ولا تزعل نفسك انت اللى عاوز تتسأل
انا عاوز موضوع انشا للاسئلة دى

من هوا أبو جنى
فى المنتدى-خارج المنتدى-فى العمل-فى البيت-مع الأصدقاء

ما هدفك فى الحياة وهل قمت بتحقيقة
اكيد جالك يوم وحسيت انك مخنوق من كل حاجة
كانت بسبب اية الخنقة دى
حد سألك سؤال وانت مش تعرف الاجابة
حتقولة اى اجابة زى اى واحد من الشعب المصرى
ولا حتقولة مش عارف (ودى بتحصل قليل)
لو حد قالك انت مش فاهم حاجة فى اى حاجة
حترد علية تقولة اية
جنى ماسبب اختياركم لهذا الاسم للمولودة الأمورة دى
لو بقيت مسئول على المنتدى حضيف اية جديد مش موجود
اية الحاجة اللى ممكن تبعدك عن المنتدى
اية العقدة اللى عندك
خف من الاماكن الظلمة -الارتفاعات-......
ولو.....
كفاية دلوقتى نسيب فرصة للناس بردة

 

سلام الله عليك ياأبو جني معلش اتأخرت عليك بس امتحانات بقي وكده
"انت ملكش حل بجد مجرد متدخل في حوار أكيد لازم البسمه تدخل معاك ربنا يدمها عليك نعمه"
وردودك كلها جميله بس ليه بحس ان رغم الضحكه الصافيه الظاهره ممكن يكون في ضيق وحاجات كتير؟؟؟؟؟؟؟ وهل ساعات رغم حب الناس الشديد تشعر بالوحده؟؟؟؟؟؟؟ وهل فهمك الناس بطبيعه"ضحك وهزار" وأنت تملك مالا يعرفوه "الجديه......."وماذا تقول لهم؟
عرفت أنك مقلد جيد جدا لاصوات القراء وبالأخص الشيخ يوسف طب ليه متهتمش بالجانب ده وتمتعنا بصوت جميل؟؟؟؟؟؟؟من أكثر الاشخاص التي تود ان تجلس معها لساعات ولكن الغربه تمنعك؟!
وربنا يخليك تشوف جني أحسن الناس وست البنات كمان ويكرمك بحسن نيتك
معلش طولت عليك ....سلام عليكم

 

من هوا أبو جنى
فى المنتدى-خارج المنتدى-فى العمل-فى البيت-مع الأصدقاء

هو شخص عادي جداً في المنتدي زي في العمل جــــــاد شوية عشان بحب شغلي يبقي دقيق جداً زي في البيت بردو مع الأصدقاء

ما هدفك فى الحياة وهل قمت بتحقيقة
الحمد لله قمت بتحقيق بعضة وباقي الأهـــــــــم وإن شاء الله يتحقق عن قريب
اكيد جالك يوم وحسيت انك مخنوق من كل حاجة
كانت بسبب اية الخنقة دى
إتخنقت شويه من الغربة بس والحمد لله بقول لنفسي دا قدرك وأرجع أفوق تاني
حد سألك سؤال وانت مش تعرف الاجابة
حتقولة اى اجابة زى اى واحد من الشعب المصرى
ولا حتقولة مش عارف (ودى بتحصل قليل)
لا هقوله مش عارف ورحم الله إمرئ عرف قدر نفسه صح ولالا
لو حد قالك انت مش فاهم حاجة فى اى حاجة
حترد علية تقولة اية
هقوله خليك إنت إلي فاهم ياعم الفاهم لأني مبعرفش أسكت ممكن ينضرب كمااااااااااااان
جنى ماسبب اختياركم لهذا الاسم للمولودة الأمورة دى
الإســـــــم ده كان في قائمة 3 أسماء ( جني - شهستا - شهد ) وفضلت جني ربنا يكرمك بجني
لو بقيت مسئول على المنتدى حضيف اية جديد مش موجود
بجد مش ناقصه حاجة وبفضلكم الجديد كله هنا صح ولالا
اية الحاجة اللى ممكن تبعدك عن المنتدى
النت ينقطع بس ودي متحصلش في شغلي إلا في السنة مره
اية العقدة اللى عندك
إني عاوز أخس شويه بس
خف من الاماكن الظلمة -الارتفاعات-......
ولو.....
لا والله كنت في الملاهي من أسبوع وبعدين ركبت قطار لعبة إسمه قطار الموت بيطلع حوالي 4 أدوار وينزل وعادي عمري ماخفت وكنت بروح من النادي في الشتاء الساعة 3 وأروح في الظلمة أحياناً وعادي جداً
كفاية دلوقتى نسيب فرصة للناس بردة
مشكور علي الأسئلة الظريفة دي يا سعادة الباشا وبردو منظر باقي الأسئلة ههههههههههههههههههه

