''رياض برمبال'' , اسم مقترح للمدينة الوليدة .. و من قبله كان '' الرباط '' و هو اقتراح جديد قديم , لكن السؤال اين هوية برمبال القديمة ؟ هل سيسمح هؤلاء بمحو اسم برمبال من التاريخ بمنتهي السهولة ؟

* نازل فين يا استاذ ؟
- رياض برمبال لو سمحت ..
* ماتقول الرياض و خلاص

- انا من الرباط ..
* انت مغربي يا استاذ ؟!!! ..
- يعني علشان شعري طويل شوية ابقي من المغرب ؟!!!
* لا بس انت بتقول انت من الرباط .
- ايوا يا عم مهي الرباط دي اسم المدينة الجديد اللي هي كانت برمبال القديمة و الرياض بس دمجوهم مع بعض و بقت بلد واحدة تحت اسم جديد '' الرباط '' .
* طب بس بس دا موال طويل عريض رباط رباط يا عم .
.............................................................................

الرباط يجب ان يكون نفسيا قبل ان يكون مندرجا تحت اسم .
سؤال /
لماذا لا يكون اسم المدينة '' برمبال القديمة '' ؟ ام أن أهل الرياض الكرام سيرفضون ؟

 

اخى الكريم
المشكله ليست في الاسم المشكله هنا النظام البائس هو الذى خرب الدنيا
محمود نبيه وابراهيم الحديدى هم السبب الرئيس فى خراب البلد
ولكن عنايه السماء لا تريد ذلك وان شاء الله بالمخلصين سنكون يد واحده فى مدينه واحده
وادعوا كل مخلص لاداعي لفتح الجراح لابد من لم الشمل
وكلنا عائله واحده فى مدينه واحده اى كان الاسم

 

الحاج / احمد شلبي ..

حماسك رائع جدا و الكل هنا في المنتدي يثني عليك و علي حماسك و روحك الطيبة , لكن ...

ليس بالحماس وحده تدار و تُسيّر الامور , انا متفق معك و مع كل فرد لكي تكون بلدنا مدينة و هو حق طال غيابه , لكن يجب علينا في وسط هذا الحماس الا نمحو اسم برمبال .

فلا مانع ان نكون مدينة و لكن يجب ان نتمسك باسم بلدنا لانه جوهر وجود بلدنا منذ القدم و الي ماشاء الله ان شاء الله.
نحن وحدة محلية قائمة بذاتها , فما المانع ان يتم التحول '' المشروع '' من وحدة قروية الي مدينة و لكن بنفس الاسم '' برمبال القديمة '' ؟.

 

 

الأستاذ / محمد الشرقاوى

تحية طيبة من مصر الي شرق اسيا......... اليك

علي فكرة اسم الرباط سيزيد الرياض وبرمبال القديمة جمالا المهم المعنى( ان المقصود هو الترابط وهو معني نفسي قبل ان يكون اسمي)

تقبل مروري وكل سنه وانت طيب رمضان كريم

 

الاستاذ / نهاد ...

لاني عارف اهل بلدنا زي منا عارف نفسي دايما بقول اننا لازم نفكر بالعقل مش بالعواطف ..
بلدنا للاسف فيها نعرات كدابة ( عائلات , ناس مهمة , انت ابن مين ...الخ ) علشان كدا دايما بقول ان العقل هو اللي هيكسب مش العاطفة .

بلدنا لو كان ناسها طيبين كنا بقينا احسن بلد من 35 سنة علي الاقل , لو بلدنا ناسها طيبين كنا شوفنا مشاريع خيرية كتير , لو بلدنا ناسها طيبين كنت هتلاقي الاخ بيحب اخوه , و الابن بيعطف علي ابوه و امه , و الخال و العم مايكلوش حق ابن اخوهم او اختهم ... الخ.

لازم الناس في برمبال القديمة تعرف اننا بعيد عن بعض و كل واحد بيفكر في نفسه و اهله و فقط .
لو لقيت واحد علاقتك بيه عاديه و بيسأل عليك في غيابك بشكل دائم اعرف ان بلدنا فعلا ناسها طيبين.

داء بلدنا معروف ... و كلنا عارفينه بس دايما بندفن راسنا في الرمل و التراب و الروبة.

