ليس كل من يجيد كرة القدم يلعب في فريق برمبال

تاريخ ميلادى : 13/07/1985

تذكير بمساهمة فاتح الموضوع :

تظل برمبال مصنع للنجوم والمواهب

لكن لابد من ان يمثل فريق برمبال ان يوجد لديه مقومات البطوله وحب بلده وتشريف اسمها

الحقيقه كان يوجد من جميع انحاء بربمال من يلعبون في فريق برمبال ولم اري من كانت مؤهلاته الادبيه والاخلاقيه قبل الفنيه تمثله ولم يلعب

يمكن ان اكون مخطئ او بعيد عن الاحداث ولكن اعتقد فريق برمبال شرف كبير لكل من لعب له

تاريخ ميلادى : 13/07/1985

روز الجنه كتب:: بصراحه ياجماعه غالبا المساهمات هتكون للرجال فقط ولكني بحب الكوره جدااا وكنت أتمني بيتنا يطل عالملعب مباشرة ومش هوسعها وأقول الاستاد بس كنت بشوف أصحاب خالو وهما راجعيين من اللعب وفيهم بعض الكباتن ال اتذكرت وكنت لم أشوفهم بيرفعوا معنوياتي وأحس اني ال كنت بلعب وبجد نفسي يتعمل مكان معين"ملعب" يكون الكل عارفينه ويبق رمز للمنتدي مش مكان هنا ومكان ممكن يبق هنا وتبق بلدنا قاهرة النجوم داااااااااائما وفكل المجالات ...وأما عن الشغل أو السفر فممكن نحدد يوم وتكون زي الرحله والترويح عن النفس ومتابعة الناشئين ال لسه معندهمش شغل ورفع معنوياتهم ودفعهم للأمام وربنا يقدم ال فيه الخير *معلش يايكن وياجماعه رخمت عليكو*

لسه نظرة المجتمع في بلدنا للي بيلعب كوره مش صحيحة
والكوره بقت مهنه واحتراف اهم حاجه ان كل واحد يعرف هو عايز يبقي ايه
ويشوف الواسائل اللي ممكن تساعده لتحقيق حلمه

نورتي التوبيك

تاريخ ميلادى : 13/07/1985

أحمد عزب كتب:: أولا سورى على التأخير يا ابو دويدار ياغالى كانت ظروف شغل
ثانيا : ياعم يكن فرق الأجيال بيكون من خمس سنوات فأكثر وعلشان ابسطهالك إزازة البرفان بتاعتك أكيد فى يوم من الأيام هتخلص " ياعنى مافيش حاجة بتفضل على حالها " أنا بس بوضحلك يايكن أنا عارف انك هتفهم كلامى... ثم يا يكابتن يكن انت كنت فى رابعة جامعة وأنا كنت فى ثانية جامعة ياعنى 24من 22 مش كتير يابن الجيل المهم انا عايز اطمن عليك يانجم وعايز اسمع عنك خير أنا هنا فى الرياض
نرجع لموضوعنا :: طبعا الرياضة دى علاج مهم جدا قابل متكون هواية وانا بحييك على مواظبطك عليها أما بالنسة لطموحات اى شاب سواء لعيب اومش لعيب انه يكون فى حالة مستقره ووضع يليق بشخصه أنت روحت لعبت واتمرنت للمنصورة انت وياسر وجمال وفى الأخر انتهيت من دراستك واتغربت علشان عايز تحقق طموحاتك اللى حاولت تحققها من خلال اللعب فمجبتش نتيجة فنرجع تانى لبداية النقاش الزمن والحياة يايكن بيتغلبوا فى معظم الاوقات " مش فى كل الاوقات فى معظمها وده ميمنعش اننا نعترف بحبنا للسحارة المستديرة وعشقنا ليها .!!