 

سلام الله عليك ياأبو جني معلش اتأخرت عليك بس امتحانات بقي وكده
أنا بدعي ربنا يوفقك ياجميل وعقبال الزواج إن شاء الله
"انت ملكش حل بجد مجرد متدخل في حوار أكيد لازم البسمه تدخل معاك ربنا يدمها عليك نعمه"
أعمل إيه بس محدش واخد منها حاجة صح ولالا
وردودك كلها جميله بس ليه بحس ان رغم الضحكه الصافيه الظاهره ممكن يكون في ضيق وحاجات كتير؟؟؟؟؟؟؟
طبعاً بس هعمل إيه لو أنا سبت نفسي للحاجات دي يبقي عليه العوض في هيقولي عليه نكدي
وهل ساعات رغم حب الناس الشديد تشعر بالوحده؟؟؟؟؟؟؟
أحيـــانا بس مش علطول بس بجد دي متعة حب الناس دي أحسن حاجة في الدنيا هنا وفي البلد دي بجد أحلي ماعندي حب الناس من كبير وصغير بس والله أعلم أمي كانت تقولي روح يحبب فيك خلقة والحمد لله إن مقلتش يفرج عليك خلقة كنا بقينا فرجه هههههههههههههه
وهل فهمك الناس بطبيعه"ضحك وهزار" وأنت تملك مالا يعرفوه "الجديه......."وماذا تقول لهم؟
والله أنا بضحك وقت اللزوم وببقي مرح ؟؟؟؟؟ لكن وقت الجد ببقي شخص تاني خالص وأنا أعتقد إنك عارفة كده والله أعلم
عرفت أنك مقلد جيد جدا لاصوات القراء وبالأخص الشيخ يوسف طب ليه متهتمش بالجانب ده وتمتعنا بصوت جميل؟؟؟؟؟؟؟
والله ده كان زمــان ولازم بقة أعرف مين قالك كده يبقي إنت تعرفي حاجات كتيرة صج علي العموم والله لسه بردو بس مش زي الأول وعلي العموم هفكر في ده
من أكثر الاشخاص التي تود ان تجلس معها لساعات ولكن الغربه تمنعك؟!
والله كثير من أصحابي إلي بقعد معاهم في البلد ولكن الغربة بقة
وربنا يخليك تشوف جني أحسن الناس وست البنات كمان ويكرمك بحسن نيتك
معلش طولت عليك ....سلام عليكم
والله أنا بشكرك من كل قلبي علي الكلام الكبير والجامد والمهذب ده وبجد شرفتيني في البيت بيتك وهدعيلك يارب يوفقك ومتجبيش بسكوت في الشهاده قصدي كحك ههههههههههههه
لا بضحك معاكي ربنا يوفقك ومنتظر الرد وباقي الأسئلة أوك

 

 

عادي ماهي الشهادات ماشية في كل مكان وبعدين حلوة ياأم سيف راح زمن الشهادات ناقصة تغني أغنية راحت عليك يادنيا

صح وبعدين هنعرفها يا أم سيف ( روز عسل وهتعترف ) وإلا هي عارفة هنقتلها وأديكي رنـــة

 

مشكورة ياأم سيف علي المداخلة دي وتصوري قاعد أفكر مين روز وعارفة كل حاجة إستر ؟؟؟؟؟؟؟؟؟

 

 

أهلا بيك ياأبو جنى طبعا التعليم الابتدائى هو التعليم الأساسى ياترى فاكر مدرسيك فى المدرسة الابتدائية ؟
وفى أى مدرسة ابتدائى درست فى برمبال؟
ومن هم المدرسين اللى كانوا عليك اذا كنت فاكرهم
الأيام دى الضرب ممنوع فى المدارس انما كان زمان فيه ضرب ايه رأيك فى التعليم زمان ودلوقتى؟
كفاية كده دلوقتى انا مش طماعة وبعدين شايف أسئلتى سهلة ازاى

 

