السلام عليكم ورحمة الله وبركاته يا احلي فتوكات
ندخل بأه ف موضوعنا
فى احدى حواراتى مع زوجى الغالى عن العيشه واللى عايشنها

سالته طيب بالله...بالله..هنا احسن ولا لما كنت فى بيت مامتك

فضحك

قلت يا............ شكلى هتكبس كبسه مووووووووووووت


الفار لعب بقا...............قولتله ها هنا احسن ولا هناك


علشان يخرج من الكمين قالى هنا شقتى بتاعتى هناك بيتنا كلنا


شوفتو المكر بتاعه .....


المهم قالى هنا حاجه وهناك حاجه بس منكرش ان هناك كان فيه مميزات مش لاقيها


طبعا ده كله فى اطار الهزار والضحك


قلتله ايه بقا ان شاء الله


قالى مممم بصى

عمرى مادخلت مطبخنا لاقيت فيه كوبايه فى الحوض..ماما كانت تلم الفوارغ وتغسلها اول باول

مش زى نااااااااااااااااااااااااس تلم الغدا ويتغسل بعد العشاااااااااااااا

قلتله المهم بغسله

قالى ماانا ساعات بدخل المطبخ لما بلاقيهم بحس بالفرق

قلتله ها وبعدين

قالى لبسى بتاع الشغل كان اللى يتغسل يتكوى ويترص فى الدولاب بلاقى لبسى مكوى وكتير وانا اختار اللى عاوزه مش قبلها بيوم الساعه واحده

الصبح اقول قومى اكويلى دول

قلتله المهم بتلبسه مكوى ونضيف

قالى ما انا لما بفتح الدولاب الاقيه فاضى وكله هدومى مطبقه لكن محتاجه كوى بحس بالفرق

قلتله ها وبعدين

قالى انا معاد شغلى ورجوعى منه ثابت الساعه 3 بالكتير اوى 3 وربع

عمرى مارجعت لاقيت ماما واقفه لسه فى المطبخ بتعمل التشاطيب النهائيه كده فى الغدا لا كنت دايما الاقيها قاعده مستنيانى وحمد الله ع السلامه وتقوم غرف الاكل بس

قلتله المهم بتاكل (وانا شايطه بقا)

قالى ماانا لما ادخل الاقى عيون البوتاجاز كلها مولعه وانتى ملخومه وسط الحلل والاطباق مش عارفه تردى السلام بحس بالفرق

قلتله ها وبعدين

عند ماما انا اهم من التلفزيون يعنى مفتكرش دخلت عملت كوبايه شاى بدل ماما علشان هى مشغوله ببرنامج والا بموضوع شاغلها

قلتله المهم بتشرب شاى مش مهم مين اللى عمله

قالى ما انا لما بقوم بيصعب على نفسى فبحس بالفرق

قلتله ها وبعدين


صلح موقفه وقالى بس لما بقعد مع نفسى وافتكر العزوبيه وايام الوحده بحس بالفرق

قلتله وانا من كلامك فعلا حسيت بالفرق


مع انى كنت شايفه نفسى عروسه جديده وست بيت شاطره لكن برضه النقط دى حطيتها فى بالى

ومزعلتش من الحوار ده بالعكس انا فرحت ان فيه بينا لغه حوار جميله كده


الموضوع منقول بس عجبتني طريقة الحوار بين الزوجين *حلم الزوجة وصبرها حتى تعرف أين خطأها..(وأنها لم تفعل مثل بعض الزوجات وتقلب اليوم نكد..)
*وعقل الزوج وطريقة نصحه لزوجته من بعيد لبعيد بطريقة غير منفرة..
وف النهاية طبعا مش طالبة منكم غير الدعاء
وجزاكم الله خير
والسلام عليكم ورحمة الله وبركاته

 

 

شكرا ياقمر ع اهتمامك بالموضوع بس دا موضوع يخص المراءة والمفروض يبقى موجود ف قسم المراء

 

موضوع جميل ممكن اى ست تستفيد منه بس ربنا يصبر الزوج على كل الاهمال ده نايس موضوع جزاكى الله خيرا اختك ملاك بلا اجنحة

 

بصراحة انسالت زوجى مرة اكلى ولا اكل امك قال ما تقرنيش نفسك باامى
لو قيدنا صوابعنا شمع امه افضل

 

[ندعوك للتسجيل في المنتدى أو التعريف بنفسك لمعاينة هذه الصورة]