تذكير بمساهمة فاتح الموضوع :

حد فيكم فاكر تراث بلدنا تعالو نعرف الجيال الجديدة على حجات وذكريا لا يعرفها الا احنا بس انا وانت


ومن يكون انا وانت نحن الجيل القديم ونفتخر اننا الجيل القديم   




           






تعرفو في ذكريات جميله لان انساها ابدا


حد فاكر مولد ليلة ابو عوف  لما كنا بنتجمع بعد الصلاة


نركب العربيات وتفضل تلف في البلد انا بعترف انه جهل 


ولكنها ذكريات جميله  حد فاكر زمان مذيع المكروفون الى كان يقول (جاد التميمي جااد وحسين السادات على اتم الاستعدادات ) حد فاكر)
حد فاكر لما كان الاقمر يتخنق الناس كلها تطلع البصفايح وتقول(ياسيدنا يا عمر فك خنقة الاقمر ***ياسيدنا يا بلال فك خنقة الهلال )انا بعترف انه جهل وكنها ذكريات  حد فاكر البحر والكوبرى الخشب الي فاصل برمبال عن الرياض الله عليكي يا بلدي وعلى ذكرياتك ربنا يوحد صفوفك وجمعنا تاني عيله وحده

 

سيدداود كتب:

التائبة
شكرا شكرا على العزومة .. إعتبريها وصلت فمن يزورنى
يعرف ما أحبه صنية الصيادية ( السمك القراميط ) فى الفرن البلدى
والمعمًر والعيش أبو لبن والمرحرح ، أكرر شكرى .

الارز المعمر

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]


شوف بقى يا استاذ سيد مش حرمينك من حاجه

 

علشان نحبس
 [ندعوك للتسجيل في المنتدى أو التعريف بنفسك لمعاينة هذه الصورة]

 

التائبة
كده بقى إنتى ما قصرتى بس لسه باقى السمك الصحًف
فى الفرن البلدى لزوم الغذاء .. شكرا على كل حال
ودمتم

 

انا بقى فاكرة كل الذكريات الجميلة دى ليلة ابو عوف والكوبرى الخشب  ور وايح رمضان  والاكل بتاع ابو عوف الصوانى الا كانت الا هالى بتعملها واللعب كان ولا  يوم العيد والهدايا الا بتتبادل بين الاهالى الا جايب حلويات من المولد يقوم الصبح يوزع على اخواته الله  الله الله على الذكر يات والايام الحلوة

 

[ندعوك للتسجيل في المنتدى أو التعريف بنفسك لمعاينة هذه الصورة]
اتفضل يااستاذ سيد معلهش اتاخرنا شويه      تحياتى

 

أبو خالد وحازم
لاحرمنا الله منكم يا أبو الكرم ..
شكرا ومع أطيب تمنياتى .

 

عيون كتب:

انا بقى فاكرة كل الذكريات الجميلة دى ليلة ابو عوف والكوبرى الخشب  ور وايح رمضان  والاكل بتاع ابو عوف الصوانى الا كانت الا هالى بتعملها واللعب كان ولا  يوم العيد والهدايا الا بتتبادل بين الاهالى الا جايب حلويات من المولد يقوم الصبح يوزع على اخواته الله  الله الله على الذكر يات والايام الحلوة

اهلا بيكى يا عيون معانا

ويلا فكرينا بحاجات جديده

 

ايه ده بقى يا ابو خالد طب فين المخلل والبصله النشفه

 

امال ملاك متخفيه فين

 

[ندعوك للتسجيل في المنتدى أو التعريف بنفسك لمعاينة هذه الصورة]

 

التائبه كتب:

ايه ده بقى يا ابو خالد طب فين المخلل والبصله النشفه

اتفضلى
[ندعوك للتسجيل في المنتدى أو التعريف بنفسك لمعاينة هذه الصورة]

 

شكرا ليك يا ابو خالد هو ده الطلب بالضبط

 

ياجماعة الخير إنتو هرتونا صور !! أنتو دمايطة ولا إيه ؟
دا من باب الفرفشة بس !! شكرا وتحياتى

 

سيدداود كتب:

