ليس كل من يجيد كرة القدم يلعب في فريق برمبال

تاريخ ميلادى : 13/07/1985

تظل برمبال مصنع للنجوم والمواهب

لكن لابد من ان يمثل فريق برمبال ان يوجد لديه مقومات البطوله وحب بلده وتشريف اسمها

الحقيقه كان يوجد من جميع انحاء بربمال من يلعبون في فريق برمبال ولم اري من كانت مؤهلاته الادبيه والاخلاقيه قبل الفنيه تمثله ولم يلعب

يمكن ان اكون مخطئ او بعيد عن الاحداث ولكن اعتقد فريق برمبال شرف كبير لكل من لعب له

تاريخ ميلادى : 04/05/1975

السلام عليكم

طبعا ياكابتن يكن شرف لكل لاعب مثل برمبال لما يحمله اسم هذا الفرق من سمعة كروية كبيره في محيط القرية وخارجها أيضا ولكن كان هناك مواهب كبيره جدا في برمبال ولم تلعب لبرمبال نظرا للحاجز النفسي الذي كان يفصل الكثير من أبناء بلدنا عن مركز شباب برمبال فهناك الكثير كان يعتبر مركز الشباب حكر علي فئة معينه هي التي ترتاده وهي التي تمثله في فريق كره القدم وبالفعل كان هناك مواهب كثيره بحارة الصوابر وحارة المباني وحارة المنشيه لم تلعب لبرمبال نظرا للحاجز النفسي الذي تحدثت عنه

تاريخ ميلادى : 13/07/1985

كلامك مظبوط ياابوحمزه ولكن ماهو سبب الحاجز النفسي
بالنسبه للجيل بتاعي اعتقد لم اري من كان يستحق ان يلعب ولم يمثل فريق برمبال
اعتقد بالنسبة لينا في حارة النعانعه كان ايام زمان عندنا المسطاح وارض الهادي وارض السولمه كلها اماكن كانت مصنع للنجومالحقيقه انا شفت اجيال كتير زمان كان يوجد في فريق برمبال اكثر من 3 فرق للفريق الاول وكلهم اسماء كبيره ولاعبين صعب نلاقيهم تاني وكان يوجد من كل حاره اكثر من لاعب في الفريق الاساسي

تاريخ ميلادى : 04/05/1975

السلام عليكم

هذا الحاجز ياكابتن يكن تبدد في العصر الحالي حينما كنتم أنتم تمثلون فريق برمبال القديمة ولكنه كان موجودا قبلكم وأنا أذكر أن أخي أيمن رفض محاولات كثيره للعب في فريق برمبال نظرا للحاجز النفسي الذي تحدثنا عنه ولكن بعد ذلك شارك نتيجة ضغط الكابتن أشرف بدران عليه وهذا كان المطلوب من القائمين علي هذا النادي أن يذهبوا ويطلبوا اللاعبين لتمثيل برمبال ليزيلوا هذا الحاجز النفسي سواء كان هؤلاء اللاعبين بالصوابر أو بالمنشية أو بالمباني وبهذه المناسبة أقول لك أن حارة النعانعة تكاد تكون أقل حاره مثل أبناؤها فريق برمبال وأذكر منهم الكابتن عبدالعظيم مطاوع-الكابتن فوزي حجازي-الكابتن برهان دويدار-الكابتن عادل السقا-الكابتن حسن ممدوح-الكابتن أيمن خلف-الكابتن عمرو برهان-الكابتن هشام برهان-الكابتن محمد برهان(اليكن)

اعتقد ان هروب المواهب للعمل في الخارج يمثل اكبر مشكلة لبرمبال لان اللعب في برمبال لا يأكل عيش ولذلك ارى انه لكي تنهض برمبال كرويا يجب عليها الاهتمام بالصعود للدرجة التالته اولا ثم الدرجات التى تليها و محاولة الدفع بقطاع الناشئين للاندية الكبرى