مساء الفل ياعم حسام مساء العسل ياهيما سايبني ماأنا عارف أوي ههههههه
اهو مع الحوار العائلى الجميل ده ، وعلى راى المثل
ياداخل بين الاخوات يامقشر القولقاس
المثل ده جميل ياهيما فاكرني بمثل إسعي ياعبد عن رزقك لن تحوووووش هههههههههه
ايه المثل الغريب ده ،، ماعلينا
المهم ياريس تعالى لما اغتت عليك شويه ونرجع لورى شويتين

فى البدايه ماهى احب المراحل العمرية الى قلب ؟؟
طبعاً وأنا صغير دي أحسن مرحلة

وكيف ترى الماضى فى حياتك ،، وماهى نظرتك الى المستقبل ؟
الماضي طبعاً خلاص إعتبره صفحة وإتقلب إنما المستقبل ده هوه إلي كل تفكيري الوقت وبشك جدي ولازم تعيش بين الناس لك طموح وهدف إلا 0000 إنت عارف الباقي

كيف كانت طفولة حسام سالم ؟؟
كنت عفريت جداً لدرجة كل يوم كنت بجيب مشكلة للعائلة

ومالشى الذى لاتستطيع ان تنساه من فترة الطفولة ؟؟
والله العظيم كثير بس مش فاكر أي حاجة منه لكن لما أفتكر هقولك عشان إنت حبيبي صح

ماهى ذكرياتك مع الجمعية الشرعيه ؟؟
هقولك حاجة واحدة ماشي مرة رحت أصلي وكنت مضايق من الإمام جداً ومش هقول علي إسمه فالمهم أعمل فيه إيه لقيته واقف تحت مروحه وإحنا في برد جامد أوي قمت مشغل المروحه إنتقاماً منه ومش هكمل حصل إيه ده مبقدرش أنساه في الجمعية بجد

من وجهة نظرك هل من الامكان ان تعود الجمعية الشرعيه
الى ماكانت عليه سابقا من تحفيظ القران الكريم والكتاتيب بداخلها ؟؟
لا طبعاً لأن خلاص كل الناس القديمة إلي كانت بتعمل الكلام ده إنشغلت بأمور الدنيا وحاجات كثيرة طبعاً فعمرها ماعادت هتعود إطلاقاً

شخص لازمك من ايام طفولتك وحتى الان من هو ؟؟
والله هوه حازم إل معايا من أيام الطفولة لكن أصحابي زمان وأيام الدراسة كلهم إتغيرم ماعدا حازم بحكم شغلنا مع بعض بس مش أكثر

كيف ترى الصداقة من وجهة نظرك ؟؟
الصداقة لو كتبت مليون صفحة عنها مش هديلها حقها بجد دي حاجة جميلة أوي أوي بالذات مع أصحابي

الثانوية العامه مرحلة انتقاليه لكل انسان وهى التى تحدد اتجاهاتك فيما بعد
موقف لاتستطيع نسيانه حدث لك فى الثانويه العامه ؟؟
رحت أحكم ماتش نهائي وبعدين حسبت فاول لفريق كنت بحبة راح ولد من الفرقة الثانية شتمني رحت رامي الصفارة ومسكته طحنته وأمي يومها صوتت هههههههههههههههههه

مدرس اثر فيك من هو ؟؟
في الإبتدائي أبويا الأستاذ سيد بس هوه ده إلي أثر في من كثر الضرب بس هههههههههههههههههههه
مدرس ضربك لخطا اخطاته من هو وماهو هذا الخطأ ؟ بكل صراحه
اوعى تقلي انا مضربتش والكلام ده مش علينا
والله ماكان حد بيطحني غير أبويا حتي لو غلطت في حصة ثانية كان بيجي يضربي أقول للمدرس ياعم إضربني إنت يقولي لالالالا هجبلك أبوك ياعم أبوس إيدك مفيش فايده طيب روح بقة هات وإنا لله وإنا إليه راجعون

فى رايك مَن مِن مدرسين الثانوى كان صاحب اكبر شخصيه قويه
بمعنى اخر كنا بنترعب لما تكون حصته اللى عليها الدور
لاتعليق

ماهى الكلية التى كنت تتمنى دخولها بخلاف كلية التجاره ؟؟
لاتعليق
وماكان رد فعلك عندما جاء التنسيق اليك بكلية التجاره ؟؟
لاتعليق

