انا جاللي انهاردة احساس اني عايزة امشي ف الشارع واصرخ بعلو صوتي واقول انا حرة

بجد انا حرة ف بلد حر وبعبر عن رايي بحرية

انا نزلت الانتخابات وعبرت عن رايي بحرية ونزلت ف الاعادة وعبرت عن رايي بحرية

اللي بيهاجموا الاسلاميين انا عايزة اسالكم سؤال ؟؟

هما الاسلاميين كانوا نيموا الناس تنويم مغناطيسي وقالولهم ادخلوا رشحوا مرشحينا ؟؟؟

اظن انكم ياللي بتنادوا بالديموقراطية فاهمين ان الديموقراطية احترام راي الاخر والاخر ده خلاص قال رايه عايزينها اسلامية

انا رشحت الاسلاميين عارفين ليه ؟؟؟

علشان انا حرة

علشان لما اروح اي مكان وانا بحجابي او بنقابي الناس تعاملني باحترام

مش اتمنع من دخول المصالح الحكومية بحجة انها الاوامر بتقول كده

مبني الاحوال المدنية بالعباسية ممنوع دخول المنتقبات الا لما ترفعي نقابك وتدخلي كده بيه مرفوع وممنوع تنزليه نهائي جوه المبني

هي دي الحرية ؟؟؟؟؟


اندية القوات المسلحة وقاعات افراحها ممنوع تدخلي بالنقاب حتي لو كنتي ام العريس ممنووووع

هي دي الحرية ؟؟؟؟


القري السياحية ف المدن السياحية ممنوع تنزلي حمام السباحة الا بالمايوه


هي دي الحرية ؟؟؟

قالولنا انتوا احرار البسوا اللي انتوا عايزينه

انتوا احرار تدينوا زي ما تحبوا

وحبسونا جوه حجابنا ف بلدنا

هي دي الحرية ؟؟؟

انا رشحت اللي حيديني حريتي صح

واللي حيحترم حريات الاخرين بشرط الا تجرحنا

فانت حر ما لم تضر

انا رشحت اللي حيخليني اودي بنتي المدرسة وانا عارفة انها حتدرس دين اسلامي ف بلد اسلامي مش حتطلع من الابتدائية متعرفش اركان الاسلام

انا رشحت اللي حيطمني ان لما اسيب ابني قدام التلفزيون مش حيشوف منظر خارج ولا يسمع كلمة خارجة والاقيه بيرددها وهو مش فاهم هو بيقول ايه

انا رشحت اللي حيطبق شرع ربنا لاني مشوفتش من شرع ربنا حاجة تخوفني او حاجة تظلمني ولا انا ولا غيري

وربنا يوللي الاصلح

ف رعاية الله
م/ن

 

ربنا يبارك فيك



الكلام الصح لا يختلف عليه اثنين

كلنا متعطشين للاسلامين لان من حقهم يأخذوا فرصتهم كامله وبعدين نبقي نحاسبهم

بس أنا بقول في أسوأ الحالات حيكونوا بأمر الله أحسن من الحزب البائد الذي دمر مصر

ونهب مصر علي مدار ثلاثون عاما .

ونتمني من الله تطبيق الشريعة الاسلامية حتي يكون لنا احترامنا وكياننا في شتي المعمورة



جزاك الله كل خير

 

وفيك بارك (أبو أدهم)

ان شاء الله احنا متفائلين بيهم خير وربنا يولى علينا من يصلح.
مشكووووور

 

جذاكى الله خيرا اختى الفاضلة
على هذا الموضوع
اقولها من كل قلبى نعم نعم للاسلامين
نعم نعم لتطبيق الشريعة الاسلامية
نعم للامن والامان والاستقرار وان شاء الله يتم هذا على يد الاسلامين
نعم للحرية والديمقراطية وان شاء الله تتم على ايدى الاسلامين
ولاتخافوا يااخوانى ويااخواتى يامن تنزعجون من كلمة تطبيق الشريعة الاسلامية
والله لو تطبقت الشريعة الاسلامية لتروا الامان السائد فى البلاد
والخير الذى يجلب بنا والاستقرار الذى نسعى عنه من زمان
اللهم ارزق مصر واهلها من يحكموها من يخافوك ويخشون عذابك

 

متولى السيد ابوشتية كتب:

جذاكى الله خيرا اختى الفاضلة
على هذا الموضوع
اقولها من كل قلبى نعم نعم للاسلامين
نعم نعم لتطبيق الشريعة الاسلامية
نعم للامن والامان والاستقرار وان شاء الله يتم هذا على يد الاسلامين
نعم للحرية والديمقراطية وان شاء الله تتم على ايدى الاسلامين
ولاتخافوا يااخوانى ويااخواتى يامن تنزعجون من كلمة تطبيق الشريعة الاسلامية
والله لو تطبقت الشريعة الاسلامية لتروا الامان السائد فى البلاد
والخير الذى يجب بنا والاستقرار الذى نسعى عنه من زمان
اللهم ارزق مصر واهلها من يحكموها من يخافوك ويخشون عذابك

جزك الله خيرا استاذ متولى. انا مش عارفه الناس خايفه من شرع ربنا ليه مش احنا جربنا الحزب الوطنى 30 سنه منجربهم وان مؤدوش واجبهم مانبقاش ننتخبهم الدوره الجايه الشعب هوا الى يقول كلمته زى ما بفضل الله أحلنا دون دخول الفلول نقدر نحول برده دون اى واحد مايرعاش مصالح شعبه ويتقى ربنا فى الناس الى بيمثلهم.

 

الخوف ليس من الإسلاميين ياأختى إنما الخف من وجهة نظرى أنا الشخصية عدم توفر طاقة الدفع والتى بدورها تقوى العزيمة نحو بناء دولة الغد المذدهر ، الخوف من خريطة مجهولة الملامح والإتجاهات و التوجهات وغياب الخطط والإفكار التى تُخرجنا من عنق الزجاجة ، الخوف من الغد الذى تجرد من استتباب الأمن والأمان بين الناس والذى كان من المفروض أن يكون على رأس الملفات التى يأمل المصريين فى إنجازها ، الخوف على لقمة العيش والرغيف فى ظل إقتصاد مصاب بشلل أطفال والطعم إلى الآن غير متوفر ، الخوف من تأخر الثمار الحلوة التى تعجب الزراع والتى بذلوا الغالى والثمين وارتوت بالدماء الطاهرة الذكية ، الخوف من عدم وضوح شكل النظام السياسى الجديد وأهدافة ومحطات وصولة ونقط إنطلاقة ، الخوف على أولادنا وأجيال جديدة قادمة من عدم توفر أمن مجتمعى وثقافة بضوابط ومعايير وعدالة إجتماعية تؤمن مستقبل مشرق للبسطاء من الناس ومحدودى الدخل ، ولو ظللت أعدد الخوف الذى بصدرى أنا سأصاب بغثيان شديد لكنى آمل أن يخطط ويدبر لنا ربنا فإنا لا نحسن التخطيط

( محمد الحداد _ الامارات _ دبى )

 

انا معاك يااستاذ محمد ان الناس خايفه من المجهول وه شىء طبيعى لان احنا مجربناش الحكم الاسلامى قبل كده طب فيها ايه لما نجرب ليه الخوف الغير مبرر وافتراض حاجات محصلتش والفزاعه من الاسلاميين والسياحه والذى منه وكلام مالوش اى معنى ربنا يهدى الجميع ويولى علينا من يصلح ياارب.