دي صورتك وانت صغير يا يكن ؟

حلو الكلام الى فات كله بس الموضوع مع تقديرى لكل الكلام الى فات مش حاجز نفسى ولا حاجة كمان الموضوع مش موضوع لعب فالمتجول فى حارات برمبال كان سيجد من يلعب احسن من بعض اللاعبين فى الفريق الاول بغض النظر عن مكان الحارة التى ينتمى اليها بدليل ان الدورة الرمضانية التى تقام كانت عبارة عن عرض حى ومجانى لاى واحد يبحث عمن يلعب فى الفريق الاول ولكن القائمين انفسهم على الفريق الاول لم يكلفوا نفسهم بمجرد البحث المحايد والذى لايدخل فيه اعتبارات اخرى الكل يفهمها لذا ارجو من القائمين على الفريق الاول نسيان تلك السمعه التى كانت مكتوبة على جدار احد ملاعب بلدنا (انت فى ملعب قاهر النجوم) ونتذكر انه ان لم تواصل ذلك فمصيرك معروف .

[ندعوك للتسجيل في المنتدى أو التعريف بنفسك لمعاينة هذه الصورة]

برمبال القديمة حقيقي ولاده في كل المجالات
ونقطة كرة القدم بالذات برمبال مشهوره جدا جدا بأبنائها ومستوي قوي وعروض اقوي
وده لو حسبناه صح هتلاقي ان فعلا زمان كان الشغف علي الكره كلعب او تشجيع
يشكل بمثابة الطعم الشيق والمتعه الا محدوده ،
كان زمان عندنا تلاقي فلاحين سايبين مصلحة لهم ولو كانت مهمة للأرض او للبيت
ورايح يشجع ويتفرج علي الكرة البرمبالية وعروضها واستضافتها
وكانت الناس دايما واثقة انها بتروح فرحانه ومبسوطه من ان الفريق البرمبالي سيفوز
واضافةلأبو حمزة علي قائمة الأسماء المذكورة
نجم النجوم الكابتن محمدالسباعي والنجم ابن اخته أشرف بدران
يعني بالنسبة للعصر ده اتولدوا بالفطرة موهوبين
العصر اللي بعدهم علطول والجيل التالت لقوا اكثر اهتمام والأجيال اللي قبلنا وبتاعتنا واللي وراهم
فيهم عناصر ومواهب اكثر من زي قبل
والأجيال دي بقه كانت وما زالت تحتاج مراعاه التحصيل المادي ،
طبعا احنا كلنا نعلم جيدا ان الناس اللي لعبت ومازالت واللي كان لها الشرف تشارك
او تتمني تشارك بيلعبوا بروحهم لبلدهم ومش هيلعبوا لمقابل مادي
ولكن ده كان هيسمي تكليل للجهود للوقت المستقطب منه شخصيا ،
وفي نفس الوقت علاوه علي تشجيع من هم بحاجه لمقابل،
ولكن لم تتم تنمية المواهب بالشكل اللذي يجب ان يكون ،
علاوه علي ذلك ان الهيئة اقتصرت علي الملعب وفقط
ولذلك لم نحظي باهتمام من اي جهه مسؤولة من وزارة الشباب والرياضة
ولهذا اقتصر دور الشباب كموهبة التواجد ان كان لديه وقت للعب بالملعب فقط ،
ولهذا تنحي الكثيرون عن التضحية بمستقبلة والسعي وراء لقمة العيش من أجل لعب كرة القدم
وفضل تكوين مسقبله
الجدير بالذكر أن عنوان الموضوع كان يجب ان يكون هكذا مع احترامي طبعا ليكن وللجميع
ليس كل من لعب لفريق برمبال يجيد كرة القدم

تاريخ ميلادى : 13/07/1985

السلام عليكم ورحمة الله

الاستاذ حسين انت تريد ان تغيرالعنوان وانا اريد ان نرسخ مبادئ وقيم واخلاق مفقوده حاليا وهو حب البلد والنادي واننا نرجع تاني ايام انك تتمني تلعب للفريق وتتمني تمثل بلدك
في اجيال كتير من مثل ما قال ابو حمزة من الكباتن مع حفظ الالقاب عبد العظيم مطاوع محمد السباعي فوزي حجازي السيد الصعيدي السيد دويدار وناس كتير كانوا بيدوا للبلد ومش مستنيين مقابل كان النادي عندهم اهم من البيت كان في مبادئ وقيم واخلاق في كل حاجه ومش اي حد كان بيلعب في جيلهم ومش اي حد كان سهل يلعب وسط الناس دي تعرف ليه لان في اسس وقوانين ومعايير احنا مفتقدنها حاليا في الشباب