 

الاستاذ / سيد '' العربي ''

اهلا بحضرتك و كل عام و انت بخير و واحشني جدا و واحشني حواراتك الفكرية ..

انا متفق معك ان اسم '' الرباط '' رائع و جميل جدا , لكن رباط لمن ؟ هلا فعلا بلدينا فيهما من الصفو مايسمح بالترابط بينهما ؟

الرباط يجب ان يكون نفسيا مقترنا بصفو نفسي كبير بعدها افعل ماشئت .
لا اري اي ضرورة في الحديث عن برمبال مع الرياض , هم وحدة محلية مستقلة بذاتها و نحن كذلك , اذا علينا ان نهتم بتحويل بلدنا الي مدينة اولا و لا داعي للربط بيننا و بين الرياض .

 

جزال الله خيرا على اقتراحك
على هذا الموضوع فشكرا جزيلا
لك
[ندعوك للتسجيل في المنتدى أو التعريف بنفسك لمعاينة هذه الصورة]

 

الأستاذ محمد الشرقاوي

أنا منيش فاهم ايه المقصود بالصفو النفسي هو لو كل واحد وضح مايقصده هتكون مفتاح الحلول

وسنضع ايدينا على أول الطريق عايزين الصراحة وبدون تجريح لشخص بعينه اولأحد

يعني انا على المستوي الشخصي من برمبال ومصاحب 70% من ابناء الرياض كلهم ناس بيحبونا كبرمباليين

وبيتكلموا كلام جميل علينا0 وعمر ما احد غلط في حق برمبال القديمة0

 

احمد انتصار ..

شكرا علي مرورك و ربنا يخليك يا جميل

 

الاستاذ / سيد

احنا ليه بنقول برمبال و الرياض تحت اسم مدينة واحدة ؟
ليه مش بنقول عايزين مدينة برمبال ؟

انا كلامي مفهوم جدا علي فكرة , و خلاصة كلامي انه لا داعي للربط بين برمبال و الرياض , احنا وحدة محلية و هم وحدة محلية .
اذا علينا ان نتكلم و نسعي لتحويل وحدة برمبال القروية الي مدينة تحت اسم مدينة '' برمبال القديمه '' .

 

الأستاذ محمد

بأشكرك علي اهتمامك

 

الاخ الغالي/محمد الشرقاوي
بعد التحيه

نحن اهل دين واحد ونحن اهل واحد ونحن جميعا بلد واحد ولكن كل واحد فينا بقول كلام طيب
انا نفسي اعرف منين فى الرياض يكرهه اخيه فى برمبال ونفس الكلام مين فى برمبال يكرهه اخيه فى الرياض
نفسى تعرفوا حاجه واحده ان جميع عوائل البلد واحده والله كلنا فقراء لله تعالي
وكفايه انا وانت وهو من بلد واحده واصدقائنا واولاد خالي واولاد عمي واولاد اخي واختي هم برمبال والرياض احب اتكلم معاكم في شئ جميل مدينة برمبال او الرياض عمرها ماتمحي برمبال والرياض عايزين نقول حاجه احسن من كده مدينه واحده علشان نبدء بمشاريع في البلد وباايدي شباب البلد العاملون في الخارج افضل من عمل مشاريع في شرم والكردي والغردقه حتى مشاريعنا بنعملها في الكردي اناشد كل انسان بره بلده يعمل مشروع ولو صغير عشان الحلم يبقى حقيقه كلنا بنحب بعض والله لو طبقنا القران والسنه واعطينا المسكين حقه وحافظنا على الجار والاخ والخال والعم مدينتنا ستكون جميله نفتخر بها ونقول لبعضنا الثوره قامت غيرت مجرى التاريخ وخلت اسرائيل يحلف بحياة المصريين وخلت نتن ياهو مبينمش لاليل ولا نهار كل ده بسبب الثوار يالا يا ثوار بلدنا اعملوا حمله كبيره وبصوت عالي برمبال والرياض مدينة الرباط ولعن الله كاتم الشهاده والشهاده هي شعب واحد بلد واحد يد واحده

 

الحاج / احمد شلبي ..

