السلام عليكم
سرداب النؤرة وطبعا ناس كتير متعرفش فين النؤرة بس انا هاقولكم النؤرة هي منطقة متصلة بحارات البلد القديم علي غرار قارات العالم القديم فالنؤرة تتصل باطراف حارة الطحنة وكذلك باطراف حارة الصوابر وكذلك اطراف حارة النعانعة وهي عبارة هي عبارة عن مطلع عالي ونظرا لعلوه حفروا فيه سلالم وكانت النؤرة زمان مقابر حتي انك اذا حفرت فيها من الممكن ان تجد جماجم والمنطقة الملاصقة للنؤرة منطقة مهجورة في بعض البيوت القديمة فيها وكان يقال ان في النؤرة سرداب من يستطيع الوصول الي هذا السرداب سوف يصل الي كنز كبير وهو عبارة عن سلاسل ضخمة الذهب ولكن لم يسع احدا للبحث عن هذا السرداب نظرا لان الجميع كان يعتقد ان الكنز كان يحرسه الجن الذي كان يعتقد الناس زمان انه يسكن هذه المنطقة التي طالما سمعت عنها حكايات من اجدادنا بانهم شاهدوا الجنيه وهي تمشط شعرها اعلي النؤرة

 

 

وما قولتش ليه يا أبو حمزة
إن السرداب ده واصل لغاية
التل اللي في آخر عزبة حاتم من ناحية
ومن ناحية أخري واصل لتل البراثون في ميت سلسيل

 

تعرف يا أبو حمزة

بأن فيه ناس بتأكد
إن المدينة القديمة تحت لسة
باقية بكل أبنيتها وآثارها

 

انا سمعت ان فيه ناس فى الصوابر فحروا بس موصلوش لحاجه بيقولو


المكان دة غويط جدا وعايز مبالغ جامدة علشان يقدروا يوصلو للكنز دة

 

حاجه غريبه بس اكيد خرافه من ضمن الاساطير اللى بنسمعها لاما علشان نتاكد نرسل مجموعه تقوم بحفر المنطقه [ندعوك للتسجيل في المنتدى أو التعريف بنفسك لمعاينة هذه الصورة] مش هتلاقو حاجه برده

 

السلام عليكم ياابو حمزة والله احنا عايشين عمرنا كله في هذا المكان وكان مكان لعبنا المفضل
كنا بنلعب موتوسيكلات نطلع علي اعلي السلم وننطلق لاسفله مرة واحدة مندفعين مثل الموتوسيكل وبعد كدة نقع ندخل بيت حسني الاسيوطي النجار ويجرو ورانا ويشتمونا
بس عمر الجنية مجريت ورانا ولا شتمتنا ولاحتي شفناها بل كان لما الموتوسيكل يبطل كانت تيجي تزق معانا وعادي


احمد علي خلف جنيدي
ابو بسملة

 

بس أنا سمعت إن الكنز ده
اسمه كنز الصوابر وعشان يطلع
لازم واحد يدبح ابنه هناك في المكان ده
اللي علي المطلع في أول الصوابر

 

 

ويقال ايضا ان في المنطقة القديمة دي كنز لليهود

 

[ندعوك للتسجيل في المنتدى أو التعريف بنفسك لمعاينة هذه الصورة] الله الله عليك يا ابو حمزه والله انت حكايه والله المفروض تعمل ركن لوحدك
وصدقني هيكون اعضاءه اكتر من اعضاء المنتدي
برمباليه متفائله0000

 

احنا سمعنا عن موضوع اليهود بس مش عارفين هو صحيح ولا خرافه

 

 

 

السلام عليكم

استاذي الفاضل ابو حمزه
اولا انا اسف اني زعلتك من ردي
ثانيا اهي مواضيع والكل لازم يدخل يتناقش فيها
ثالثاا اللي حضرتك بتتكلم عنه ده الملطع الكبيرهوا اللي كان مقابر لا وكان مقابر امتي من حوالي 100 سنه علي الاقل اي واحد عنده جد كبير يسئله عن الحرب اللي كانت بين كفر علام وبرمبال اللي قامت في منطقه الملطع دي لان المكان اللي قامت فيه الحرب اتعمل مقابر يعني مش كانت مقابر عامه لا دي كانت مقابر وقتك وقتك اللي ماتو في الحرب بس
وشــــكـــرآ

 

 

السلام عليكم

وصول هذا الخبر لاسرائيل يدل علي وجود جاسوس بيننا وعليننا بالبحث عنه والقبض عليه بأيدينا وليس بأيدي جهاز المخابرات العامه حتي نعاقبه نحن بأيدينا ويكون عقابه أن يدفن في النؤره مع الجنيه

 

انا عشت في برمبال القديمه 22 سنه
ومسمعتش عن السرداب ده ابدا
مع اني مشيت كتير جدا في منطقة النؤره دي
ان شاء الله انزل ونشوف الموضوع ده ايه
ههههههههههههههههههههههههههههههههههه

اعتقد انه ممكن تكون اثار للبلده القديمه او مقابر قديمه
لكن موضوع كنوز وكلام من ده لا اعتقد فيه ابدا

 

 

شكرا ابوحمزه وتحيا تى لك

فعلا ابو حمزه سمعت عن النؤره

وكا ن يوجد مقا بر ايضا قديمه

بس مشفتش لكنى سمعت من جدى رحمه الله عليه






عما د عبد العظيم حجر / الكويت

 

مرة يا حامد و انا صغيرخالص خدت حتة عزء من فوق لتحت على السلم بتاع النؤرة والناس جابو لى عصير والدنيا بقت فى الدين
جايز ده من الجنيه . ههههههههههههههههههههههههههه

 

ابعت لى ايميلك ضروري
[ندعوك للتسجيل في المنتدى أو التعريف بنفسك لمعاينة هذا الرابط]

 

 

هههههههههههههههههه
ظريف يا سمارت
انا سمعت القصة دى كتير من جدى الله يرحمه بس اكيد خرافة من خرافات البلد

 

احمد الصبري كتب:

السلام عليكم

استاذي الفاضل ابو حمزه
اولا انا اسف اني زعلتك من ردي
ثانيا اهي مواضيع والكل لازم يدخل يتناقش فيها
ثالثاا اللي حضرتك بتتكلم عنه ده الملطع الكبيرهوا اللي كان مقابر لا وكان مقابر امتي من حوالي 100 سنه علي الاقل اي واحد عنده جد كبير يسئله عن الحرب اللي كانت بين كفر علام وبرمبال اللي قامت في منطقه الملطع دي لان المكان اللي قامت فيه الحرب اتعمل مقابر يعني مش كانت مقابر عامه لا دي كانت مقابر وقتك وقتك اللي ماتو في الحرب بس
وشــــكـــرآ

ايه ده ؟؟ صحيح كان فيه حرب بين برمبال القديمة وكفر علام؟؟ ..طب بسبب ايه ؟؟ والرياض كان ايه موقفها ؟؟ كانت علي الحياد ؟؟ ههههههه
شكرا اخي ابو حمزة علي الموضوع بس انا مش اعرف النؤرة اصلا فين