تعرف انا عندي صور من ممكن 20 سنه لو تشوف الناس كانت بتحب النادي وتروح مع الفريق ومش مهم يلعبوا او لا كان المدرب بيحتار يلعب مين وكانوا كلهم محترمين قبل مايكونوا لعيبه

تاريخ ميلادى : 04/05/1975

السلام عليكم

طيب طالما ياكابتن يكن ذكرت ان عندك صور يبقي لو تكرمت وتقدر ترفع الصور دي علي المنتدي نكون شاكرين ليك جدا هشان الاجيال الجديده تتعرف علي الاجيال السابقة التي مثلت فريق برمبال وفي نفس الوقت هشان نوثق تاريخ برمبال في كل المجالات ومنها كره القدم

تاريخ ميلادى : 13/07/1985

وعليكم السلام

ابوحمزة ماشي كلامك بس انا حاليا في السعوديه والصور في مصر

وفكره كويسه من حضرتك اننا نعمل مكتبة صور في كل المجالات ونعمل تاريخ مشرف لكل الناس في اي مجال وياريت الاستاذ محسن يعملنا موضوع عن تاريخ النادي وتاريخ تأسيسه ومن تولي رئاسة النادي من الاول حتي الان وسرد للاحداث حتي يتعرف الشباب علي ناس اعطوا ولم ينتظروا اي مقابل

في مجال الكوره بالذات ياماا ناس حصلها اصابات وعملت عمليات وصرفت فلوس ورجعت تلعب تاني ومنهم الكباتن مع حفظ الالقاب حسام عبد المنعم واحمد حجازي واحمد عباس وعلاء عباس وايمن خلف وحسن المرسي وفي غيرهم كتير
وان شاء الله اقدر اجيب الصور وارفعها

يانجم تغيير العنوان مش مقصود

ولكن المقصود دعم موضوعك وفهم القصد منه

ولما تقول ان انت تحب ترسخ مبادئ وقيم ده طبعا شيء كويس جدا
بس طبعا لما تحب تطبق الكلام ده هيكون علي العصر اللي احنا فيه يعني الحاضر مش الماضي ،
وكمان اللي فاتوا والحاليين واللي جايين يتمنوا يلعبوا لبلدنا وده شرف لهم
انما خليك النهارده رايح تلعب هو فين اصلا وقتك اللي هتلعب فيه
ولو حد وجهلك دعوة للعب في اي مكان وانت لك عمل مش هتسيبه وتروح تلعب
وده كان قصدي من ناحية المقابل ،
اما بالنسبة للجيل القديم اللي هم قبلنا بقليل فيه ناس كتير جدا ويجوز انت تعرفهم
كانوا علي افضل مايكون في الملعب ومنهم
احسن لاعب شفته في حياتي وهو النجم محمدمحمدديبو الراجل ده من الشباب الحاليين
اللي تم ضمه بالفعل للنادي ولكن لظروف عمله والده قاله انت هتسيب شغلك وتروح تلعب الشغل اهم

ومن المثال ده تم القضاء علي افضل موهبة طلعتها برمبال بسبب ان مفيش مقابل
زائد انه مش هيسيب شغله عشان ميقبضش ،وده الجزء التاني من قصدي

اما الجزء الأخير هو ان الناس محتاجه كرة قدمومتعطشون لكن الوقت سرق الجميع للتغلب علي مشاق الحياة وسرعتها ..
وصدقني يامحمد الموضوع اللي زي دي بيشد الواحد غصب عنه
فخلينا دايما نشوف ابداعاتك ...

