هاااااااااااااااااااام جدااااااااااااا لتنظيف الجهااااااز ادخلوااااااا بسرعة

تاريخ ميلادى : 12/06/1983

انا النهارده حقولكم على شويه حاجات تعملوها كصيانه لجهازكم عشان يبقى خفيف وسهل التعامل معاه

لما تلاقى الجهاز بتاعك بقى بطئ بطئ
بطئ......فى النت بطئ ....فى التحميل بطئ ..... فى تسطيب البرامج بطئ....فى
فحص الفيروسات بطئ...فى تشغيل الفيديو بطئ...ده حتى فى فتح الجهاز
بطئ....!!!!!

طب تعملوا ايه ...؟؟؟

الاول عاوز اديكم خلفيه كده عن اسباب بطئ جهاز الكمبيوتر عموما

1- صيانه الجهاز

لازم تنزلوا برنامج صيانه عندكم والبرنامج ده وظيفته تنظيف القرص وفحصه وازاله التجزئه فيه

والهدف فى الاخر هو التخفيف على الجهاز عشان سرعته تزيد

والمفروض الصيانه دة تحصل كل اسبوع تقريبا

طب ايه هى بقى البرامج دى...؟؟؟؟ طبعا فى برامج كتيره لتنضيف الاقراص

بس انا شخصيا بستعمل برنامج

اسمه super cleaner

وده رابط التحميل بتاعه اهو

[ندعوك للتسجيل في المنتدى أو التعريف بنفسك لمعاينة هذا الرابط]

البرامج دى بتنضف جهازك وتشيل اى ملفات تالفه او مش مستخدمه اول باول يعنى المفروض برده كل اسبوع كده نعمل اسكان للبرامج دى

وفى حاجه بقى كمان عاوزكم تعملوها معايا وهى اننا نعمل تنظيم للملفات وده هيكون باستخدام defragment يلا كده شوفوا الخطوات معايا

1- نروح ل my computer
2- كليك يمين على القرص سىC
3- نختار properties
4- نختار tools من القايمه ونضغط على defragment now

هتظهر عمليه تجميع قدامكم وهتلاقوا تحت
مربعات ملونه اضغطوا على كلمه defragent سيبيه براحته خالص لحد ما العمليه
تنتهى وخلى بالك ممكن تاخد وقت طويل جدا لو القرص بتاعك مليان بيانات

العمليه دى المفروض تتعمل كل 3 او 4 ايام تقريبا

العمليه دى مهمه جدا لانها بتنضف
الهاردديسك فى كل الملفات المؤقته وملفات الانترنت المؤقته الى بتتقل
الجهاز والى مالهاش لازمه اصلا

وكمان العمليه دى بتفحص محتويات الهاردديسك ان كان فيه اخطاء ممكن تصليحها ....ومهمه كمان لازاله التجزئه

وبتحل كمان مشكله ان مع مرور الزمن
وتركيب برامج وحذفها بتفضل فراغات كبيره فى الهارد ديسك وازاله التجزئه
بتحل المشكله دى وبتساعد على تنظيم الملفات وبالتالى بتسرع جهازك

2- البرامج الى بتتحمل مع بدايه التشغيل

يعنى اول ما بتشغل الكمبيوتر فى برامج
بتقبى متحمله وبتظهر فى شريط المهام جمب الساعه تحت وبتضطر تستنى لما كلها
تحمل عشان تقدر تتصفح جهازك صح....

اهى البرامج دى بتقلك جهازك وانت مش
واخد بالك....طب مااحنا نشيلها احسن من مكانها ده ولما نحتاجها اهى موجوده
على الجهاز تقدر تدخل عليها من start وبعدين programs

تعالوا بقى اقولكم تشيلوها ازاى...؟؟؟؟

طريقه سهله جدا...ادخلى start وبعدين
run واكتبى كلمه MSCONFIG وبعدين ok هتفتح مربع اختارى منه فوق start
up هتلاقى قدامك البرامج بتاعتك الى متحمله فى شريط المهام اعمللها
disable all

وبعد كده هيطلب منك ريستارت للجهاز ولما تفتحه هتلاقى البرامج اتمسحت من على الشريط وكله بقى تمام

3- بطئ تصفح النت

امشى معايا كلمه كلمه اضغط على start وبعدين run وبعدين اكتب كلمه Regedit

المربع الى يفتح عندك دور على كلمه
HKEY_LOCAL_MACHINE واضغط عليها واللى يفتح عندك دور على كلمه software
واضغط عليها واللى يفتح عندك دورعلى كلمه microsoft و اضغط عليها واللى
يفتح عندك دور على كلمه windows واضغط عليها والى يفتح عندك دور على
كلمه current version
واضغطى عليها والى يفتح عندك دورى على
كلمه explorer و اضغط عليها واللى يفتح عندك دور على كلمه remote computer
واضغط عليها واللى يفتح عندك دورعلى كلمه name space هتلاقى بقى قيمه
تحتها زى دى
D6277990-4C6A-11CF-8D87-00AA0060F5BF

اتاكد من القيمه مزبوط وشاور عليها واضغط كليك يمين بالماوس واختار delet عشان تمسحها

وشوف بقى سرعه التصفح بتاعك

4- زحمه الملفات والبرامج على الذاكرة

ازاى بقى تخفى الزحمه دى...؟؟؟

1- اعمل كده لفه سريعه على الجهاز
بتاعك فى my computer وشوف ايه الملفات الى انت مش عاوزها واحذفها
وخصوصا ملفات الفيديو لانها بتاخد حيز كبير من الذاكره بتاعتك

