقا بسببها ، هل تتذكرون الطائرة التى كانت تحمل على متنها خيرة رجال القوات المسلحة والتى كانت قادمة من أمريكا وهل تتذكرون كل من قتلوا فيها ، هل تتذكرون صخرة الدويقة ومن قتلوا تحت أنقاضها ، والعديد والعديد من الشهداء الأبرياء الذين قتلوا فى ظل وجود هذا النظام الفاشى المستبد ، بالله عليكم غيروا نغمة صاحب الضربة الجوية الأولى وافيقوا من نومكم فكل من يقول بان مبارك هو رجل أكتوبر فهل هو الرجل الخارق الذى حارب وحده كرومبو مثلا اين بقية الشهداء الذين قدموا أرواحهم فداء لهذا الوطن وغيرهم العديد ممن ساهموا فى هذا الانتصار ولا أنكر بانه كان جنديا مخلصا لكنه كونه رئيسا لمصر فهو فاشل فاشل فاشل ومصر لن تقف أبدا على فرد فبامكانها أن تنجب العديد ممن يستطيعون قيادة شعبها لا ألوم اى منكم على عاطفته ولكن أعيب عليكم ذاكرتكم الضعيفة التى تناسيتم فيها دماء الابرياء التى شربها مبارك ونظامه فى عهده وحتى لا نبتعد كثيرا خلال أحداث هذه الثورة استشهد أكثر من 300 شاب من اخوانكم أنباء مصر على ايدى مبارك وحاشيته من الفاسدين والذى يتم كل شئ بعلمه وأوامره وان قال احدكم بأنه لا يعلم فمصيبته أعظم وأكثر ما يصيبنى بالغثيان ما سمعته عن تعويض يبلغ 3000 جنيه لاسر شهداء الثورة بالله عليكم هل تقدر حياة انسان بمبلغ من المال أرجوا أن تقيسوا ذلك على أحد من أهلكم وهنا أؤكد بأننى لست مع رحيل مبارك بل مع محاكمته على جرائمه التى ارتكبها فى حق أبناء مصر فأرجوكم أيقظوا الدماء التى تجرى فى عروقكم وأعملوا عقولكم.
أذكركم بقوله تعالى " لان أشركت ليحبطن عملك "
ولمتابعة باقى التفاصيل راجع الرابط التالى
أبو الهول ينتفض من تحت الرماد
لو بقيتم على رأيكم يبقى من الأفضل تشدوا البطانية وتكملوا نومكم
Hazem
حازم بروم
|
|
| | |
| كاتب هذه المساهمة مطرود حالياً من المنتدى - معاينة المساهمة |
| | موضوع: رد: ···^v¯`×) (من اجل مصر احسن ... حط رأيك ) (ׯ`v^··· الثلاثاء فبراير 08, 2011 9:51 am |
| فلابد من الرحيل بشرف شكراً سيادة الرئيس ....................