تاريخ ميلادى : 13/07/1985

الحقيقه انا معرفوش بس هل هو في حوار الموضوع ان الحاجز النفسي منعه من اللعب ام رغبة والده منعته

بقولك ان الراجل مش هيسيب عمله ويروح يلعب
يعني لا حاجز نفسي ولا غيره
الموضوع يتلخص في المثال ده ان محمد ديبو انت تعرفه وتعرفه من اخوه علي ديبو
بس علي احتكاكه كان اكتر بالمباريات واللعب والإشتراكات
لكن محمد والده قاله ليه تروح طالما مفيش نفع لك
وده مش نظرة مادية لأ ، دي نظرة مبعدية وعملية جدا ،
طيب قولي ايه اللي هو او غيره هيستفادوه من المشاركه
وهو لن يحصل علي قوت اولاده
يعني لو راح يلعب مين يأكله ويأكلهم
خلي بالنا احنا بنتحدث علي مصير الجميع يعلمه
الا وهو عدم تقدير لأن المعهود ان كل لاعب له تحصيلات بتجيله رسمي
حتي ولو كانت ضئيلة لحد الضئآله نفسها ولكن غير معدومه يعني متواجده حصتي وحصتك ،
طيب هي فين؟
يجوز فيه مصاريف للنادي انا واللي زيي ميعرفوش عنها حاجه
بس الكلام ده علي جميع الأندية بمستواياتها مش علينا احنا وبس
ولا ايه ؟
واحنا كلنا موتنا ودمنا وقلوبنا كورة لبلدنا
بس الزمن قال الحقوني ياللي ضيعتوا وقتكم

تاريخ ميلادى : 13/07/1985

اتمني ربنا يوفق الجميع يارب ويصلح للاحوال حتي نستمتع بهذه المواهب حتي تكمل المسيره
وانت كنت بشتغل في المنصوره وتيجي تلعب في التسويق علشان بتحب تلعب واانا كنت بروح الجامعه ولازم اجي بدري علشان العب هيه الكوره كدا عشق

للأسف لم أحظي معكم بشرف ارتقاء مكانة لمنتخب بلدي برمبال
ومن حسن حظ برمبال القديمة انها ضمت مواهب عديدة وانت كنت واحدة من تلك المواهب ولكن السيطرة كان لها الدور الأول والأخير بدلا من تنشيط وغرس التقييم الأساسي للاعب ومن هناك كانت سوء الأحوال فنيا وبدنيا لبعض الاعبين ومن ثم التقصير بدورهم في المشاركة
لو كنا استمرينا علي حال البلد قديما كما ذكرت كان عندنا للمستوي الواحد 3 فرق ولكن يجوز إن المسؤولين عن البراعم والأشبال كان له خيارات أخري بالحياة
وعموما نعطي العذر لكل من كان عليه دور وقصر به
لعل الموانع والظروف كانت أصعب

تاريخ ميلادى : 25/04/1985

أنا ماقرأتش كل مداخلات الموضوع لكن عندى سؤال صغير محيرنى زمان واحنا صغار كنا نرى ونسمع عن فريق برمبال وعن انجازاته وعن استقدامه لفرق كبيرة يلعب معاها على ارض التسويق ... السؤال هى برمبال لسا فيها فريق يلعب باسمها ولا ده كان زمان بس ؟؟؟ وهل لبرمبال ملعب يلعب ويتدرب فيه الفريق بعد مادخلت المساكن ارض التسويق ؟؟؟ وهل لنادى برمبال فعلا قطعة ارض مشتراه بجوار مسجد بدر بالمبانى لم تستغل إلى الآن ؟؟؟ اتمنى ان اعرف الجواب من شخصكم الكريم

تاريخ ميلادى : 13/07/1985

Mahmoud Embaby كتب:: أنا ماقرأتش كل مداخلات الموضوع لكن عندى سؤال صغير محيرنى زمان واحنا صغار كنا نرى ونسمع عن فريق برمبال وعن انجازاته وعن استقدامه لفرق كبيرة يلعب معاها على ارض التسويق ... السؤال هى برمبال لسا فيها فريق يلعب باسمها ولا ده كان زمان بس ؟؟؟ وهل لبرمبال ملعب يلعب ويتدرب فيه الفريق بعد مادخلت المساكن ارض التسويق ؟؟؟ وهل لنادى برمبال فعلا قطعة ارض مشتراه بجوار مسجد بدر بالمبانى لم تستغل إلى الآن ؟؟؟ اتمنى ان اعرف الجواب من شخصكم الكريم

استاذ محمود مساء الخير

اكيد في فريق لبرمبال وسيظل دايما ليها فريق ايه سبب سؤال ده يعني
والماسكن لسه مدخلتشي للملعب بالتسويق
هو بيت ضياء وهو ورا الملعب

في ملعب لبرمبال في المباني
بس بعيد ولسه مجهزشي

وان شاء الله نتمني الاجمل لبلدنا

تاريخ ميلادى : 25/04/1985

أعذرنى لانى بعيد عن البلد منذ سنوات لااعلم عنها الا القليل القليل واتمنى أن يتم تجهيز الملعب بالمبانى حتى نحيى هذه المنطقة ...