حياتك الجامعيه كيف كانت ؟؟ ومع من كنت تفضل الذهاب الى الجامعه ؟
وماهو تقييمك لتلك المرحله ؟؟
لاتعليق
بقولك ايه كفايه كده واوعى تقولى لا تعليق مقلتهاش خالص أهوه شرفتني ياهيما وإبقي هات أسئلة خفيفة إيدي وجعتني ماشي ههههههههههه

 

أولاً أنا برحب بأم عمار وبقولها مشرفاني في برنامج البيت بيتي وليس بيتك وإتفضلي البيت بيتي بردو ههههههههههههههههههههههههههه
***************************************
أهلا بيك ياأبو جنى طبعا التعليم الابتدائى هو التعليم الأساسى ياترى فاكر مدرسيك فى المدرسة الابتدائية ؟
طبعاً أول واحد الأستاذ / سيد سالم والدي ده بقة عاوز يجي ميه منتدي عشان أوفيله حقة والأستاذ / إبراهيم البسيوني وكثير لهم مني كل إحترام وتقدير
وفى أى مدرسة ابتدائى درست فى برمبال؟
المشتركــــة عشان والدي كان فيها
ومن هم المدرسين اللى كانوا عليك اذا كنت فاكرهم
الأيام دى الضرب ممنوع فى المدارس انما كان زمان فيه ضرب ايه رأيك فى التعليم زمان ودلوقتى؟
لا فاكرهم فيه حد بينسي حد ضربه والدي كان كلم يوم يجي يروق علي الفصل كله وأنا أولهم وكان بياخد حصص الألعاب والقصص لحسابة إيه ياعم كل يوم ضرب مفيش شتيمه ويبقي كده أحســـــــــن -- هوه فيه تعليم الوقتي معتش تعليم خلاص لا طبعاً التعليم الأول كان تحفة
كفاية كده دلوقتى انا مش طماعة وبعدين شايف أسئلتى سهلة ازاى طبعاً سهلة يا أم عمـــــــار منوراني والله وعلي العموم منتظر بردو لو عندك أسئلة ثانية سلام


[/size]

 

 

الإمــام دا الله يرحمة إبقي روح قلة بقة هههههههههههه إنت بتيجي علي الجرح ياهيما وبعدين خلي أسئلتك حلوة عشان متسمعش لاتعليق دي وبعدين العروسة دي بتاعتك يابني محجوزة لك إنت تأمر تحت أمرك

 

[ندعوك للتسجيل في المنتدى أو التعريف بنفسك لمعاينة هذه الصورة]


[ندعوك للتسجيل في المنتدى أو التعريف بنفسك لمعاينة هذه الصورة]


اولآ دى هديه الى روح قلبك جنى حسام
معلهش اتأخرت عليك شويه
انت سيد اعرفين ان الميزانيه كنا بنخلاصها طول الشهر الماضى
ماهو اصعب يوم مر عليك فى حياتك ؟
ماهو الغلطه اللى مش ممكن تنسها ابدأفى حياتك؟
ومن هو الانسان اللى بتكره ومش ممكن تحبه؟
وايه الموضوع اللى نفسك تتكلم فيه فى المنتدى ومش قادر؟
مين اللى تقول له شكرآ مستغنى عن خدماتك؟
اول حب فى حياة حسام؟
ايه الموقف اللى كذبت فيه وكان نفسك تقول الحق فيه؟

 

أولاً دى هديه الى روح قلبك جنى حسام
معلهش اتأخرت عليك شويه
انت سيد العارفين إن الميزانيه كنا بنخلاصها طول الشهر الماضى
الله يعينك ياعم أيمن متأخرين ليه كده إحنا خلصنا من زمان الله يعينك ياأبو جني
ماهو أصعب يوم مر عليك فى حياتك ؟
فية أيام كثيرة والله بس طول ماربك موجود والأمور بتهون والأيام بتعدي
ماهو الغلطه اللى مش ممكن تنسها ابدا فى حياتك؟
والله غلطــة عمري إن في يوم آمنت لواحد صاحبي وخدعني

