| موضوع: ســـوق الحــــلاوة جبــــــــر الخميس مايو 12, 2011 12:11 am |
| تذكير بمساهمة فاتح الموضوع :ع الجزيرة حتة خبـــــر وف معظم الجرانين عكنن جميع البشـــــر وفرَّح الحلويـــــــــن سوق الحلاوة جبـــــر حتى إسألوا الوحشين سوق الحلاوة جبــــــر وهيِّج المجانيـــــــن والزحمة زى المطر فى كافة المياديـــــن خيط الخيال إتكسر واتجنِّن العاقلين طالبين إعادة النظر ف محاكمة الشياطين سوق الحلاوة جبــــــر يا عينى ع المساكين والمجلس المعتبــــــر ح يجيب حـــلاوة منين
نظراً لحالة الخطر والشك والتخميـــن على كل مصرى دكر فى مصر أو ف الصين يلغى بعد النظـــــر ويعيش مغمض عين إيه يعنى لو يتعوَر ويغازل الفساتين
سوق الحلاوة جبر وإتعزز البايرين ويعمل إيه النفر بحلاوة التموين عرَّة وشيخ للغفر ومتعرفين ف كمين أو حتى فلقة قمر وبنكهة الياسمين دى هى وجة نظر طبقها على الإتنين ح تلاقى الجميع بالنفر أحلى من الحلوين اللى بنى مصر حلوانى كان حزين ف الأصل بياع مُر مهما الأيام تمر قاعد ف دكانه بيعلى بنيانه طوبة ضلمة ... وطوبة صبر يا عود ريحان الوقت حان هو إمتحان وبفعل أمر مافيش مفر من قسوة السلاطين سوق الحلاوة جبـــــر بقى له سنين والمجلس المُنتَظَــر ح يخزأ العنتيـــــــن أشرف عبد العزيز مشرف
|
|