يا واد يا جابر مت ليه؟
بتحب مصر؟
طب قول لى خدت منها إيه؟
ريحة وطن؟
ريحة عطن؟

و توب قماش ينفع كفن؟
قول لى يا واد
أروح أقول للحاجة إيه؟
الواد جدع
لكن يا ناس مضحوك عليه
و أقول لها
أنا و الشباب زى إبنها
لكن محدش مننا
بالليل هيسكن حضنها
تلعب فى شعره تهننه
و تشوف نهارها ف نور عينيه
يا واد يا جابر ليه كده؟
أمك يا واد متأكده
إنك بخير..
و إنك زمانك جاى تسأل ع العَشا
بعد العِشا
و بعد حبة دردشة
تدخل تنام
طب بس قول إزاى يا واد أشرحلها
إنه خلاص خلص الكلام؟
أقول لها إرتاح و نام؟؟؟

 

الثورة لسة مجتش
ولا ابتداش المانش
الثورة جاية اكيد
ع المعروفين بالهبش

انت بصحيح امنا

دمك بيجري في دمنا
شايلة في قلبك همنا
همك حياتنا وعمرنا
والا انت حضنك مش لنا


الموت في كل مكان
خلاص معتش امان
الخلق هتروح فين
عايشيين بلا عنوان



الدنيا من حزنها
نكست اللاعلام
باكية علي ولدها
ليلها ما جاله منام

امتي يا ناس هنفوق
البوظة تحت وفوق
واللي بيمشي عدل
جسمه مفيهش عروق

 

احنا قومنا بااحلى ثورة بس اذاى مصر ترفع راسها