2- احذف البرامج الى ملهاش لازمه على
الجهاز وده بانك تدخل علىcontrol panel من start وتختار add or
remove programes هتظهرك كل البرامج الى مسطبها على الجهاز ....البرامج
الى مالهاش لازمه علم عليها واضغط على remove وخليك معاها لحد ماتتشال
خالص

3- ادخل على المجلد سى C من my
computer وادخل على documents and settings وبعدين ادخل على الملف
الخاص بيك واختار منه my document وبعدين download افتح بقى كل
الايكونات الى عندك هتلاقى البرامج الى انت محملها على الجهاز قبل كده او
اى فيديو او اى صوره او ملف والى مش عاوزه احذفه والى محتاجه اعمل له
cut فى اى حته تانيه غير ال سى C

4- ادخل على سله المحذوفات اول باول وامسح كل الى فيها..وخلى بالك اللى هتمسحه ده مش هتقدرتجبيه تانى

فى نقطه صغيره كمان....ساعات لما
تحذف برنامج فى control panel تجد ان لسه فى ملفات تخص البرنامج ده
على جهازك وعشان تحلى المشكله دى ادخل
على start وبعدين run واكتبى
كلمه regedit ولما يظهر المربع الخاص اضغطى على F3 واكتبى البرنامج الى
لسه ملفاته عندك لحد دلوقتى وكررى F3 كمان عشان تتاكد
من الحذف الكامل
وخلى بالك احذف البرنامج الى انت عاوزه بس اوعى غصبن عنك تشيلى اى ملف
خاص ببرنامج تانى والا البرنامج ده هيتلف منك على طول

5- وجود الفيروسات

طبعا لازم يكون عندك على الجهاز برنامج لفحص الفيروسات فى طبعا برامج كتير بس انا بحبذ برنامجين
Norton anti virus او Avira anti virus

كل اسبوع كده لازم تعمل فحص للكمبيوتر كله اول باول

وقبل بقى ما اسيبكم عاوز بس اقول حاجه كده اخيره على الماشى بالنسبه للى بيستخدموا ويندوز XP

فى طريقه كده عشان تحذفى بعض الملفات الى تساعدك على تسريع الويندوز XP

والطريقه هى.....
ندخل على start وبعدين run وبعدين نكتب كلمه prefetch وبعدين ok

وامسح بقى كل الملفات اللى موجوده
قدامك دى ...والعمليه دى المفروض تحصل على الاقل كل شهر عشان تنضف جهازك
من اى ملفات مالهاش لزوم وبتتقلك الجهاز على الفاضى
منقــــــــــــــــــــ للفــــــــــــــائدة ــــــــــــــــــــــــــــــــــــــــــــول

شكرا جدا استاذ السعيد
بارك الله فيك

جزيل الشكر لك أخى الفاضل الكريم
على مجهود العرض ، بغرض الاستفادة
دام لنا عطاؤك ، ودمت بخير

[ندعوك للتسجيل في المنتدى أو التعريف بنفسك لمعاينة هذه الصورة]

تاريخ ميلادى : 01/05/1993

[ندعوك للتسجيل في المنتدى أو التعريف بنفسك لمعاينة هذه الصورة]

تاريخ ميلادى : 12/06/1983

الاستاذ السيد ابو اليسر
انا سعيد جدا بالتعرف على حضرتك
شكرا لك على المرور العطر
الاستاذة الفاضلة فاطمة
جزاك الله خيرا
وشكرا لك على المرور
الاخت الفاضلة مريهان
نورت الصفحة
شكرا لك على المرور العطر
[ندعوك للتسجيل في المنتدى أو التعريف بنفسك لمعاينة هذه الصورة]

بارك الله فيك استاذ سعيد على تلك النصائح المفيده
دمت لنا بكل خير يا ابو عبدالرحمن

تاريخ ميلادى : 12/06/1983

ابو تسنيم كتب:: بارك الله فيك استاذ سعيد على تلك النصائح المفيده
دمت لنا بكل خير يا ابو عبدالرحمن

شكرا لك ابو تسنيم على المرور العطر
وكلنا تلاميذ حضرتك وتحت اشرافك
نورت الموضوع

الاخ الغالى الاستاذ /السعيد
بعد التحيه
الجهاز بتاعى عطلان والاستاذ احمد الدسوقى وعدنى يصلحه ولش مجاش انا رافع عليه قضيه كبيره احضرها ياباشا

احمد شلبي كتب:: الاخ الغالى الاستاذ /السعيد
بعد التحيه
الجهاز بتاعى عطلان والاستاذ احمد الدسوقى وعدنى يصلحه ولش مجاش انا رافع عليه قضيه كبيره احضرها ياباشا

ماله جهازك يا استاذ احمد خييييييييير

تاريخ ميلادى : 12/06/1983

احمد شلبي كتب:: الاخ الغالى الاستاذ /السعيد
بعد التحيه
الجهاز بتاعى عطلان والاستاذ احمد الدسوقى وعدنى يصلحه ولسه مجاش انا رافع عليه قضيه كبيره احضرها ياباشا

ياحاج احمد انا تحت امرك
ايه ياستاذ احمد يادسوقى انت مزعل الحاج احمد ليه؟؟؟؟؟؟؟؟
الحاج احمد ده البركة بتاعتنا ومينفعش حد يزعله
هههههههههههههههه
ياستاذ احمد
لو الجهاز متصلحش فى اقرب وقت هنعمل قضية كبيرة يحضرها شيوخ وشباب برمبال والرياض
والحكم فيها هيبقى حكم عسكرى
ههههههههههههههههههههههههههه
يرضيك كده ياحاج احمد؟؟؟؟؟؟؟؟
هههههههههههههه
سلامى للجميع