عفوا اخي ظننت انك تقصد رحيل الرئيس الان
وليس بعد استكمال فتره حكمه
وارجوا فقط عدم الاهانه
|
|
| | |
| | موضوع: رد: ···^v¯`×) (من اجل مصر احسن ... حط رأيك ) (ׯ`v^··· الثلاثاء فبراير 08, 2011 10:35 am |
| - مصطفي سمارت كتب:
مش فاهمك يعني انتي عايزه
يعدل الدستور ويمشي
ولا يسيب البلد تخرب
؟؟؟؟؟؟ اخى مصطفى طبعا انا ما كنت ساشارك بالموضوع من اساسه لانه حقيقة مثل الشمس ولا احد يختلف عن وجود الشمس وان غذا لناظره وسيصدق قول الله تعالى (ولئن جاء نصر من ربك ليقولن انا كنا معكم اوليس الله اعلم بمافى صدور العالمين) المهم انا بشارك بس لانى وجدت خطأ مهنى فى الموضوع واسمحلى بشكل اخوى جدا ان ارد عليك فى بداية موضوعك كتب ان الراى بحرية وفى ردك هذا يعبر عن انك تريد انهاء الموضوع على ما تريده وليس حرية ترددها الاعلام المصرى اليوم الخاص ولااعم غير طريقة نهجه واصبح التلفزيون المصرى بعد ما كان يردد ان ميدان التحير اين هو فلا ثورة ولا ميدان االان اصبحت كامير التلفاز لا تغادر الميدان وكانها وليدة الثورة الا نعدل طريقتنا بشفافية تاااامة قبل فوات الاوان
|
|
| | |
| كاتب هذه المساهمة مطرود حالياً من المنتدى - معاينة المساهمة |
| | موضوع: رد: ···^v¯`×) (من اجل مصر احسن ... حط رأيك ) (ׯ`v^··· الثلاثاء فبراير 08, 2011 11:01 am |
| الوقتى اقول راى ارى ان هناك فارق فى الثقافة بيننا وبين من يجلسون بالتحرير وارى ان نجعلهم هم باقة علم ونور نستمد منهم ثقافتنا بل ارى ان بالتحرير جيل يمكن ان يقود العالم قالها دكتور بكلية الاعلام جامعة القاهرة كيف اعلم الديمقراطية الان لشباب قادونا الى الديمقراطية ولم يذهب بعدها لجامعته بالنسبة للموضوع حلف شوية بعيد وحرجع تانى بس لكى اوضح نفاق المنافقين وكذب الكاذبون الجميع يرد ان مصر دولة مؤسسات وان بها مجلس قضائى الكل يشهد بنزاهته وبها جيش قادر على حماية الوطن بل والامة العربية متفقين ولا فيه ناس معارضة طيب اكمل تانى بها كما يقال قدر تنظيمة ومؤسسى قادر عل حفظ الامن والامان بها شعب قادر على حفاظ بلده من الاخر دولة مؤسسية مش دولة افراد يعنى من الاخر راح زيد جه عبيد الدولة مؤسسة وليست فرد وافترض مثلا جه مبارك الصبح يارب طبعا وحل عليه ملك الموت ( مش عارف ساعتها الامن حيطلع بلطجية لملك الموت ولا لا ) دى جملة اعتراضية المهم لو مات مبارك البلد حتقف طيب مات السادات والبلد مشت المهم طالما احنا فى بلد مؤسسات والك شاهد على فساد حكم مبارك طوال 31 عام يعنى الى ماعملوش فى 31 سنة حيعمله فى 6 شهور المهم مادمنا فى دولة مؤسسات والكل يؤكد اننا فى طريق الاصلاح واكيد مبارك اكد على كده فى خطابه وتانى يوم بلطجية رجالة مبارك كانو يقتلون ويحصدون ارواح الشهداء ولم ينسوا ابدا انهم نجحو بالتزوير بشعار الجمل فارادو ان يزهقو ارواح الشهداء بنفس الشعار وهو الجمل اقول مصر دولة قوية دولة مؤسسات لن تقف عند فاسد مفسد قالها الشعراوى دون ان ياخد احد منكم باله لقد بشع الظلم راجعو مقولته يغور مبارك وحاشيته ولن تقف مصر او شبابها او علمائها فلدى مصر الكثير من القضاء والقادة والعلماء قادرون على قيادة العالم وليست مصر افيقو ايها الشباب ورحم الله الشهداء واقول ياريت نعمل حوار تانى يا اخى مصطفى بسؤال مهم دم الشهداء فى رقبة من \ واول اجابة قالها عمر لو عثرت بغلة فى العراق لسؤل عمر ارى ضرورة محاكمة مبارك محاكمة علنية نزيهة
|
|
| | |
| كاتب هذه المساهمة مطرود حالياً من المنتدى - معاينة المساهمة |
| | موضوع: رد: ···^v¯`×) (من اجل مصر احسن ... حط رأيك ) (ׯ`v^··· الثلاثاء فبراير 08, 2011 11:05 am |
| نعلم كل العلم انك لست من وراء التخريب والقتل الذى حدث فى الاونه الاخيره بل هم رجال الحزب الوطنى ورجال الاعمال .. انت اخطأت لانك تركت ابنائك ورجالهم يتلاعبون بنا ... فاعذرنا على ما وصلنا اليه ... لا تحزن فنحن ابنائك ... استحلفك بالله ان تعاقب من وصلوا بك لهذه المرحله ومن صوروا لك ان مصر بخير وابنائها بخير . فنحن من 10 سنين مضت لسنا بخير ومصر ليست بخير .. وانت الاب فلا تحزن عندما يغضب ابنائك .. ومصر ارضك وانت لك حق فيها لانك من دافعت عنها فى يوم من الايام ..
