شروط الترشيح:
يجب ان تتوفر فى المرشح لعضوية مجلس الادارة هذه الشروط

• ان يكون مصرى الجنسية متمتعا بكامل اهليته القانونية والمدنية والسياسية
  
• ان يكون من الاعضاء الاعاملين بالمركز ومضت على عضويته سنتان على الاقل من تاريخ سداد الاشتراك
  
• لا يقل سنه عن 21 سنه وقت الترشيح
  
• ان يكون حاصل على شهادة مرحلة التعليم الاساسى او ما يعادلها(( ويكتفى بإجادة القراءة والكتابة بالنسبة الى مواليد ما قبل يناير 1971
  
• ان يكون مسدد الاشتركات المستحقة قبل الترشيح
  
• ان يكون حسن السمعة ولم تصدر ضده اى احكام نهائيه
  
• الا يكون سبق اسقاط عضويته من مجلس ادارو احدى الهيئات الخاصة بالشباب ما لم تزل اسباب ذلك
  
• الا يكون من العاملين من الجهة الادارية المختصة (( مراكز الشباب))
  

 

ياريت كل الشباب يروحوا يعملوا عضوية فى مركز الشباب

وده مش حيكلفك غير صورة البطاقة وصورة ايصال مياه أو نور
ومبلغ بسيط جدا جدا هو 120 قرش قيمة الإشتراك لمدة سنة

 

 

إحنا بنراهن على الشباب الواعى

لانهم اللى حيغيروا كل حاجة فى القرية

 

فكرة ممتازة أبوخالد وربنا يسهل إن شاء الله

 

على فكرة يا شباب

إصلاح حال مركز الشباب سهل جدا
اللى وصل مركز الشباب للمستوى المتواضع ده هو سلبيتنا
فلو كل واحد عمل عضوية وبقى عضو فى الجمعية العمومية لمركز الشباب
أكيد فيه حاجات كتير حتتغير
اللى مسيطرين عل مركز الشباب دول مش أقوية لأنهم قوة
لكنهم أقوية بسلبيتنا إحنا
علشان كده لازم موازين القوة فى مركز شباب القرية تتغير
لازم الشباب يكونوا هم القوة الكبيرة فى مركز الشباب
خلى شعارنا يكون(دافع عن حقك فى مركز الشباب بتمن حاجة ساقعة)
كل اللى عليكم يا شباب تروحوا لمدير المركز ومع كل واحد فيكم
صورة البطاقة الشخصية وصورة ايصال مياه أو نور
محدش حيقدر يقولك لأ مش عاملك عضوية
دى البداية الصحيحة لإصلاح حال مركز الشباب
على فكرة العضوية مفتوحة أول 13 يوم من كل شهر
وبقولكم تانى محدش يقدر يمنعكم من عمل عضوية

 

 

ربنا يقدم اللى فيه الخير اهم حاجه المصلحه العامه



سيبك من المنصب احنا غيزين حاجه صح وبس

 

مركز شباب - مركز إشعاع - ملتقى إبداع

 

 

طبعا يا برمبالى الحلم من حقك
وإحنا شعارنا سواء فى المنتدى أو فى الحملة الإنتخابية لرئاسة مركز الشباب هى
0(احلم معانا )

 

على فكرة الجمعية الخيريه ببرمبال القديمة إشتغلت
المشرف عليها ناس كويسين أوى على فكره منهم
الأستاذ إبراهيم بدران وده راجل محترم جدا وانا اعرفه عن قرب
والأستاذ عاطف باشا
والأستاذ إبارهيم الشافعى
الناس دى بتشتغل بجد وبإخلاص
وأول مشاريعها كان
مشروع العيش وده مشروع كويس جدا جدا شغل شباب كتير وشغل محلات كتير وسبب عائد على البلد من أهمها موضوع العيش وموضوع الزحمة عند الأفران ودالوقتى بيفكروا فى حاجات كتير
منها شراء سيارة للموتى عشان العزب وغيرها
ومنها حاجات كتير جدا ممتازة
الجمعية دى كانت وقفه لأنها كانت مديونه فى فلوس
الناس دى لمتها من بعض ألوفات على فكره وشغلوها
بمعنى أيه
إنهم مجموعه لموا بعض وعملوا حاجه كويسه للبلد وعشان كده نجحت والفكره
عقبالنا أما نعمل حاجه مع بعض

 

كلامك مظبوط يا أستاذ نبيل

إحنا دلوقتى يهمنا مكان محترم ولائق بمجموعة الشباب اللى فى المنتدى
نجتمع فيه ونرتب أفكارنا ونخطط لأحلامنا فى خدمة قريتنا
إحنا لو إتجمعنا أكيد حنحقق الكثير
لأن كل واحد فينا هدفه خدمة برمبال القديمة من أى موقع وأى مكان
وطبعا كلامك عن إبراهيم بدران شئ يسعدنى شخصيا
لأنى أرتبط به شخصيا كأخوة وأصدقاء من حوالى 18 سنه
فكل نجاح لإبراهيم بدران أعتبره نجاحا شخصيا لى

 

 

تغرفوا ان اللي بيحصل في برمبال القديمة نموذج للي بيحصل في مصر بصفة عامه

 

كلما إزدادت ظلمة الليل

تأكد من طلوع الفجر
أن أوان التغيير فى القرية

 

 

 

 

هو ده اللى حيحصل يا أستاذ نبيل

بس لازم المكان اللى حنجتمع فيه يكون لائق بالشباب المحترمين اللى فى المنتدى
أما بالنسبة للشعار الحلو اللى إختارتوه
حيكون هو الشعار الرسمى للمنتدى
بلد واحده.....جسد واحد.....قلب واحد

 

 

ان شاء الله ايد بايد هنحقق احلامنا سويا

وبادينا هنغير بلادنا ونمحى سلبياتنا دى كلها
بس ياريت ياريت لكل القائمين على هذا المنتدى
ان يظل الحماس هذا بعد انتهاء فترة الانتخابات
سواء كانت الجوله لنا او علينا
ياريت محدش ييأس ونظل نحاول ونحاول
وياريت لو نجحنا فى موضوع الانتخابات ده
عاوزين نرفع بلدنا ونطورها
ونعرف الناس اننا فعلا كل سعينا وراء مصلحة البلد فقط
سواء فى المنصب او خارج المنصب

 

 

والله فكرة اجتماع الأعضاء دى هى اللى بتشغل بالى دلوقتى

إن شاء الله بنفكر يكون لينا كيان رسمى نقدر من خلاله ننفذ أحلامنا
كمان أوعدكم خلال مدة بسيطة جدا حيكون لينا مقر ثابت نجتمع فيه

 

إن شاء الله قريب قوى

حنجتمع فى المقر الخاص بينا