أنا لما بسمعك يا ابنودى .قلبى بيرفرف
ولما بيغنى كلامك على الحجار.روحى بتهفهف
جربت اكتب زيك كلام .ومش قادر
بحس ان مهما هقول مش هوصف
انت اللى قولت زمان .تحت الشجر يا وهيبة يا ما كلنا برتقان
واليوم بتشعر باحلى كلام .وصرخة سجين متهان
وانا نفسى اكون زيك.قبل الشعر انسان
بكتب كلام معقول.بسهولة يمس العقول
كتبت يوم ف الثورة .ارحل يا اوحش غول
وقفت فى الميادين .انادى بالحرية
قاومت كتير الظلم .وجهل م البشرية
ف وقت كانوا الخلق .بيعانوا م الداخلية
كانوا زمايلى يقولوا .سيبك م القصص دية
لا فية حق ولاعدل ولا فول ولا طعمية
شوف مصالحك يابة .واشترى ارضية
جمعوا فلوس م الغربة .وعلوا وكبروا علية
وفضلت وحدى احارب .نظام بيفسد العقلية
وياما قولت يا خلق .الرؤسا مش انبيا
دولة بشر زينا .مش علما ولا اولية
كانوا يقولوا ارحمنا .احنا ف زمن القرش
حكومتنا ياعم رشيدة .ورموزها رموز مجيدة
ونظافة ايدهم اكيدة.ولا فيهم حد بكرش
مرت سنين وسنين .وادينا اهة عايشين
قابلونى ف شوارع .قابلونى ف جوامع
وفكرتهم بالماضى .ضحكوا وقالوا دا فاضى
ياعم بلاثورة .بلا لقمة القاضى
سخطوا على الثورة .وشبابها باة عورة
كل اما تيجى تدافع يقولوا الرز بكام
العيب يا خوية مش عيبنا .ياعم بأة سيبنا
دة مفيش جنية ف جيبنا
وارفنا وتعبنا.م الفقر والحرمان
يا ثورة حلمناها .وحلمنا بقدومها
ازاى تخلى الناس .بتشق ف هدومها
ملكيش يا ثورة ذنب .احنا اللى مساولين
سلمنا روحنا لحد.تاية مع التايهين
وسقانة تانى المر .وسوء العذاب بيسومنا
يا ثورة خليكى .اخد القرار باديكى
وارجوكى يا ثورة .ميلعبوش بيكى
.........................................................................سامح الليثى