|
|
| | |
| | موضوع: رد: ···^v¯`×) (من اجل مصر احسن ... حط رأيك ) (ׯ`v^··· الثلاثاء فبراير 08, 2011 11:12 am |
| يادى دافع عنها المهم جزاه الله خيرا لكن هناك احصائية هامة دقيقة الاعتقالات فى عهد مبارك 6 مليون معتقل بين اشتباه وامن دولة ولم يحدث ذلك فى 80 عام احتلت مصر من الانجليز القتل والتعذيب فى عهد مبارك بلغ مبلغه ولم يحدث فى تاريخ اى احتلال البعض يردد رجال الحزب وهم من اتى بهم مبارك طوال 30 عاما لم يغيرهم وانى على يقين تام من ان التعليمات التى تحدث هى من راس السلطة ان مبارك فاسد مفسد اتى بفساد مثله والدليل الاستاذ صبره هو مدير مكتب مبارك طوال 19 عاما ابحثو عن هذا الرجل وهو يحدثكم عن مبارك الشخص مبارك الرئيس وان الرجل ليقسم يمينا نافذا وتحدى مبارك ان يكذب ما يرويه بل طالبه شخصيا لتكذيبه بل ان الرجل لديه الكثير وستثبت لنا الايام ذلك
|
|
| | |
| كاتب هذه المساهمة مطرود حالياً من المنتدى - معاينة المساهمة |
| | موضوع: رد: ···^v¯`×) (من اجل مصر احسن ... حط رأيك ) (ׯ`v^··· الثلاثاء فبراير 08, 2011 12:18 pm |
| - محمد صدام كتب:
- مصطفي سمارت كتب:
مش فاهمك يعني انتي عايزه
يعدل الدستور ويمشي
ولا يسيب البلد تخرب
؟؟؟؟؟؟
اخى مصطفى طبعا انا ما كنت ساشارك بالموضوع من اساسه لانه حقيقة مثل الشمس
ولا احد يختلف عن وجود الشمس وان غذا لناظره
وسيصدق قول الله تعالى (ولئن جاء نصر من ربك ليقولن انا كنا معكم اوليس الله اعلم بمافى صدور العالمين)
المهم انا بشارك بس لانى وجدت خطأ مهنى فى الموضوع واسمحلى بشكل اخوى جدا
ان ارد عليك فى بداية موضوعك كتب ان الراى بحرية
وفى ردك هذا يعبر عن انك تريد انهاء الموضوع على ما تريده وليس حرية ترددها
الاعلام المصرى اليوم الخاص ولااعم غير طريقة نهجه واصبح التلفزيون المصرى
بعد ما كان يردد ان ميدان التحير اين هو فلا ثورة ولا ميدان
االان اصبحت كامير التلفاز لا تغادر الميدان وكانها وليدة الثورة
الا نعدل طريقتنا بشفافية تاااامة قبل فوات الاوان يا استاذي الفاضل
كان هذا ردي علي ابو جني
.........................................
