الحاجة اللى حقولها دى مشفتهاش بعينى بس دى حصلتلى شخصيا لما وقع عليا اعتداء بمطواة قرن غزال وفين؟فى التسويق. المكان اللى المفروض نمارس فيه الرياضة.أصبح مكان للعنف والبلطجة_
المهم لما طلبت شهادة الموجودين كلهم رفضوا..وقالولى بلاش احراج.
أنا مكنتش عاوز منهم غير شهادة حق_لله_مش ليا ولا عليا؟
قولولى رأيكم كاتم الشهادة ده عقابه عند ربنا ايه؟
وهل يجوز إننا نحترم كاتم الشهادة ده؟
ياريت كل واحد يقول ويتكلم وأنا منتظركم

 

والله ياابو خالد حال البلد اصبح سئ جدا
ولكنى لم اتوقع انه يوصل لهذه الدرجه
كون انك يعتدى عليط بمطواه وكمان فين فى التسويق
للدرجه دى وصل بنا الحال
والاسوء من ذلك انك بتقول ان الجماعه اللى حضروا الواقعه رفضوا يدلوا بشهادتهم
طب ليه رفضوا ممكن يقولولنا ولا يبرروا موقفهم من كده
ياجماعه عايزين نكون ايجابيين شويه عن كده
لازم الغلطان ياخذ جزاته والا هيكرر نفس غلطته تانى
والمره الجايه بتكون ابشع من اللى قبلها

 

ياشباب المره دى حصلت مع ابو خالد والحمد لله جت سليمه
ومحصلش حاجه لابو خالد والحمد لله
بس المره الجايه هتكون مع عيل من عيالنا وممكن يحصل
الاسوء من كده وساعتها برده ممكن منلقيش اللى يشهد شهادة حق
عشان السلبيه اللى مأثره فينا

 

الف حمد الله على السلامه ياابو خالد
والحمد لله ان هى جت على قد كده
وقدر الله وماشاء فعل
بس لازم حضرتك متسكتش ولازم الغلطان ياخد جزاته
عشان يتعلم وميكررش غلطه تانى

 

شوف يا عم إبراهيم
أنت بتسأل هما ليه مردوش يشهدوا معايا؟
شوفت المقولة اللى بتقول عذر أقبح من ذنب
بيبرروا سلبيتهم دى وبيقولوا متحرجناش
أنا عاوز أعرف هى الشهادة دى لمين؟
الشهادة دى كانت لله
وإحنا عارفين إن كاتم الشهادة أثم قلبه
السؤال المهم هنا
هل من المفروض إنننا نفضل نحترم الناس دى؟
وازاى نتعامل مع كاتم الشهادة اللى بيضيع حقوق الناس؟

 

معلش يعنى هو ايه الاحراج فى ده
ده سلوك مش كويس ولازم كلنا نقف ضد اللى عمل كده
انما اننا نتسم بالسلبيه دى كده دايما
يبقى عليه العوض فينا واستحاله نتقدم وهنفضل زى ماحنا

 

مشكله الناس يابوخالد ويابراهيم انهم بيخافوا على زعل بعض
ومش بيخافوا من ربنا ودا كتم للشهاده
ودى سلبيه من سلبيات كتيره لزم تتغير فى البلد

 

دورنا نوعى الناس ونخرجهم من سلبيتهم دى

 

الحاجه اللي شوفتها النهارده وعجبتني قووووي
هيه ان المنتدي ده قدر يجمع بين الشباب والكبار وده شيء كويس جدااااااااا

 

 

والله في عادات جديده دخلت علينا ومبقناش نتمسك ببرمليتنا الاصيله والقيم والاخلاق اللى اتزرعت في اهالينا بقت صعبه نلاقيها دلوقتي [ندعوك للتسجيل في المنتدى أو التعريف بنفسك لمعاينة هذه الصورة]

 

والله انا عاوز أقول إن من أعمالكم سلط عليكم
فوالله لو عرفنا قيمة ديننا وأحببنا ربنا لأنعم علينا وقال الله
لو أن أهل القرى آمنوا وأتقوا لفتحنا عليهم بركات من السماء
هذا هو رأيى
والله أعلى وأعلم
إحنا عاوزين نقول إن الكلام مش مهم نتكلم فيه عاوزين نعمل حاجه بجد
نبدأ نشتغل بجد
وحمد الله بالسلامه يا ابو خالد

 

طبعا يانبيل احنا معاك ان الكلام ملوش لازمه اهم حاجه الفعل والعمل

وهو ده دورنا اننا بنحاول نخرج الناس من سلبياتهم ومره فى مره
الكلام هيتحول الى فعل باذن الله

 

ياريت ياشباب كل الاعضاء المتواجدين فى البلده
يشاركوا معانا فى الفكره دى
واللى يشوف موقف معين سواء حلو او وحش
يعرضوا علينا وتعالوا نتناقش فيه مع بعض

 

السلام عليكم
كعادتك دائما يا هيما قائد بارع للمواضيع الجميلة و الهادفة في آن واحد..
عندي اقتراح بسيط و هو ان بدل طرْح المواقف الايجابية او السلبية اننا نقوم بطرْح لمعني معين و سبل تغيير سلوكياتنا منه.
مثلا زي موقف الاستاذ / محسن ( اللي اول مرة اعرفه اليوم ) دي سلبية و بتبان في مواقف كتير جدا..
يبقي ايه هي الدوافع لتغييرها ؟
زي ما قال نبيل الحل نرجع لكتاب الله , و محمد نصر قال نتمسك بقيمنا و هيما قال الجدية و الحيادية و دايما نراعي الله.
و علي فكرة زي ما قال هيما برده..
لو فضلنا نكتم في شهادتنا كدا في موقف الاستاذ / محسن اكيد هيجي اليوم اللي برده هنلاقي واحد من الناس يكتم شهادته عننا.