انا اول واحد عايز بلدنا تكون مدينة , بس ليه نغير اسمها ؟
ايه المانع ان اسم المدينة يكون '' برمبال القديمة '' ؟

كل كلامك علي عيني و راسي , لكن ليه اسم المدينة يكون الرباط او اي اسم تاني ؟
احنا وحدتنا المحلية اسمها '' الوحدة المحلية ببرمبال القديمة '' يبقي المدينة لازم تكون '' برمبال القديمة '' و لا اسم برمبال مش حلو ؟

تغيير اسم البلد يعني تغيير تاريخها كله و محوه باستيكة , انا برمبالي و لازم اكون برمبالي .. مش بين يوم و ليلة الاقي بلدنا اسمها الرباط او اي اسم تاني ...

الوحدة الحقيقية لازم تكون موجودة بين الاشخاص , تفتكر البلدين موحدين تحت اهداف و مبادئ واحدة ؟

 

 

 

على العموم يأستاذ محمدالشرقاوى :


( كلنا اخوات والاختلاف في الرأي لايفسد للود قضية)

 

الاخ العزيز/محمد الشرقاوي
تحيه طيبه وبعد
اولا التاريخ موجود ولا ينسى ابدا ونت من برمبال وانا ابن برمبال واعشق تراب البلد
واتمنا ان اكون خدام لكل انسان فى البلد ولكن مدينه تربط اهلى واخواتي وعشيرتي كلها هذا لوحده شرف لكل برمبالي او من الرياض
اخى محمد
الرياض الاول كان اسمها ايه وايه وايه
ولكن العمده عجيز رحمه الله وجعله من اهل الجنه هو الذى سمها الرياض
ام برمبال القديمه فهي تاريخ كبير فى قوبنا جميعا وعندما تكون مدينه باسم الرباض او اسم رياض برمبال او اي اسم كان فلا مانع علي الاطلاق
اخي الكريم /محمد
انا وانت وكل شاب يتمني ان نكون احسن من اي مدينه فى مصر ولكن لابد ان نضحي شويه من اجل ذلك وانا احترم رؤيك واحترام كل رؤي يقال ولكن يخدم مدينتنا الغاليه
السوال هل هو حلم كما حلم ابائنا واجددنا انما ممكن بعد الثوره تتغير الاحلام ويكون حقيقه
السوال الان
ممكن نقول لكل انسان حر تعالي نترك الماضى ونفتح دفاتر الحاضر
تعالي بنا نعمل شئ على ارض الحقيقه
تعال بنا نقول بصوت واحد مدينه واحده اي كان الاسم
تعال نساعد اخوتنا فى المحافظه علي نظافه بلدنا
تعال بنا نعمل مشريع ضغيره منها مكسب لاموالنا ومنها خدمهلشباب بلدنا
تعال بنا نعمل شئ نفتخر به امام الاجيال القاده
تعال بنا نعلم اخوتنا الامين الكتابه والقراءه
تعال بنا نعلم اولادنا اللغات الاساسيه مثل الانجليزى والفرنساوي
تعال بنا نعمل مركز طبيه تخدم مرضنا
تعال بنا كل واحد يدفع حتى لو عشره جنينه ونشتري خمسه اجهزه لغسيل الكلي
تعال بنا نشتري بالمجهود الذاتى غرفه عمليات للمستشفى المتروكه من عهد الملك فاروق
حتى الان زننه
تعال بنا نزرع عند كل بيت شجره مثمره او نخله
تعال بنا نتحد الزمن ونقول حنا عملنا كذا
موش نتكلم فقط تعالو ياشباب اعظم جيل نعمل المستحيل بدمنا
وايد علي ايد تعمر ولا تخرب
وعاشت مصر حره وعاشت برمبال والرياض يد واحده

 

الاخ الغالي/ سيد عباس
تحيه طيبه وبعد
انت رجل عاقل وتتكلم بحكمه كبيره وطبعا نحن جميعا نحترم كل الاراء
وهذا من نعمه الله علي عبده وطبعا نحن فى عهد اعظم ثوره فى التاريخ ولابد ان نعيش بالدمقراطيه
الحقيقيه وهي احترام كل الااء ولكن الاغلبيه هي التي تقرر
ونحن دائما نقول لافرق بين برمبال والرياض لاني اهلي وعائلتي واخواتى واخوالي واعمامي واصدقائي كلهم من برمبال والرياض ولكن النظام القديم من ثوره 23 يوليو حتى الان تريد التفرق لا التجمع وعندما قامت الثوره كلنا تكلمنا باعلي صوت بلد واحد فى مدينه واحده هى مدينه اي كان الاسم المهم التجمع
ومن هنا اشكر
الحاج حلمي سويلم
والمهندس ابراهيم ابو عوف
والمهندس حمدى فتح الله
والمهندس احمد حلمى البسيونى
وكل رجل وكل شاب فى مدينتنا الجميله الذى يعمل للتجمه وانا اشكره اخى سيد عباس