ومن هو الانسان اللى بتكره ومش ممكن تحبه؟
الظــالم الذي لم يتراجع عن ظلمة
وايه الموضوع اللى نفسك تتكلم فيه فى المنتدى ومش قادر؟
الزواج في بلدنــا وعاداته وتقاليده
مين اللى تقول له شكرآ مستغنى عن خدماتك؟
المــــــــاضي وذكرياته
أول حب فى حياة حسام؟
أمــــــــــــي طبعاً
ايه الموقف اللى كذبت فيه وكان نفسك تقول الحق فيه؟
هنعمل إيه ياعم أيمن علطول بنكذب بس مش كذب من الثاني ده إنما الحق بقولة لو علي نفسي ( رحم الله إمرئ عرف قدر نفسه )
مشكور يا أبو جني ياغالي وأتمني إن الإجابات تكون عجبتك

 

اخويا وحبيبى أبو جنى وحشتنا يا حبيب قلبى ومنور المنتدى ويارب دايما منور سلامى للجميع بالمملكه

 

منورني ووحشني موت والله ياأبو محمــــد وكنت عاوز أجيبلك أي حاجة تشربها بس والله الثلاجة فاضية علي العموم عثمـــان البواب راح يجيب طلبات وإن شاء الله هيرجع بعد سنة عشان بالة طويل علي العموم منورني والمملكة كلها بتسلم عليك سلامي لأبو حازم وأبو حنين

 

ازيك ياحسام بية ان تحت امرك ياباشا كل يوم افتح الموقع واسمتع بكلامك واستناك تجيب اسمى وتقول انى صاحب الفضل عليك مبتقولش كدة مطر اطلب الفلوس الى عندك لاكن لواعترفت خلاص هسامح فيهماى خدمة ياعم (دة نفس موضوع الشقة فاكرة)بهرج ياحس انتة حبيبى وانتة عارف بس موش عارف اسألك فى حاجة لانى عارفك كويس كتاب مفتوح وصفحاتة بيضة

 

لولولولولولولولولولولولولو لي لي لي إبراهيم بيه حمدي عندنا في البيت بيتك زغرطلك أهوه وعمري ماعملتها لحد إنت فين ياعم إبراهيم وحشني والله وإعمل حسابك تنزل في الصيف وياعم الفلوس إلي عندي خلاص وديتها البيت وإنت صاحب فضل علي ياعم إبراهيم مرضي وعشان الكل يعرف إبراهيم من حبه في مرضاش يسلم علي في الصف وحرجني قدام الناس وزعلت منه هههههههههههههههههههههههههههههههههههههههههههههههههههههههههههههههههه أي خدمة عشان تبقي تسكت وحشني والله ياهيما منورني ياهيما

 

ازيك حبيب قلبى لازم موضوع مرضاش يسلم علية دة هتسيح فى المنتدىواناكنت قاعد استمعلك وانت عارف السلامات دى للناس بعيد لاكن انتة عارف معزتك وغير كدة بينى وبينك ديون يعنى مقدرش انساك والفلوس الى بعتها البيت دى كانت القسط الاول ولا انت هتسدد قسط واحدايوة ياجدع هسيحلك وهنقعد ننزل فى الصيف ونسيب الفلوس دى لمين ياحس وانتة عارف القاعدة مع خالد عبد العزيز مكلفة وعشان خاطرك انزل مخصوص بس حدد ميعادك سلامى للست جنى بنت الغالى

 

أحرجتني ياكبير ياعم إبراهيم بقلك القسط الثاني راح إمبارح ياأخي الدوادرة دول يالهوي عليهم في الكلام محدش يغلبهم علي العموم وإنت عارف بردو معزتك عندي قد إيه علي العموم سلامي لعماد والوالد العزيز ياهيمـــا ومعتش مسيح ياعم أهوه شرفتنا ياإبراهيم باشا يامنونا

 

السلام عليكم ورحمة الله وبركاته

الأخوة والأخوات

أصدقاء القلم

وسفراء المشاعر

ساكنى الأقسام البرمبالية

أسبوع من الإبداع مر علينا كأنة لحظة

إختلسناها من الزمن ورغما عناإنفلتت منا

سعدنا بضيفنا صاحب البسمة

حسام سالم

سعدت بتواجدكم الذى اشعرنى بالألفة

إنتظرونا وضيف جديد

وإبداع من نوع جديد

أشكركم

تحياتى وودى للجميع

 

مشكور ياحازم باشا وأسعدني تواجدي معكم في البيت بيتك وأسعدني كلماتك الساحرة الرقيقة الهادئة المعبرة أخي حازم لك مني تحية وتقدير مشكووووووووور وفعلاً موضوع أكثر من رائع تمنياتي لكم وللضيف الجديد بالتوفيق حسام سالم