و الله العظيم مش هخرج من الموضوع الا لما أرد و أقول أنا أي واحد من الموجودين في المنتدي
دا قسم اتحاسب عليه أمام الله حتي لو مافيش اعضاء شايفني , لكن خالق الاعضاء شايفني ...

بعد قسمك دا يا جميل عايز اعرف انت مين في دول ..

1- أنا عضو بدخل المنتدي علشان أشوف مين اللي مات و مين اللي اتجوز و بس و لا يهمني المنتدي في حاجه بعد كدا

2- أنا عضو مثقف و بحب الاقي موضوع مهم للنقاش الجاد و مش مهم مين اللي كاتبه

3- أنا عضو تعبان في مخي و عايز اشوف خناقة ما بين الاعضاء او بين عضو و الادارة

4- أنا عضو عايز اشارك بس خايف , يمكن واحد يرد عليّ رد مش ظريف او يقول كلمة تجرحني و أنا بصراحة مش بحب ادخل في مهاترات مع حد

5- أنا بحب ادخل علشان ارد علي مواضيع معينه و لاعضاء معينه فقط

6- أنا نفسي اقدم افكار جديدة بس حسيت ان الادارة مش هتهتم بيّ و لا بأفكاري

7- أنا عضو بتاع هلس و عايز الاقي موضوع عن النكت او صور او اي حاجه في الخفيف كدا و السلام

هجدد قَسَمي تاني و هقول انا مين من غير خوف و لا احراج ..

 

9 شافوا الموضوع و طلعوا جبانات كالعادة ( الساعة 10 صباحا )

 

1

 

الساعة 10:37 صباحا و مافيش الا محترم واحد رد بمنتهي الشجاعة


moyomoyo
----------------

انت محترم و اتمني تفاعلك مع باقي الاقسام و المواضيع
اكيد هتلاقي حاجه فيها تشدك

 

أنا عضو مثقف و بحب الاقي مواضيع مطروحة للنقاش الجاد أو للإستفادة منها و مش هتفرق مين الكاتب أهم شىء أطلع منه بشىء مفيد كمان لابد من الاخوة والاخوات يتفاعلوا اكتر ويكون فى نقض أو تعديل متلا للموضوع عشان يهتم الكاتب بمضمون اللى يكتبه او طريقة نقله او حتى فى رده على المواضيع ودى اكبر مشكله بصراحه بواجهها فى المنتدى فى الفترة الاخيرة وبتخليك تفكر الف مرة قبل ماتطرح موضوع ماتلاقى تفاعل او حد يهتم او ينقض كله اصبح عابر سبيل مشاهدة بس ومافى حد يكلف خاطره ويرد لو بكلمة .
مشكور أبو أحمد على إجتهادك وعزيمتك القوية وبجد نفسى يتغير الوضع للأفضل إن شاء الله لكن إيد لوحدها ماتصفق

... تقبل مرورى ...

 

ابو احمد خالد الصراحة راحة موضوع جرىء جدا

 

ام خالد كتب:

ابو احمد خالد الصراحة راحة موضوع جرىء جدا

 

الساعة ٢:٠٢ بعد الضهر و مر على الموضوع ٦٩ عضو

المحترم / محمد أيوب
--------------------

العزيمة موجودة و يكفينى وجود شخص محترم زيك فى الموضوع و لا عزاء للأصنام

الرائعة / أم خالد
-----------------

جرأة موضوعى يجب أن تُقابَل بجرأة موضوعية من الاعضاء

الملاك الهادئ / ملاك
--------------------

موضوعى دا مرآة لكل عضو بيمر عليه كتير منهم هيلاقى نفسه مليان ( ديفوهات ) .. يا ترى هيحاول يظبط صورته ؟

 

أنـــــــــــا

أبو أحمد و خالد كتب:

و الله العظيم واحد من الموجودين في المنتدي
دا قسم اتحاسب عليه أمام الله حتي لو مافيش اعضاء شايفني , لكن خالق الاعضاء شايفني ...

2- أنا عضو مثقف و بحب الاقي موضوع مهم للنقاش الجاد و مش مهم مين اللي كاتبه

6- أنا نفسي اقدم افكار جديدة بس حسيت ان الادارة مش هتهتم بيّ و لا بأفكاري

.

بالنسبة لرقم 6 وبم اني من الإدارة فــ طبعاً بقدم الفكرة
ووجهتي الحقيقية الأعضاء وليس الإدارة ، عن نفس أعلنها أنني لا أكتب للإدارة ولكن
للعضو ، إذن عدم تواجدي وتقديمي الجديد نظراً لعدم إهتمام الأعضاء وليس
الإدارة .. عارفة كتير هيفسر ردي علي أنه دفاع ، ولكنه ليس كذلك
سؤالي لحضرتك أخي الفاضل .. أنت مين في دول ؟

فكرة موضوعك ممتازة جداً وتستحق التثبيت

 

ويعنى مش ممكن يبقى فيه كوكتيل مثلا
يعنى احب ارى مواضيع جادة وفيها فكر واضافة جديدة
واحب اعرف اخبار البلد من افراح ومآتم واى اخبار جديدة
وبرضه احب ادخل على المواضيع الخفيفة اقراها و الابتسامة ايضا لا مانع
ونفسى الاقى افكار جديدة واعملها
ممكن اختار ايه بقى؟