الأخ محمود امبابي هحاول اني اعطيك افاده مختصره من اللي اعرفه
ممكن يكون برمبال لها فريق لكرة القدم حالياوسابقا
ولكن الله أعلم الأيام اللي جايه ايه اللي هيكون
لأن العناصر المميزة اللي كانت موجوده خلاص منهم اللّي سِنّه قَرُب للتَقاعُد ومنهم اللي سافر عشان مستقبله
ربنا يستر ويكون فيه امتداد لفريق كان طول عمره فعلا قاهر لكثيرون ودائم عراقته مع ان الواقع نفسه يَشُك .
أمّا بالنسبة للملعب فالمفترض ان الموجود ( التسويق )
بيمشي الحال حالياً مع وجود أيضا قطعة أرض المباني
التي لم يتم عمل به أي شغل أو تجديد يدل علي النيه لاحقا
فـــــــــ ربنا يستر ...

تاريخ ميلادى : 25/04/1985

جزاك الله خيرا ياأستاذ حسين على التوضيح
الظاهر والواضح ان اللاعيبه اللى كانت بتلعب
عشان اسم برمبال كانت بتلعب مجانا وكانت رافعة اسم البلد عاليا
على مستوى المراكز والواضح ايضا إن اللاعيبة الحاليين احتمال مايكملوش مسيرة اللى قبلهم عشان عرفوا آخرتها فطبعا هيختصرو الطريق وخصوصا إن مفيش اى وسائل اغرائية من النادى للاعيبه عشان يقدروا يحافظوا عليهم.

تاريخ ميلادى : 20/12/1982

فعلاً موضوع شيق يايكن ولكن فين لعيبة زمـــان وقولي يايكن السنة إلي فاتت أنا كنت في البلد أخدم كم بطولة أو دروة مفيش بس بجد الجيل الصاعد كله جيل محترم وهيبقي له شأن وأتمني أن يعود زمن علاء ورمضــــــــــــــان
ــــــــــــــــــــــــــــــــــــــــــــــــــ
حســــام ســــــالم ( أبو جنــي )
المملكة العربية السعودية

تاريخ ميلادى : 01/04/1987

مشكرو يا يكن على موضعك الجامد ده
انا اولاً بتقدم بأرق التحية للنجم حسين باشا وبصراحة انا أتطلعت على ردوده فلقيتها فيها نسبة كبيرة من النظرة الإيجابية والمنطقية . تعرف تقولى يا يكن إنت بتلعب دلوقتى ولا ؟ أنا على حد معرفتى وإطلاعى على موضوع يوم فى حياة محمد برهان ملقتش فيه ولا ماتش لعبته فى المملكة تعرف تقولى ايه السبب ؟ ياعم يكن اكل العيش وضغوط الحياة والفكر الدئم فى تكوين الذات بتخليك غصب عنك تتخلى عن بعض حجات بتحبها انا طبعا متأكد ان مستواك وخبرتك فى الكورة مش هتتأثر بس احنا فى زمن مايعلم بيه غير المولى عز وجل..فريق برمبال شوقنا ومتعنا كتيييير وأنا أشهد بده بس لازم نكون واقعيين ومن هنا نرجع لكلام النجم الصارم الراجل حسين باشا
ولتانى مرة مشكور يا يكن على الموضوع ده

