ببساطه الاقرار الضريبى على العقارات موضوع الساعه فى برمبال

بسم الله الرحمن الرحيم
موضوع الساعه الان فى برمبال الاقرار الضريبى على البيوت
والمحلات اى بيت مبنى بطوب احمر او بخشب اى كشك خشبى اى ارض فاضيه مستغله كجراش خاص او بالايجار .
لابد ان يقدم الاقرار الضريبى حتى يوم 31/12 لان بعد هذ اليوم بتكون غرامات تصل 2000
الاقرار الضريبى الان متوفر فى مركز الشباب كل من يرغب فى عمله عليه الذهاب واخذ صوره منه
على شباب البلد مساعده الاهالى الغير فاهمين لكيفيه عمل الاقرار بمجرد قرائه التعليمات فى الصفحه الاولى والثانيه تفهم ماذا يطلب منك الاقرار
بالنسبه للورثه اللى والدهم متوفى ممكن احد الورثه يعمله عن بقيه اخواته
الاقرار يقدم ومعاه صوره بطاقه شخصيه لصاحب البيت
وصوره بطاقه شخصيه للى هيقدم الاقرار
البيت الدور الواحد له اقرار واللى فوق الدور2او 3او 4....
له ورقه اضافيه عن الدور لواحد
الاقرار مطلوب فيه فى الصفحه التالته
اسم مقدم الاقرار
صفته
رقم قومى
تاريخ اصدار الرقم القومى
الجنسيه
بس
2/
اسم المالك
صفته

الرقم القومى
تاريخ اصداره
وتوقع تحت الورقه
د\الورقه الرابعه دى بقى لاصحاب المشروعات والمحلات واللى عندهم ملف ضريبى بيملوه وبس
الورقه الخامسه 1/ب
فيها بقى رقم الدور
تاريخ اتمام البناء
دى معلومات عن العقار اللى انت فيه سهله انك تملاها
الورقه السادسه
الناس اللى تحت بيتهم جراشات او بدروم مؤجره او مستغله لنفسه بيملوها غير كده
مفيش حد يملاها
القسم الرابع من الورقه السادسه
طبعا مابيملاها الا اللى على بيوتهم اعلانات او شبكات تقويه محمول بس
فى اخر الورقه السادسه ببتوقع انك مسئول عن كل شئ
فى الورقه السابعه دى اللى بيملاها الموظف
يارب اكون وصلت حاجه
اللى عايز استفسار يقول
وياريت شباب البلد المتعلمين يحاولوا يساعدوا الناس جيرانهم اللى مش متعلمين او يفهموا
اللى مش فاهمين .......

تاريخ ميلادى : 04/05/1975

السلام عليكم

بارك الله فيك ياأستاذ أحمد علي هذه المعلمومات التي من شأنها تعريف أهلنا الكرام بكيقية التعامل مع هذا الاقرار وأضم صوتي لصوت أخي أحمد بمناشده شباب البلد المثقف بمساعده الأهالي علي عمل هذا الاقرار ونسأل الله أن يوفق الجميع

تاريخ ميلادى : 20/01/1983

الف شكر يأبو حميد الله ينور عليك

تاريخ ميلادى : 09/12/1996

جميل جدا أن يكون للمنتدى
دور ملموس على أرض الواقع
ودى فكرة ممتازة أن شباب المنتدى من الممكن أن يقوموا
بمساعدة الأهالى على تسجيل بيانتهم فى تلك الإستمارات
وبتمنى ييجى اليوم اللى يكون فيه
منتدى شباب برمبال القديمة
هو القوة الرئيسية الموجودة فى القرية
ويكون هو اللى بيساعد الناس فى حل مشاكلهم وقضاء مصالهم
تقبلوا مرورى

مد مهله تقديم الاقرار 3شهور ليوم 31/3

شكرا ليك ياحمادة على اهتمامك ليلك الموضوع لان فية ماس كتير مهيش فاهمة يعنى اية اقرار ضريبى بارك اللة فيك احمد باشا

ياريت اللى لسه مخلصوش يروح

لان اخر ميعاد 31/3
وهيكون فيه غرامه بتصل ل 2000 جنيه كحد ادنى
وتصل لاكثر من 10000 الاف

[

شكرا يا استاذ احمد على توعية أهلنا فى الرياض وبرمبال بهذا الاقرار الضريبى

ويقال انه قد تم تمديد الفترة بعد مارس لتقديم الاقرار بدون غرامة
[ندعوك للتسجيل في المنتدى أو التعريف بنفسك لمعاينة هذه الصورة]

شكرا استاذ احمد
لو عرفت حاجه عن التمديد ده اكيد هكتبها
وانا برضه هحاول اتاكد

شكرا لك يا باشا
الموضوع مهم جداا
يا تري بقي بيتنا عليه ضرايب ولا ايه النظام ؟

ماهومقدار الضريبة المفروضة على تنفس الهواء و هل هي حسب الطول و لا الوزن؟؟؟؟
أنا خايف تجيلي ضريبة على كمية الهواء الليأ تنفستها
عموما سأحاول عدم التنفس و عدم استخدام أي شيء
هل المقابر عليها ضريبة عقارية؟؟؟؟؟؟؟؟؟؟؟؟؟؟؟؟؟
يارب يكون معليهاش .

زمن العجائب!!!!!!!!!!!!!!!!!!!!!!!!!!!!!