دا موضوع بنتكلم فيه عن الرياضه فى برمبال القديمه والمقصود بالرياضه هنا
كرة القدم لانها تقريبا اللعبه اللى 90% من شباب برمبال بيلعبها سواء فى التسويق
او فى صاله النادى او فى المبانى او فى ملاعب الصوابر المهم ان فيه كتير بيمارسوها
ولكن مفيش كتير حريفه
وكلنا عارفين ان فريق برمبال القديمه اعماره السنيه عاليه جدا واصلا يكاد يكون مفيش فريق لبرمبال
بعد اعتزال محمد رمضان وكبر سن علاء عباس ورحيل جمال وهبه واليكن ........
المشكله ان فيه كتير من موهوبين بلدنا بس مفيش حد بيشجعهم انهم يظهروا لانكم عارفين انها عزبه وما بيلبش فيها
الا المقربون لازم يكون فيه فريق جديد ولازم الفكر يتغير لازم ندور على لاعيبه جدد
كان الناس بيحكوا لنا ان فريق برمبال دا من الخمسينيات كان فريق مرعب دلوقتى مفيش رعب ولا حاجه
اللى يعرف اسماء ممكن انها تمثل برمبال لازم يشجعها على اللعب وممكن يكتبها فى رده

 

احمد توتى كتب:

دا موضوع بنتكلم فيه عن الرياضه فى برمبال القديمه والمقصود بالرياضه هنا
كرة القدم لانها تقريبا اللعبه اللى 90% من شباب برمبال بيلعبها سواء فى التسويق
او فى صاله النادى او فى المبانى او فى ملاعب الصوابر المهم ان فيه كتير بيمارسوها
ولكن مفيش كتير حريفه
وكلنا عارفين ان فريق برمبال القديمه اعماره السنيه عاليه جدا واصلا يكاد يكون مفيش فريق لبرمبال
بعد اعتزال محمد رمضان وكبر سن علاء عباس ورحيل جمال وهبه واليكن ........
المشكله ان فيه كتير من موهوبين بلدنا بس مفيش حد بيشجعهم انهم يظهروا لانكم عارفين انها عزبه وما بيلبش فيها
الا المقربون لازم يكون فيه فريق جديد ولازم الفكر يتغير لازم ندور على لاعيبه جدد
كان الناس بيحكوا لنا ان فريق برمبال دا من الخمسينيات كان فريق مرعب دلوقتى مفيش رعب ولا حاجه
اللى يعرف اسماء ممكن انها تمثل برمبال لازم يشجعها على اللعب وممكن يكتبها فى رده

 

موضوعك جامد يا توتى بس اعتقد ان الجيل الصغير فيه ناس كتير حريفه اللى هما مواليد95.96.97 وهما دول اللى ممكن يكونو فريق برمبال فى المستقبل

 

 

 

كلامكو جميل جدا بس المشكلة بدات من الاول مش الوقتى بس لازم حل وباقصى سرعة وشكرا يا احمد على الكلام والموضوع الجامد دة وفى لعيبة جامدين جدا بس اللعيبة دى هتلعب فين بس
هوة فية ملعب اساسا ولا مدرب ولا الكورة اللى هيلعبو بيها هيجبوها منين اساسا هههههههههههههههههههههههههه حاجة تضحك والله واساسا التسويق دة مكانة كان غلط
المفروض الملعب يبقى فى وسط البلد مش فى اخر الدنيا يعنى الواحد لمايفكر يروح يلعب ماتش
بيفكر قبلها بيومين تلاتة علشان المشوار وبعدين تروح هناك تلاقى ناس انت مش عاوز تشوفها
فاكرة نفسها ماردونا ولا رونالدو وهما اساسا مبيفهموش حاجة والله واحنا مش هنضحك على بعض
والله لو كان فية اهتمام شوية كنا دخلنا كاس مصر واية المانع منية النصر ولا بنى عبيد احسن مننا
وبعدين بنلاقى فريق برمبال من 10 سنين هوة نفسة الفريق ولو لعيب جديد دخل الفرقة بيلعب ماتش او ربع ماتش وفى لعيبة ماتستحقش تلعب بس حكم القوى بقى بس من انهاردة مفيش
لعيبة احنا اللعيبة

 