|
|
| | |
| | موضوع: رد: ···^v¯`×) (من اجل مصر احسن ... حط رأيك ) (ׯ`v^··· الثلاثاء فبراير 08, 2011 5:19 pm |
| - مصطفي سمارت كتب:
بداية زما قولت ان اختلاف الرأي دليل علي التحضر
[
انا هقولك علي حاجه
بسيطه جدا
الوقتي احنا سيبينه من 30 سنه
الوقتي جينا بس عشان كام شهر
بقي ده كلام معقول
ده يا اختي الفاضله تدبير خارجي ومن جماعات
عايزه تدمر مصر وقدرت بسهوله
تسيطر علي تفكير بعض الناس
بس ده عشان سبب بسيط هو الفقر
بس نرجع ونقول
ان مصر اتقدمت جدا في الفتره الي فاتت
فتره حكم مبارك
وبعدين هوا حمانا من 3 او 4 حروب
يبقي عايز امننا ولا لأ
؟
دي حاجه بسيطه جدا جدا جدا
اغلي من اننا ناكل ونشرب وننام
يعني مثلا لو كنا حاربنا وبقينا مثلا
زي بقيت الدول المحتله
فلسطين والعراق وكذا وكذا
كان ساعتها مال الدنيا ميساويش الامان
ده رأي بدون التدخل في اي حوارات
طبعا كلامك كله يا سمارت على راسى
بس انا عند رائى هوه ما عملش لنا حاجه هوه كان بيعمل لنفسه ولاولاده واصحابهم رجال الاعمال شغالين بس علشان يأمنواا مستقبلهم وبس
انما باقى المصريين يضربوا راسهم فى اعلى حيطه وان كان عاجب ده نظامه
حتقولى لا هوه طيب ولاده واصحابهم الا كانوا بيسرقوا
طيب وهو ما كانش شايف ولا عامل مش شايف ولو مش شايف يبقى سورى ما ينفعش يبقى رائيس
طيب انت كنت بتشوف برنامج عمرو الليثى وبتشوف الحالات الا بيعرضها تحس اننا فى الصومال مش فى مصر
طيب حنروح بعيد ليه انا واحده خريجه تربيه من 7 سنين بتقدير عام جيد جداا ورحت اقدم على تعين قالوا مفيش تعايين فى مكافئه وان كان عاجب قولتلهم يفتح الله
طيب تعالى انت هنا السعوديه شوف العرب بيعاملوا المصريين ازاى اخر كره واهانه وتريئه علينا وما فيش حد عامل لنا كرامه
دلوقتى الكل شايلك على راسه ويقولك هما دول شباب مصر
وبالنسبه للراى الا بيقول هوه السبب فى حرب اكتوبر والسادات كان حيلغى وهو الا صمصم احب اقولك ان الا كان يعرف ساعه الصفر وان مصر حتحارب هما 3 بس السادات المشير احمد اسماعيل الرائيس حافظ الاسد بس انما هوه كان زاى اى مصرى عارف ان فى مثلا مناوره او اى حاجه تانيه انما حرب لا وبعد كده السادات الله يسامحه عينه النائب بتاعه وده راى لانى مش عايزه اكون زى النعام ادفن راسى فى الرمل تانى وبالنسبه انه حمانا من الحروب اولا بالنسبه لاسرائيل السادات الا راح الكنست وعمله اتفاقيه السلام هوه بقى حافظ عليها لمصالحه ولو كنت شوفت قناة العربيه امبارح وهيه بيتعرض اراء الشعب الاسرائيلى فى مبارح تحس ان من حبهم ليه حيعيطوا وامريكا بقى معاهم اكتر من الاخوات بس شكلهم خلعوا وسابوا يلا خليله يروح يعمل استجمام فى المانيا بقى[/color]
|
|
| | |
| | ···^v¯`×) (من اجل مصر احسن ... حط رأيك ) (ׯ`v^··· | |
|
| صفحة 1 من اصل 2 | انتقل الى الصفحة : 1, 2 |
|