أحمد محمد عزب
الممـــلكة العربية السعودية

معلهشي ياميدو وميرسي علي كلامك
المجتمع عندنا مش بيساعد كل واحد علي تحقيق احلامه والبيئة المحيطة ليست مثاليه
وفي النهاية هذه هي الحياة

شكرا يانجم

تاريخ ميلادى : 20/07/1983

السلام عليكم

هلا اخى يكن على موضوعك الجميل بس فى نقطة احب اوضحهالك بعد مرورى على حوراك ومناقشتك مع

اخى حسين باشا

سؤال ليك هل لو كنت ساكن فى المبانى مثلا هل تعتقد كنت زمنتك لعبت فى برمبال مع موهبك الكروية

حاجة تانية اخى يكن انت تعلم ان الوضع قديما كان النادى مفتوح على الجميع واذكرلك اسماء مثلا وليد كمال

نعنانعه على ديبو ومحمد مبانى وكمان محمد عبدالسلام ميذو وكمان ياريت ماننساش موهبة المبانى السعيد

عبدالمنعم لوتعرفه يايكن فالنادى كان يحتوى بعض النجوم وليس كلهم فكان بحال افضل

وكمان تذكرة لو تذكرت اننا كنا نلعب فى ملعب الثانوى العصر واظن انك تعلم معظم مستويات بعض اللاعبين
واقولك بكل صراحة كان هناك من اللاعبين موهبتهم الحقيقيه تتعدى بمراحل من معظم اللاعبين فى التسويق

اقولك بعض الاسماء وطبعا حفظا للالقاب حسين باشا كرم الشربينى سامح عيد عبد الشكور بل هناك الكثير من المواهب

فقط لو تم اعطائها ربع الاهتمام مع اللعب ستجد لعيبها اخرين وده بنتكلم على المستوى الجامعى

انزل اخى يكن الى المبانى والصوابر وحتلاقى اخى لعيبه بتاعة ايام زمان لكن مين الى يدور

كمان فين ملعب البلد ده تهريج الارض بقالها كام سنة وتم شرائها هل لو الارض دى فى المنشية ولا

بجوار النادى هل كان سيتم اهمالها كده ياعم يكن دى مصالح

تاريخ ميلادى : 13/07/1985

محمد صدام كتب:: السلام عليكم

هلا اخى يكن على موضوعك الجميل بس فى نقطة احب اوضحهالك بعد مرورى على حوراك ومناقشتك مع

اخى حسين باشا

سؤال ليك هل لو كنت ساكن فى المبانى مثلا هل تعتقد كنت زمنتك لعبت فى برمبال مع موهبك الكروية

حاجة تانية اخى يكن انت تعلم ان الوضع قديما كان النادى مفتوح على الجميع واذكرلك اسماء مثلا وليد كمال

نعنانعه على ديبو ومحمد مبانى وكمان محمد عبدالسلام ميذو وكمان ياريت ماننساش موهبة المبانى السعيد

عبدالمنعم لوتعرفه يايكن فالنادى كان يحتوى بعض النجوم وليس كلهم فكان بحال افضل

وكمان تذكرة لو تذكرت اننا كنا نلعب فى ملعب الثانوى العصر واظن انك تعلم معظم مستويات بعض اللاعبين
واقولك بكل صراحة كان هناك من اللاعبين موهبتهم الحقيقيه تتعدى بمراحل من معظم اللاعبين فى التسويق

اقولك بعض الاسماء وطبعا حفظا للالقاب حسين باشا كرم الشربينى سامح عيد عبد الشكور بل هناك الكثير من المواهب

فقط لو تم اعطائها ربع الاهتمام مع اللعب ستجد لعيبها اخرين وده بنتكلم على المستوى الجامعى

انزل اخى يكن الى المبانى والصوابر وحتلاقى اخى لعيبه بتاعة ايام زمان لكن مين الى يدور

كمان فين ملعب البلد ده تهريج الارض بقالها كام سنة وتم شرائها هل لو الارض دى فى المنشية ولا