 

الاخ الغالي المحترم /ابو تسنيم
بعد التحيه

طبعا انا عاجز عن الكلام لنك انسان نفتخر به دائما محب للخير حكيم الكلام
خلوق الانسانيه فكل ماقته هي حقيقه ونحن جميعا نتفق عليه لاداعي للعصبيه ولادعي للتشدد
لابد اننا جميعا نتفائل الخير وبذات بعد الثوره المجيده
وانا اشكرك بكل قلبي

 

ابو تسنيم ...

انا و لله الحمد بملك لسان ممكن يقول احلي و اجدع كلام في الدنيا , و مش متعصب زي ما انت فاكر , بالعكس لو فكرت في كلامي كويس هتعرف اد ايه انا متمسك بجذور بلدنا و اهم شيئ فيها هو الاسم .

و طالما كلكم متفقين ان اهم شيئ هو الاتحاد بين برمبال و الرياض في مدينة واحدة و الاسم مش فارق قوي معاكم .. خلاص يبقي المدينة برمبال القديمة و تضم برمبال و الرياض معا.

يا اخ ابو تسنيم لو تكرمت حاول تعرف اللي بتتكلم معاه الاول علشان تعرف تفهم هو بيتكلم ازاي , انا بحترم كل فرد و كل رأي هنا في المنتدي , لذا ارجو ان يكون الاحترام متبادل.

و لو عايز تتكلم بمنطقية اكتر .. ممكن تقولي ليه اهل الرياض مارفضوش انهم يكونوا وحدة محلية مستقلة ؟ مش احنا بلد واحدة برده ؟

 

الاستاذ / سيد '' العربي عباس ''

هناك مسائل لا ينبغي النقاش حولها و منها مسألة تغيير اسم برمبال , انا عن نفسي مش متخيل ابدا ان بين يوم و ليلة الاقي اسم برمبال ممسوح و مالوش اي ذكر غير اننا نقول '' برمبال سابقا ''.

ايوا الاسم مهم جدا جدا , لانه مرتبط بتاريخ البلد و لعلمك لو فيه واحد في البلدين هيرفض حتة تغيير اسم البلد فهيكون العبد لله.

 

الحاج / احمد شلبي ..

انا شايف ان كلكم متفقين ان المهم هو اتحاد القريتين لتكوين مدينة واحدة , و كمان انتم متفقين ان الاسم مش مهم .
طيب يا حاج / احمد طالما ان الاسم مش مهم ليه بقي مايكونش اسم المدينة '' برمبال القديمة '' ؟

و لعلمك و الله انا مش فنجري بؤ , و اسأل عني الاستاذ / ماهر الدميري و خالك الحاج / عبده ابو احمد و الاستاذ / محمد يونس انا اتعاملت معاهم في مواقف كتير و اكيد هما عارفيني كويس جدا و عارفين اد ايه انا بحب البلد .. و يا ريت تسأل عن موقفي مع الاستاذ / ناجي عبد المنعم داخل مركز الشباب و انا عمري وقتها كان لا يتجاوز 18 سنة .
اللي بيحب بلده بيحبها بأفعاله مش بالكلام يا حاج / احمد و لو ربنا اراد و كان لينا لقاء اكيد هتعرفني كويس و هتعرف انا بفكر ازاي.

 

الاستاذ / نهاد ..

فيه فرق كبير بين النظرة التشاؤمية اللي حضرتك و غيرك استنتجتها من كلامي و النظرة الواقعية للامور ..
سؤال واحد .. البلد اللي اهلها طيبين اكيد بيبان دا علي بلدهم , ممكن اعرف كام مشروع خيري اتعمل في برمبال بالجهود الذاتية ؟

 

جزاك الله خيرا أخى الفاضل