لما طلعت السلالم و وصلت للسطح قابلنى حسن مساعد البنّا و زى الرهوان قال : مافيش شوية شاى ؟!
جاوبته برهوان أسرع من رهوانه : اشتغل الاول يا حسن تك داء فى جتتك
نزلت بعد شويه اشوف مصالحى و رجعت بعد تقريبا ساعتين لقيت اخواتى الاتنين بيشتغلوا عند حسن مساعد البنّا
لقيته واقف جنب البنّا و بيطلب من اخويا كوريك مونه و من اخويا التانى المسطرين
طبعا حبّ يعلّم علىّ انا كمان و قال لى : كوباية ميّه يا حمام
كان ردى سريع زى الاكس : مش عايز حد يش.....ك يا حسن ؟!!!!
لقيته ضحك و قال و فيها ايه يا جدع
سيبته و نزلت و جه وقت الحساب و حاسبنا البنّا و لقيت حسن بيطلب الدخان
نفخت فى وشه دخان غيظى و من النهارده مافيش دخان يا حسن
..........،
محمد الشرقاوى