أحمد محمد عزب
الممــكلة العربية السعودية

تاريخ ميلادى : 13/07/1985

أحمد عزب كتب:: مشكرو يا يكن على موضعك الجامد ده
انا اولاً بتقدم بأرق التحية للنجم حسين باشا وبصراحة انا أتطلعت على ردوده فلقيتها فيها نسبة كبيرة من النظرة الإيجابية والمنطقية . تعرف تقولى يا يكن إنت بتلعب دلوقتى ولا ؟ أنا على حد معرفتى وإطلاعى على موضوع يوم فى حياة محمد برهان ملقتش فيه ولا ماتش لعبته فى المملكة تعرف تقولى ايه السبب ؟ ياعم يكن اكل العيش وضغوط الحياة والفكر الدئم فى تكوين الذات بتخليك غصب عنك تتخلى عن بعض حجات بتحبها انا طبعا متأكد ان مستواك وخبرتك فى الكورة مش هتتأثر بس احنا فى زمن مايعلم بيه غير المولى عز وجل..فريق برمبال شوقنا ومتعنا كتيييير وأنا أشهد بده بس لازم نكون واقعيين ومن هنا نرجع لكلام النجم الصارم الراجل حسين باشا
ولتانى مرة مشكور يا يكن على الموضوع ده

أحمد محمد عزب
الممــكلة العربية السعودية

ازيك يااحمد اخبارك

انت كبرت اووي انت فين في السعوديه انا في الخبر ياريت نتكلم

اما عن ردك في الموضوع في ناس كتير كان ليهم مستقبل وانت منهم كانوا هيكون شباب كويس بس الظروف مش مساعده كل واحد بيشوف مستقبله بطريقته وتفكيره
انا عني هنا انا بلعب رياضه في جيم مش لازم كوره وان كان بحب الكوره اوووي وبمارسها في اي مكان حتي لو شفت كوره في بنده او اي التميمي ممكن انطق شويه او العب بيها
وهكملك بعدين

بصراحه ياجماعه غالبا المساهمات هتكون للرجال فقط ولكني بحب الكوره جدااا وكنت أتمني بيتنا يطل عالملعب مباشرة ومش هوسعها وأقول الاستاد بس كنت بشوف أصحاب خالو وهما راجعيين من اللعب وفيهم بعض الكباتن ال اتذكرت وكنت لم أشوفهم بيرفعوا معنوياتي وأحس اني ال كنت بلعب وبجد نفسي يتعمل مكان معين"ملعب" يكون الكل عارفينه ويبق رمز للمنتدي مش مكان هنا ومكان ممكن يبق هنا وتبق بلدنا قاهرة النجوم داااااااااائما وفكل المجالات ...وأما عن الشغل أو السفر فممكن نحدد يوم وتكون زي الرحله والترويح عن النفس ومتابعة الناشئين ال لسه معندهمش شغل ورفع معنوياتهم ودفعهم للأمام وربنا يقدم ال فيه الخير *معلش يايكن وياجماعه رخمت عليكو*

تاريخ ميلادى : 01/04/1987

أولا سورى على التأخير يا ابو دويدار ياغالى كانت ظروف شغل
ثانيا : ياعم يكن فرق الأجيال بيكون من خمس سنوات فأكثر وعلشان ابسطهالك إزازة البرفان بتاعتك أكيد فى يوم من الأيام هتخلص " ياعنى مافيش حاجة بتفضل على حالها " أنا بس بوضحلك يايكن أنا عارف انك هتفهم كلامى... ثم يا يكابتن يكن انت كنت فى رابعة جامعة وأنا كنت فى ثانية جامعة ياعنى 24من 22 مش كتير يابن الجيل المهم انا عايز اطمن عليك يانجم وعايز اسمع عنك خير أنا هنا فى الرياض
نرجع لموضوعنا :: طبعا الرياضة دى علاج مهم جدا قابل متكون هواية وانا بحييك على مواظبطك عليها أما بالنسة لطموحات اى شاب سواء لعيب اومش لعيب انه يكون فى حالة مستقره ووضع يليق بشخصه أنت روحت لعبت واتمرنت للمنصورة انت وياسر وجمال وفى الأخر انتهيت من دراستك واتغربت علشان عايز تحقق طموحاتك اللى حاولت تحققها من خلال اللعب فمجبتش نتيجة فنرجع تانى لبداية النقاش الزمن والحياة يايكن بيتغلبوا فى معظم الاوقات " مش فى كل الاوقات فى معظمها وده ميمنعش اننا نعترف بحبنا للسحارة المستديرة وعشقنا ليها .!!

أحمد محمد عزب
الممـــلكة العربية السعودية