 

هو ده يامحمد اللى احنا عاوزين نعمله باذن الله
وياريت الكل يشارك معانا فى الموضوع ده
والكل يعطى ارائه وحلوله

 

السلام عليكم
انا هاحكي ياشباب عن موقف حصل ادامي زعلني قوي نظرا لاني اعيش بالصين وهي مساحتها شاسعة فالانتقال بين المدن عادة يكون بالطائرات ففي احدي الرحلات الداخلية كنت اجلس في منطقة بالطائرة كان معظمها من الاجانب ونحن في الجو فوجئت بشباب عرب يشغلون اغنية لشيرين علي الموبايل وبصوت عالي مع العلم ان تشغيل الموبايل في الطائرة يعرض سلامة الجميع للخطر وهذا مايطالب به الكابتن قبل الاقلاع وهو غلق الموبايلات وعندما سمع المضيف الصوت جاء علي الفور وتحدث باللغة الانجليزية مع الراكب وقال له اغلق الموبايل فقال له الراكب العربي بحده لماذا ترفع صوتك فاعاد عليه المضيف اغلق الموبايل فقال له العربي اذا تتخيل انك تستطيع ان ترفع صوتك انا كمان استطيع ونسي ان هذا من حق المضيف حرصا علي سلامة الركاب واضطر المضيف للانسحاب حرصا علي عدم تصاعد الموقف وصمم الراكب العربي علي سماع الاغنية حتي اخرها وكله تحدي وفخر وزهو بنفسه انه فعل مايشاء ولقد رايت اعين الاجانب في هذه المنطقة وجدت السخط كل السخط علي هذا التصرف وهذا الاسلوب وما احزنني ايضا ان هذا الراكب لايستطيع فعل هذه الفعلة علي طيران بلاده

 

بكل اسف ياابو حمزة انا مايقوم بمثل هذه
المواقف يكون من العرب
فبدلا من ان نكون قدوة للغرب فى اخلاقنا
ومعاملتنا لكوننا مسلمين
اصبحا منبوذين بسبب تصرفات الاقليه مننا
ونسى كل شخص خارج بلده انه عباره عن مرآه
لاخلاق الباقيين من مجتمعه
وياربت وده الاهم اللى يشوف موقف زى ده قدام عنيه
يحاول ينصح الشخص ده بطريقه كويسه عشان نمنع مثل
هذه التصرفات .

 

اعجبتني فكره انشاء هذا المنتدي والذي اتمني ان يكون اضافه جيده لابناء بلدنا

 

موقف الاستاذ ابو حمزه ده مستفز جدا بصراحه
وجدت السخط كل السخط علي هذا التصرف وهذا الاسلوب وما احزنني ايضا ان هذا الراكب لايستطيع فعل هذه الفعلة علي طيران بلاده

ليهم حق ينظروا النظره دى

 

السلام عليكم ورحمة الله وبركاته،،،
حمداً لله على سلامتك يا ابوخالد وأقول للمعتدي عليك ربنا يهديه ، وأحب أقول للأخوة الذين إمتنعوا عن الشهادة لماذا؟؟ إنه الخوف من المعتدي لابد من وجود الشهامة والمروءة ناهيك أنهم كان المفترض بهم أن يدافعوا عنك في الموقف نفسه ويمسكوا على يديه ويوبخوه...وجت سليمه خد بالك المرة الجاية !!

 

السلام عليكم تقبلو مرورى قصه قد ايه غيها كبر وغرور انا خارج مع اصحابى وطلعنا كلنا على البحر نتعشا واحنا رجعين قبلنا سياره شرطى واحنا فى السياره منزلناش هو ال جه عندنا وطلب البطاقه كلنا عطناه البطاقه وصحبى ال كان قاعد فى الكرسى ال فى الخلف بيعطيله البطاقه وهو ماسك السيجاره فى الايد ال بعطيله بيها البطاقه فطلب الشرطى وقاله انت مصرى صاحبى قاله نعم الشرطى قاله ياخى انا بعرف ان المصرين محترمين جدا وقاله انا مش عايز اشوف البطاقه بتعتك واتفضل زعلنا من موقف صاحبى وقفت السياره على الطريق ورجعناله بنكلمه بنقوله انت زعلت ليه قال والله يشباب انا متربى فى مصر وانا دارس فى مصر واحلا اصحاب ليل مصرين ومحترمين جدا وعمرى ماقبلت فى حياتى حد بيعطى البطاقه فى ايد شرطى وهوا ماسك السجاره فى نفس الايد طب ياخى خلى السجاره فى الايد التانيه احترام ليا وفضلنا اكثر من نصف ساعه نتاسف للشرطى ده وقلنا جمله فى الاخر يشباب انتو لو فى مصر هتلاقو الشرطى قاعد فى السياره وبيطلبك ببطقتك صح ولا ايه يشباب

 

انا كل اللى اقدر اقولهولك حسبى اللة ونعم الوكيل فى كاتم الشهادة الحق

 

بجد يااستاذ على حاجه تكسف جدا ،، مش عارف ليه احنا بنعمل كده
ممكن عشان الناس دى محترمه وبتحترمنا زياده عن اللازم
فعلا ده لو فى مصر ومجرد ان امين شرطه بيطلبها منه كان رمى السيجارة
وقعد يقوله سعادة الباشا ويفخم فيه وكانه بيكلم لواء