(من أشعار أحمد فؤاد نجم)


أنا مابخفش وحفضل أقول
كلمة حق عليها مسؤل
إن الريس راجل طيب وبشعبه دايماًَ مشغول
مشغول إنه يلم فلوسهم
بره سويسرا يحوشهلنا
وف حسبات سريه يشلها .....نفسه يأمن مستقبلنا



شفتوا إزاي بقه قلبه رحيم
عنده إيمان وضميره سليم
بيجوعكوا لجل تخسوا
آه يا شعب محتاج لرجيم
من جهلكوا بتقولوا بطاله
وإن الأحوال مش شغاله
دا الراجل نفسه يريحكم
هي الراحه تبقي عواله ؟؟
أما حكاية المنتجعات
ليه بتسموها معتقلات ؟؟؟؟
ليه الظن...... وسوء النيه
نفسه يفسحكوا يا بهوات
أما الكرسي واللى تقال
دا كلام مش محتاج لسؤال
الغلطه دي غلطتنا يا عالم
إن مجبناش كرسي تيفال
والله إنتوا ظالمين الراجل
ضيع عمره ومين يستاهل
حتى الأكل بيكله بدالنا
طالع واكل نازل واكل
ماله الريس بعد دا كله ؟؟؟

 

هذا الرجل طول عمره سكران وبتاع حريم
وبنته دائما عملا نفسها رجل موش امراءه
يخربيت الشاعر وبنته كمان
يريدوا خرب مصر

 

فى البداية أود أن أشكرك حاج أحمد على تواجدك الدائم بيننا .



ولكن نحن لانحاسب الأشخاص على أخلاقهم أو دياناتهم مثلا ولكن نرى نتاج أعمالهم وما تركوه من أثر فى مجتمعاتهم فمثلا مع فارق التشبيه بالطبع الصحابى الجليل أبو محجن الثقفى كان شاربا للخمر وكان سببا فى انتصار المسلمين على الفرس بعد الله سبحانه واتعالى فى معركة القادسية وتاب بعدها عن شرب الخمر .





أما بالنسبة للشاعر أحمد فؤاد نجم وأنا لا أستطيع ان اؤيدك فيما قلته لأننى لا أعرف عن حياته شيئا ولا شأن لى بها وإنما أحب ان أستمع لأشعاره وأعرف عنه أنه كان ضد النظام بأشعاره وأرائه.

ولكن فى نهاية قولى أن ادعو للجميع بالهداية.

 

إن الشعر الأصيل يحمل أسماء عديدة لشعراء تأملوا فى ظواهر الوجود شعراً وتفلسفوا فى قصائدهم ما شاءت لهم رؤاهم الفكرية عن العالم فتشعرى فى قصائد العقاد بشاعرية الشعر ومثلة من العظماء كأمثال على محمود طة وإبراهيم ناجى ونزار قبانى أما ما ذكرتى فليس شاعرا يا أختى وأختلف معكى بل إن شئتى فقولى زجال ومواقفة مخزية ولا مجال للحديث عن ذالك إننى لا ألزم برأيى أحدا فلكل متذوق للشعر الحق فى أن يتفق أو يختلف معى

 

أحمد فؤاد نجم يمتلك موهبة فاذة ولكن لا يستغلها في الخير ولا في الشر فهو عايش من أجل الكيف فقط

لو استخدم هذه الموهبة في الخير أو تقرب من الله واهتم بهذه الموهبه لأصبح من أعظم الشعراء التي أنجبتهم مصر .