بجوار النادى هل كان سيتم اهمالها كده ياعم يكن دى مصالح

السلام عليكم

صديقي العزيز محمد صدام
الحقيقة انا مش فاهم حضرتك عايز توصل لايه
كل الناس اللي انت قولتها لعبت في فريق برمبال باستثناء كرم وان كان جه لعب شويه في التسويق
للمعلومه مفيش حد جه يلعب وحد قله مش هتلعب معانا في الفريق وانت تعرف جيدا ان دايما الفريق بيلعب لحصد المباريات وليس للمشاركه فقط ووممكن ده اللي بيخلي مفيش مساحه وان كان كان ببقي في حقل تجارب قبل كل موسم
وبرده اوضح حاجه لحضرتك اللعب في التسويق او مباريات غير لعب الحواري خالص او الصالات ومش كل واحد بيلعب في الصاله حلو يلعب في الملعب الكبير كويس ويارب تكون المعلومه وصلتك كويس

اما عن منعم وسامح عيد هم من خريجي الناشئين ومحمد اخو سامح كمان صديقي العزيز يعني الاسماء كلها اللي انت طرحتها اعتقد لعبت في التيم بتعنا وياسيدي لو في موهبه او حارس مرمي محصلشي نصيب انه يلعب دا عادي يعني والناس اللي كانت بتلعب في البركه واعتقد انه عملوا اسم كبير

اما عن ملعب المباني هذا ليس من اختصاصي وان كان من وجهة نظري المكان مينفعشي وان كان غير مستحيل
اما عن اهماله اعتقد انك تروح تسال رئيس الناي السابق واللي قبله واللي اصلا راح اخد مكان زي ده

تاريخ ميلادى : 01/04/1987

لا كلام منطقى يا كابتن يكن
بس بشويش شوية يا عمنا

تاريخ ميلادى : 20/07/1983

فعلا اخى يكن ردك ده على ان المكان ما ينفع هيه دى النقطة المحورية الى عاملة حاجز نفسى بين

معظم شباب البلد والنادى (ده ان كانو بيسموه نادى) احسن كل ما كنت امر عليه لو معايا حد بره البلد

بقله ده كافتريا عادية بدل ما يتريق علينا حيبقى لسه معدى على نادى الرياض باناقته واقوله ده نادى برمبال الواحد برده لازم ما يحرجش نفسه

اما المكان اخى يكن هوه مش عاجب الكباتن بتوع النادى ياترى دى نظرية علمية ولا عشان يبعد بعيد عن المنطقة بتاعة الى بيسموه النادى
اقولك انا وبصراحه اخى يكن لو نظرت الى بلدنا العزيز من اول حارة البحر الجديد مرورا

بالمبانى والنعانعة والصوابر واظن دى المنطقة المحيطة بالملعب الجديد او القريبة جغرافيا

اليه تلاحظ ان الملعب الان اصبح يشمل اكثر من ثلاثة ارباع مساحة برمبال والى النادى على

ما اظن حق شرعى لشعب برمبال مش اهواء شخصية اجيب الملعب هنا ولا اوديه هناك

واما ردك بالنسبة لبعض اللاعبين ان هناك فرق بين لعب الصالات والملعب الكبير اظن اخى

يكن اننا نعلم ذلك تمام العلم

ولكن ما استغربه من كلامك اننا عندما نشاهد الدورات الرمضانية سواء فى ملعب الرياض

او برمبال وذلك ملعب كبير اتهرى من اقدام اللاعبين الذى تقول عنهم دول فى مضمون كلامك

دول لاعيبة ملعب كبير ليسو صالات لانرى تاثير لهم او مستوى واضح فى الدورات نفسى

اعرف بيروح فين مستواهم امام فرق الصوابر والمبانى والنعانعه واظن كلامى لا يشمل الجيل الذهبى

لبرمبال بجميع عناصره
اخى يكن فيه لاعيبه كتير الفارق بين ظهورهم وتالقهم فى الملاعب او اعدام موهبتهم الرياضية هو اعطائهم الفرصة
فياليت كل رياضى من ابناء برمبال يتم اتاحة له الفرصة الكاملة وبعدين نحكم على الافراد لكن حكم بدون اتاحة فرصة
هوه ده السبب فى تدهور فريق برمبال الان وعذرا على الاطالة