ياجماعة الخير إنتو هرتونا صور !! أنتو دمايطة ولا إيه ؟
دا من باب الفرفشة بس !! شكرا وتحياتى

احنا بقى تبع المنوفيه

تتعشى ولا تنام خفيف


وهيه الصور منظرها يشبع برده

 

خلاص كده شبعنا كتر خيركم وشكرا

 

[ندعوك للتسجيل في المنتدى أو التعريف بنفسك لمعاينة هذه الصورة]
اتفضلو العشا من عند الشرقاوى   افتكر الجمايل دى ياشرقاوى

 

ايه الحلاوه ديه بس يا ابو خالد وياريت الصوره تكون ادامى دلوقتى كنت مسحتها

بس نسيت المش اهم حاجه

وعلى العموم الف مبروك للشرقاوى

 

الإخوة والأخوات .
مر العيد سريعا ولم يكتب أحد عن تراث
بلدنا فى العيد الكبير ، لعل المانع خير ؟
هل مازالت المراجيح موجودة ؟
هل مازال المدفع المحمل بطارات حديدية
الذى ندفعه للعالى موجود ؟.
هل مازال النيشان بالبندقية موجود ؟
هل ماذال الود بين الجيران موجود ؟!!
لكم جميعا تحياتى .

 

أ\سيد كل عام وانت بخير
مازال العيد كما هو المراجيح موجوده
 وما زال نيشان البندقيه موجود
اما المدفع فاصبح من التراث
والود ما زال موجودا فى العيد بين الاهل

 

الأخ علاء الشربينى ..
طمنتى أن الود والحب مازالا موجودان ، أما المدفع
مش مهم ، بالمناسبة أنا إنكتبلى عمر جديد
بينما كنت أركب المرجيحة وأنا طفل وكنت خفيف
زى الريشة وسخنت على المرجيحة وكنا نتبارى
من يطلع أعلى من التانى ، وإرتفعت لأعلى
وأفاجئ بأن المرجيحة لفتى بى ولولا أننى
كنت أمسك جامد لطرت فى الهوا .. متخيل
منظرى وأنا فوق متشقلب راسى تحت ورجلى فوق
الحمد لله مازلت أعيش . لك تحياتى وأرجو
أن يكون إبنك بخير .

 

اعزائي الافاضل موضوعكم شيق يحرك في نفوسنا ذكريات لذيذة تعد في حقيقتها كخيال علمي بالنسبة لابنائنا والاجيال الحالية فقد تذكرت رمضان وروحانياته والصلاة في المصلاة بجوار الكوبري الخشب واتذكر المؤذن بها وهويكبر للصلاه وكم كان اذانه جميل لا اري له مثيل وكم كان لصلاة الفجر طعم جميل .كما اتذكر بلدتي قبل دخول الكهرباء وعند بداية الفحت لاقامة عماويد الكهرباء فكنا ببراءة الاطفال نغطي هذه الفحر بالغاب والحطب والقش ونضحك عندما يقع احد الماره في هذا الفخ ونلوذ بالفرار وايضا كنا نجهز المقابر والعديد منها للعصافير التي ستموت عند بداية التجربة بسريان الكهرباء في اسلاك الانارة هل شاركنا الكثير هذا الشعور الجميل والطفوله النقيه

 

عزيزى زكريا
لم أكن أعرف أنك شقيا وبتاع مقالب
ربنا يديك الصحة ، فى حارة الدوايدة ونحن عيال
كنا نربط حبل بين الشباكين فى الشارع
وعندما يمر راكبى الحمير العائدين من
الغيط بعد المغرب والدنيا ضلمة يحجبهم
الحبل ويقعون من على الحمير ونحن
ولا عملنا حاجة .. بصرة يا زيكو .. تحياتى .

 

[ندعوك للتسجيل في المنتدى أو التعريف بنفسك لمعاينة هذه الصورة]
ده موش تراث بلدنا وبس ده تراث ناس كتير

 

[ندعوك للتسجيل في المنتدى أو التعريف بنفسك لمعاينة هذه الصورة]

 

التائبة




































التائية :
شكرا ومصر دائما مصونة ومحروسة
ولا تحزنى ولا تخافى فمصر أم الدنيا وحتبقى أد الدنيا
ولك تحياتى .