السلام عليكم
نقاش جميل بس ينقصه الحيادية
اولا مافيش حاجة اسمها واسطة في الكرة بالذات. انا واحد من الناس لا لي واسطة و لا غيره وكنت الحمد لله اساسي في الفريق بشكل دائم.
اللي مالوش في الكرة بيبان و بيحرج نفسه.. نسيبنا من الواسطة دي خالص.
بعضكم قال فيه حريفة و لعيبة.. مين دول ؟ كل اللي ليه في الكرة هو اللي لعب في برمبال بمنتهي الامانة.
اللي انتم بتقولوا عليهم دول لما بيجوا التسويق بيترعبوا و مش بيقفوا علي رجليهم اصلا.
من الآخر و بدون زعل مش اي واحد رقص ترقيصتين او عمل كام كعب في الشارع يصلح للعب في فريق برمبال.
لو انتم بجد عندكم مصداقية قولوا مين اللي لعب و ماكان يستحق يلعب؟
و مين اللي ما لعب في الفريق و كان المفروض يلعب ؟
علي فكرة انا لعبت في فريق برمبال اساسي و انا عندي 16 سنة ( كنت في ثانية ثانوي ) و دا بعد سفر الكابتن / محمد رمضان للامارات مباشرة و انا حصلت مع الفريق علي اكتر من 8 دورات.
ا حقاقا للحق الكابتن / علاء عباس و الكابتن / محمد رمضان كانوا بيقفوا مع اي واحد جديد في الفريق لحد مايقف علي رجليه و يكون ميه ميه.
منتظر الرد بكل ود

 

السلام عليكم
ايه الشباب راحوا فين ؟
الموضوع دا جميل يا رجالة..

 

استاذ محمد فعلا مفيش لاعب مش كويس بيفرض نفسه بس انت عارف نظام التسويق
فيه لاعيبه ممتازين فى برمبال لكن مابيرحوش التسويق لانك عارف نظام التسويق عامل ازاى
المشكله انهم كلهم جامعيين والنظام مش عاجبهم

 

احمد توتى كتب:

استاذ محمد فعلا مفيش لاعب مش كويس بيفرض نفسه بس انت عارف نظام التسويق
فيه لاعيبه ممتازين فى برمبال لكن مابيرحوش التسويق لانك عارف نظام التسويق عامل ازاى
المشكله انهم كلهم جامعيين والنظام مش عاجبهم

السلام عليكم
انا فاهم انت تقصد ايه يا ابو حميد..
بس صدقني اللعيب فعلا هيلعب غصب عن اي واحد.
انا بنفسي كنت بخلي شباب يلعب في التسويق لما حسيت انهم فعلا لعيبة و كنت بحمسهم و اخليهم يبعدوا رهبة التسويق و الجو اللي هناك.
بس لازم تعرف الكرة ( الرياضة عموما ) لا مجال فيها للواسطة او المجاملات.
كان بيلعب معانا ناس قرايب ناس في النادي بس انكشفوا و ماكانوش بيشموها في الفريق.
لازم الواحد يكون عنده ثقة في نفسه.

 

موضوع كويس بس ياريت زى الاهتمام ده بلرياضه يكون فيه اهتمام بحاجات تانيه زى الرياضه

 

 

انا عايزة اعرف انت اللى مزعلك الجامعين اللى انت منهم ولا ان مافيش اهتمام خالص وبعدين انت بتقول ان ان مافيش حريفه كتير عايز اهتمام ليه بصراحه ومن غير زعل شايفه ان كلامك متناقض مع بعضه ياريت تبقى توضح انت عايز ايه بقى بالظبط ودى طبعا حريه اراء يعنى يارين التعليق دة ميتمسحش يعنى المفروض تتقبلوا الاراء حتى ان كان فيها نقد لم

 

 

شوفو النادي الوقتي واحكموا عليه
النادي الوقتي درجة رابعة

 

فى لعيبه زى/ تامر وهبه /على العربى/ وعلى جمعه /الصقراوى /وكتير بس مفيش حد بيشجع عوزين نباه ايد واحده

 

ايه الى مش عجبك فى النادى ياخ عبدالله اي ده

 

هيه الناس بتكلم وبس

 

تعا له ياعم غير النادى يا مدير / توحه واحد بس