أحمد عزب كتب:: مشكرو يا يكن على موضعك الجامد ده
انا اولاً بتقدم بأرق التحية للنجم حسين باشا وبصراحة انا أتطلعت على ردوده فلقيتها فيها نسبة كبيرة من النظرة الإيجابية والمنطقية . تعرف تقولى يا يكن إنت بتلعب دلوقتى ولا ؟ أنا على حد معرفتى وإطلاعى على موضوع يوم فى حياة محمد برهان ملقتش فيه ولا ماتش لعبته فى المملكة تعرف تقولى ايه السبب ؟ ياعم يكن اكل العيش وضغوط الحياة والفكر الدئم فى تكوين الذات بتخليك غصب عنك تتخلى عن بعض حجات بتحبها انا طبعا متأكد ان مستواك وخبرتك فى الكورة مش هتتأثر بس احنا فى زمن مايعلم بيه غير المولى عز وجل..فريق برمبال شوقنا ومتعنا كتيييير وأنا أشهد بده بس لازم نكون واقعيين ومن هنا نرجع لكلام النجم الصارم الراجل حسين باشا
ولتانى مرة مشكور يا يكن على الموضوع ده

أحمد محمد عزب
الممــكلة العربية السعودية

أشكر أولاً الأستاذ أحمدالعزب علي مداخلتك وكلامك الطيب
ومع اننا لم نتقابل ( كتعامل ) بعد علي أرض الواقع
ولكن أأمل من الله أن أنول بشرف التعرف عليك ،،،
نيجي لموضوعنا
علماً بأن المقياس للتقييم سواء للاعب أو للكره بشكل عام
يتوقف عليه التمركز والتعمق في جميع مفاهيم وأبعاد هذه المعشوقه أو الساحره المستديره كما يدعها ميمي الشربيني
إلا أن المجال في النقاش والحديث جعلنا ننجذب إليه مما له من أثر وذو حقيقة واقعية
بصراحه أنا أندهشت جداً لما لقيت يَكَنْ بيقول :
مقالة :
وبرده اوضح حاجه لحضرتك اللعب في التسويق او مباريات غير لعب الحواري خالص او الصالات ومش كل واحد بيلعب في الصاله حلو يلعب في الملعب الكبير كويس ويارب تكون المعلومه وصلتك كويس

القاعدة العامه بتقول ان أنا دوري كمدرب أو مسؤول
يجب عليا انتقاء أفضل ماتري عيني وده لايمكن أجيبه
من حاشية مقتصرة علي أصدقائي وأقارب وأهل
ولكن من الحواري دي يايكن ولعب الشارع
انت لايمكن أن تشكّل التيم بتاع المنتخب الأول وتجدده
إلا عن طريق البحث في الحواري وطبعاً ده له ناسه ولمراكز متقدمه فقط ، لأن ده منه بيجيني إعتمادي الكلي
علي جذور موجوده ومحتاجه بس ان انا أنمِّيها يعني
هنا أنا دوري ألاقي الموهبة وبعد كده التنمية ومن هنا
بشكّل العناصر اللي لقيتها بطريقتي وخبرتي وأبدأ معاهم برنامج للتطور
ومن ناحية الكلام عن الصالات ازاي يايكن الاعب اللي في الصاله مش زي اللي في الملعب الكبير مفروض انك عارف
إن العكس تماماً هو الأصح بمعني انك انت مش لعيب اتخلقت للصالة وبس
ولا انا محترف من يومي للملاعب الكبيره وخلاص
لأن دور الصالة معروف إنه بيكشف من هو الاعب الموهوب
فعلاً ومن هو الموهوم
ولا ايــــــــــــــــــــــــــــه .........!
ليه بقه ؟؟؟؟؟
الصالة يانجم هي اللي بتعلمك الإحتكاك المباشر المظبوط
وهي اللي بتكشفك لو نفسك قصير بتظهر لأن اللعب فيها
لا يمكن أن تتوقف
أي نجم بدأ حياته هتلاقي بداية مشواره إما أن تكون صالة
أو حارة أو حي من الأحياء
مطلوب منك انت بس تنمي الكلام ده
وبعد كده تضيفلي خططك وعقلك وأفكارك التكتيكية
عشان أوصل لمستوي أنا عايز أوصل له وأحقق به حاجه ،
والكلام ده انت تعرفه أحسن من ناس كتير .