 

الساعة ٣:١٦ بعد الضهر و اللى مروا على الموضوع ٩٠ عضو

الاستاذة / فاطمة و الماركة المسجلة للمنتدى / عبودة
-----------------------------------------------------
أنا العضو اللى عبودة ذكره فى رده ... يعنى العضو اللى كلنا نتمناه ، مشارك فى كل او اغلب فاعليات المنتدى

لكما تحياتى

 

 

الساعة ٤:٣٢ عصراً و اللى مروا ١١٢

الملاك الهادئ / ملاك
-------------------

اشكرك على الاطراء المحترم و يا رب اكون دايماً عند حسن الظن

ناديت بيكى و بغيرك من الاعضاء المتميزين و راهنت عليكم لكن صوتى لم يجد صدى

تقبلى من التحايا ابهاها و من المودة ازهاها

 

أخى الفاضل واضع الموضوع أعجبتنى الفكرة كثيرا ولكن عندى ملاحظة على الأداء وليس نقدا فلك كل التقدير على مجهودك الرائع
فلا تدرى أن كل من مر على الموضوع ولم يرد أو يساهم أنه خائف أو سلبى أو متخاذل فيوصف بالصنم فربما منعته ظروف عمله المتسرعة ترك الموقع مسرعا والنت عموما
فأحدثك عن نفسى بالأخص تعتبر مشاركتى بهذا الموضوع من المشاركات المعدودة على الأصابع لأنى سبحان الله ما دخلت الموقع إلا وأتى لى ما يشغلنى عن التكملة والمطالعة للمواضيع .
فهديتى لك أخى المحترم إفترض دائما حسن النية .
وتقبل مرورى وتحياتى [ندعوك للتسجيل في المنتدى أو التعريف بنفسك لمعاينة هذه الصورة]

 

الاستاذ / محمد غربة
--------------------

شرفتنا يا جميل

بس مش شايف انها غريبه اوى انك تكون مُسجل من ٥ سبتمبر ٢٠٠٩ و ليك مشاركتين اتنين بس ؟

على العموم كان الله فى العون و كلامك على عينى و راسى و نورتنا يا جميل و ماتحرمناش من تواجدك باستمرار

 

طب اراهن ان عضو يدخل يقول على نفسه رقم 3 أو 7
صراحة لا أستطيع الحكم على نفسي وان اخترت سأختار الأسوء ،الآخرين هم فقط من يستطيعوا تقييمي ....
موضوع مميز كالعادة يا أبو احمد ويشغل الرأي العام

 

للعلم انا مشفتش الموضوع الا الوقتى يعنى تاخيرى مش جبن وبصراحه مش عارفه اختار رقم فى حاجه مش مفهومه فى صياغه النقط تلاقى النقطه نهايتها مناسبه والبدايه تمنعنى من اختيارها يعنى مثلا انا بحب اشارك الناس افراحها واحزانها وكمان اقرا المواضيع المهمه الى هتفدنى واحب ادخل للمواضيع فيها ابتسامه وضحك وترويح عن النفس شكراا لحضرتك

بصراحه موضوع جديد وفكرة حلو ولو حضرتك افترضت ان فى اعضاء مش عارفه تدخل دايما وتعلق على مواضيع محتاجه كتابه ووقت هتلاقى الحل مثال دالوقتى رديت برحتى لانى عندى وقت
جزاك الله خيرااا

 

أم عبد الرحمن
-----------------

منوره الموضوع و المنتدي بحاله

فيه اعضاء تقييمهم معروف لانهم بجد مسار اعجاب الجميع حتي لو كان ذلك مسار غيرة
و حقد البعض الاخر .. انتي من النوع دا

المعضلة مش في مين هيختار 3 او 7 لكن المعضلة ان اصلا مافيش حد عارف هو ايه في المنتدي ...

مؤمنة
-------

عضو متكامل و دا اللي تقصديه .. يا ريت الكل زيك

شرفتينا يا مؤمنة و ماتحرمناش من وجودك المحترم و الفعّال

 

 

عاشقة الرحمن
---------------

المنتدى بيحترمك لانك مثال محترم للعضو الفعّال

العضو يكون متنوع ... انا بقول لازم يكون متنوع

و دا اللى احنا نتمناه

 

سلام الله عليكم ورحمة الله وبركاته
عرضت الأخت الفاضلة شذي وجهة نظرها
تم الرد عليها من الأخ الفاضل أبو أحمد
كان ما كان كــ فعل ورد فعل ، الرجاء من الطرفين الإلتزام
في الحوار وعدم التعدي ، والا نصل إلي النقطة الفاصلة فى الأمر
اخوانى الأعزاء ، دعونا نختلف ونتناقش ولكن مع الحفاظ علي مفردات
الحوار ، فلا داعي أبداً لعرض أو رد فيه إساءة ، خاصة وأن الطرفين
مختلفي الجنس ، فلا يصح ولا يليق الخروج عن حدود معينة في الحوار
بين سيدة ورجل ، ويزيد حتمية الإلتزام الصلات والطبيعة والعادات القروية
أرجو من الجميع الإلتزام وإلا أضطر آسفة لحذف المشاركات .
تحياتي وإحترامي للجميع .

 

عذراً .. تم الحذف لجميع المشاركات الغير لائقة
ومعه يتم غلق الموضوع ..