[/center]

تاريخ ميلادى : 01/04/1987

أشكر أولاً الأستاذ أحمدالعزب علي مداخلتك وكلامك الطيب
ومع اننا لم نتقابل ( كتعامل ) بعد علي أرض الواقع
ولكن أأمل من الله أن أنول بشرف التعرف عليك ،،،

الفاضل والمحترم / حسين باشا
بعد التحية النابعة من القلب تجاهك
سبق لى انا أشاهدك فى بلدتنا الكريمة وكنت اقتدى بك في الأخلاق والإحترام
بجد ياحسين أنا اللى ليا الشرف انك تكون صديق ليا.. والأخ الخلوق يسرى باشا صديقي وحبيبى
وانا بجد عجبنى كلامك وعقلنيتك فى الرد ويانجم فى ملحوظة صغيرة / اللى بتولد نجم وموهوب بيلعب فى أي مكان لو حتي في وسعاية السوالمة اللى كانت بترب رجلينا وتخليها سودا
وانت واليكن من الناس اللى اقتدى بيهم فى اللعب دى حقيقة.

مع تحياتى لك

أحمد محمد عزب
المملكة العربية السعودية

شكراً لك ياأحمد مرة تانية
كما نشكر الأستاذمحمد الإمام(صدام)
علي كل كلامه الطيب أيضاً
ومداخلاته الصادقه في بعض أركان المنتدي
فيه ناس كتير لعيبه واحترفوا كمان (احتراف محلي ) أقصد،
لو قربت منهم هتلاقيهم مش بيلعبوا عشان بلدهم
ولكن عشان نفسه وبس
انا ممكن اكون بقضي وقتي للعب وأهديه لنفسي
في حالة اننا يقتصر دوري علي اللعب العادي أو التمارين
انما لما أكون فرد كلعيب وأساسي كتشكيل لمنتخب بلدي لازم التزم بالحدود في الملعب وخارجه لأنها اصبحت مسؤولية
وواجب قبل اي شيء
لما بنلعب لبلدنا لها مذاق خاص
ولما بنفرض اسلوبنا في الملعب هو ده الهدف المراد
وساعتها أكون كملت دوري وأديت اللي مطلوب مني
يارب النصر الليلة للمنتخب اللي هيلعب مباراته مع موزمبيق

تاريخ ميلادى : 20/07/1983

شكرا اخى حسين على المجاملة الطيبة ولكن تسمحلى اضيف ان من مميزات لعب الهواة

اننا اتعرفنا على شخصيات كتير احترمناهم واتعلمنا كتير الروح الرياضية

اخى حسين صدقت فعلا ونعم الصدق ان منبع اللعيبة الصح الحوارى

كمان فى مقولة ترددت ان النادى فاتح ابوابه لا ليس ذلك هو الصحيح ولكن كما ذكرت اخى

على المسئولين البحث على المواهب وتنميتها من الصغر

كمان اخى حسين ان لعب الهواة يختلف عن اللعب تحت مسئولية اكيد ففى الدورات مستويات

لاعيبة كتير تختلف لانهم يلعبون تحت احتكاك قوى وخبرات

كمان فى توضيح لاخى يكن فى مقولة له ان مش كل لاعيبة الصالات تنفع تلعب فى الملعب الكبير اقولك اخى يكن

وانته نجم كبير نفتخر به المقولة دى مردودة ومعكوسة واقولك انا (ان مش كل لاعيبة الملعب الكبير تنفع تلعب فى

الصالات لان لعب الصالات يحتاج وانت تعلم ذلك يحتاج لاعيبة ذات لياقة وسرعه واحتكاك وارتداد كما يحتاج الى دقة

عالية فى التمريرات لذلك لعب الصالات على ما اظن اصعب لذلك اعكس المقولة اخى يكن)

كل ذلك يدور فى منظومة كروية اخلاقية نفتقدها كثيرا الان